Японы агаарын тээвэр мягмар гаригт дампуурлаас хамгаалах ажиллагааг эхлүүлэхээр болжээ. Олон сарын турш хувь заяа нь тодорхойгүй байсан Азийн хамгийн том агаарын тээвэр эцсийн дүнд дампуурлаас хамгаалах ажиллагааг эхлүүлэхээр шийдсэн байна. 11 сард албан ёсоор 1,5 триллион иeны өртэй байсан нь Японы түүхэнд бичигдэх хамгийн том хэмжээний сүйрэл болно хэмээн яригдахад хүргэсэн юм.

Дампуурлаас хамгаалах ажиллагаа засгийн газраас явуулах бүтцийн өөрчлөлтөөр эхлэхээр болсон бөгөөд үүний хажуугаар засгийн газар компаний байнгын ажиллагаанд хяналт тавьж, шинэчлэлт хийхэд тусламж үзүүлж ажиллахыг Никкей өдөр тутмын санхүүгийн сонинд бичсэн байна.

Зайлшгүй байдалд орсон компаний хөрөнгө оруулагчид Даваа гаригт Токиогийн Хувьцааны Бирж дээр өөрсдийн хэсэг хувьцааг зарж эхэлсэн тухай албаны хүмүүс мэдээлсэн юм. Өнгөрсөн долоо хоногт үнэ цэнээ 90%-р алдсан тэдний үнэт цаас Даваа гаригт ахин 29%-р унасан байна.

Нэгэн цагт Японы өмнөө барьдаг байсан энэ том байгууллага анх 1951 онд байгуулагдаж, улсын өмч болсон ч 2-р дайны дараагаар улсын эдийн засаг эрчимтэй өсөж, улмаар 1987 онд хувьчлагдсан байна. Гэсэн ч хэн нэгний амбицын хохирогч болоод дуусчээ.

1980 оны үеэр Японы хөрөнгө, хувьцаанд савангийн хөөс ихээр гарч ирэх үед гадаадын амралт цэнгээний газар, зочид буудлуудад хөрөнгө оруулах эрсдэлтэй алхамуудыг ихээр хийж эхэлсэн төдийгүй засгийн газрын зааврын дагуу үндэсний ашиггүй компаниудад хүртэл хөрөнгө оруулалт хийж эхэлсэн байна. Энэ үед Японы агаарын тээвэр мөн тэтгэвэр тэтгэмж, цалингаа нэмэгдүүлжээ.

Сүүлийн хэдэн жил Японы агаарын тээврээр үйлчлүүлэх зорчигчдын тоо буурахад дэлхийн хэмжээний нөлөө буюу гахайн ханиадны айдас, Японы бусад агаарын тээврийн компаниудын өрсөлдөөн зэрэг хүчин зүйлүүд ихээр нөлөөлсөн байна.  6 сарын хугацаанд нийт 131.2 тэрбум иены алдагдалтай ажилласан байна.

2001 оноос хойш засгийн газрын зүгээс нийт 4 удаа байлаут төлөвлөгөөг хэрэгжүүлж мөнгөн тусламжийг олгосон ч Японы агаарын тээврийн асуудлыг улам хурцатгасан болохыг одоогийн засаг захиргааны хүмүүс хэлсэн байна.

Тээвэр хариуцсан сайд Сэйжи Маэхара компаны бүтцэд өөрчлөлт шинэчлэлт хийхгүйгээр олон жилийн турш үйл ажиллагааг нь дампуурлын байдалтай авч ирсэн хэмээн өмнөх Либерал ардчилсан намын засаг захиргааг зэмлэсэн байна.

“ Либерал ардчилсан нам асуудлыг хэт удаан сунжруулсан. Харин одоо засгийн газар өөрчлөгдсөн. Тиймээс бид одоо зөв шийдлийг олох болно” хэмээн хэлсэн байна.

Компаний бүтцийн өөрчлөлтийн дүнд 15,600 буюу Японы агаарын тээврийн нийт ажилчидын 1/3 –г  халж, хэд хэдэн дотоод болон гадаадын нислэгүүдийг хаах тухай Киодо мэдээллийн агентлаг мэдээлсэн байна.

Маэхара компаний үйл ажиллагаа бүтцийн өөрчлөлтийн явцад ажилласан хэвээр байхыг мэдэгдсэн юм. Энэ үйл явдалд Delta Air Lines болоод түүний өрсөлдөгч American Airlines олзуурхаж, өөрсдийн сүлжээгээ Азид өргөжүүлэх зорилгоор Японы агаарын тээвэрт их хэмжээний санхүүгийн саналуудыг санал болгоод эхэлжээ.

Өнгөрсөн жил Японы агаарын тээвэр 11.7 сая олон улсын зорчигч, 41.2 сая жуулчидыг тээвэрлэжээ. Олон улсын зорчигчид өмнөх онынхоос 12.4%-р буурсан бол дотоодын зорчигчид 1.8%-р буурчээ.

http://news.yahoo.com/s/ap/20100118/ap_on_bi_ge/as_japan_japan_airlines;_ylt=Agnmlk2E8nZXG5G.FvsRWKSyBhIF;_ylu=X3oDMTJvYWM3czViBGFzc2V0A2FwLzIwMTAwMTE4L2

FzX2phcGFuX2phcGFuX2FpcmxpbmVzBGNwb3MDMgRwb3MD

NwRzZWMDeW5fdG9wX3N0b3J5BHNsawNqYXBhbmFpcmxpbmU-

Custom Search

Сэтгэгдлүүд (0)