20170629 001

ПХЕНЬЯН. /NHK/. Өмнөд Солонгосын Ерөнхийлөгч асан Пак Гын Хэд цаазын ял онооно гэж Умард Солонгос мэдэгдлээ. Удирдагч Ким Жөн Уны амь насыг бүрэлгэхээр төлөвлөж байсан гэж Пакийг Пхеньян буруутгаж байна.

Лхагва гарагт Умард Солонгосын төрийн мэдлийн хэвлэл мэдээллийн хэрэгслүүдэд нийтлэгдсэн мэдэгдэлд “Пакийг шилжүүлэн өгөхийг Өмнөд Солонгосоос шаардаж байна” гэжээ. Уг мэдэгдлийг Умард Солонгосын Улсыг аюулаас хамгаалах яам, Нийгмийг аюулаас хамгаалах яам болон Ерөнхий прокурорын газрын нэрийн өмнөөс гаргасан байна.

Уг мэдэгдэлд “Өмнөд Солонгосын Ерөнхийлөгч асан Пак манай улсын удирдагчийн эсрэг төрөөс санхүүжүүлсэн аймшигтай террорист халдлага үйлдсэн. Тиймээс хоёр Солонгосын харилцааг харгалзан үзсэний үндсэн дээр Өмнөд Солонгосын тал бидний тавьсан шаардлагыг үл тоомсорлох ёсгүй” гэжээ.

Пакийн халааг авсан Өмнөд Солонгосын Ерөнхийлөгч Мүн Жэ Ин АНУ-д айлчилж буй энэ үед Пхеньян ийм мэдэгдэл хийлээ. Ноён Мүн өнөөдөр ба маргааш АНУ-ын Ерөнхийлөгч Дональд Трамптай Вашингтон хотноо яриа хэлэлцээ хийх юм.

 

Эх сурвалж: www.montsame.mn

Зар оруулахдаа анхаарах зүйлс!!!

Та хэн нэгнийг доромжилсон, гүтгэн дайрсан, хараалын үг хэрэглэсэн, бүдүүлэг авир гарган бичсэн, ямарваа нэгэн Вэб хуудас сурталчилсан үг өгүүлбэрүүд оруулж болохгүй!!! Зар оруулж буй хэрэглэгч нь үнэн зөв мэдээлэл оруулах ёстой! Хэрэв ямарваа нэгэн тааламжгүй зар орсон тохиолдолд бидэнд дээр байрлаж буй Мэдээлэл илгээхээр мэдэгдэнэ үү!!!
Энд орж буй бүх зар мэдээлэлд Орлоо-Инфо ХХК  ямарваа нэгэн хариуцлага хүлээхгүй болно!!!

Солонгос улсад суугаа Монголчуудын зарын булан

Мэдээлэл
Зарлал