“НОГООН ЦААС”-НЫ ХҮЧ ГЭР БҮЛИЙН  НАНДИН БҮХНИЙГ НОЁЛЖ БАЙНА
Солонгосын хойгт хөл тавихаасаа өмнө тэнд ажиллаж амьдарч байгаа монголчуудын тухай бусдын л адил өнгөцхөн ойлголттой явсныгаа тэр нутгийн хилээр алхаж ороод эхний хүмүүстэй уулзсан цагаасаа л мэдэрч билээ. Тэгээд энэ хүмүүсийн тухай заавал үнэнийг бичиж Монголд байгаа аав ээж, ах дүүс, эхнэр хүүхдэд нь мэдрүүлнэ дээ гэсэн бодол өвөртөлсөөр багагүй хугацааг үджээ.

Солонгост ажиллаж амьдраад арваад жил болсон нагац ах маань намайг тосох байсан боловч Инчоны нисэх буудалд өглөөний эхний автобусаар ирэхээр болсноос би хүний нутагт шөнийн 2 цагт цор ганцаараа бууж өглөөг хүлээх хэрэг гарлаа. Гэтэл аз таарч тэнд хоёр монгол “сарам” байх нь тэр. Солонгосоор хүнийг “сарам” гэдэг. Тэдний нэг нь манай нислэгийн өмнөхөн газардсан гэрээт ажилчдын онгоцоор ирсэн эхнэртэйгээ уулзчихаад явж байгаа нь тэр аж. Ганзориг гэрээгээр ирээд хоёр сар л болж байгаа, эхнэр нь өнөөдөр бас гэрээгээр ирж байгаа юм.

Гэсэн ч тэр хоёр энд хамтдаа байж чадахгүй, эхнэр нь хөдөө үйлдвэрт хуваарилагдсан болохоор дөнгөж уулзаад л салсан гэнэ. Надтай таарсан хоёр залуу ирээд удаагүй болохоор газар орноо сайн таниагүй, дээр нь хэл мэдэхгүйгээс болоод буцах замаа олохгүй өглөөг хүлээж байгаа юмсанж. Би тэдний нэгнийх нь утсаар ах руугаа ярьж ирж авахыг хүслээ. Ах маань намайг ирсэнд итгэж ядан /учир нь би дөнгөж урд өдөр нь утасдаж маргааш Солонгост очно, тосоорой гэсэн боловч манай ах хэр баргийн хүмүүс хилээр амархан нэвтэрдэггүй болохоор намайг тийм хурдан ирнэ гэж санаагүй байв/ Сөүлээс такси хөлслөн ирлээ. Мөн ах маань энд 10 жил болохдоо төрсөн хүүгээ ирэхэд ч баригдчихна гээд өөрөө тосч байгаагүй. Тэгээд ах бид хоёр нөгөө хоёр монголоо Инчоны дүүрэгт байрлах байранд нь хүргэж өгөөд бороотой Сөүлийн гудамжаар Чүнгүг дүүрэгт байрлах урт нарийхан гудамжнаа ахынхаа гэрт ирэв. Намайг тосч авахдаа ах таксинд 90 мянган вон төлж байгаа харагдлаа. Энэ цаг мөчөөс хойш Хан бандуд жил зургаан сар байхдаа олон арван монголчуудтай уулзаж зовлон жаргалыг нь сонсч, хуваалцаж, нүдээр үзэж харж явсан зүйлийнхээ зах зухаас одоо уншигч тантай хуваалцаж байгаа минь энэ. Танилуудынхаа эрх ашгийн үүднээс нийтлэлд нэрийг нь өөрчилж бичлээ.

ХАМГИЙН БАГА ЦАЛИНТАЙ Ч ХУУЧИН ХУВЦАСНЫ ҮЙЛДВЭРТ АЖИЛЛАХЫГ ҮХЭН ХАТАН ДУРЛАГСАД ОЛОН БИЙ
Яагаад гэвэл энд юм юмыг амжуулж болдог. Харин сүүлийн үед хуучин хувцасны үйлдвэрт баривчилгаа их болсон гэнэлээ. Гэсэн ч монголчууд энэ ашигтай ажлыг орхидоггүй. Бүр Монголд ирчихээд буцаад Е9-өөр очсон эхнэр нөхөр хоёр зөвхөн хуучин хувцасны үйлдвэрт ажиллана гэсээр байгаад хуучин хувцасны үйлдвэр олж ажилласан гэдэг. Яагаад гэж та гайхаж байгаа байх л даа. Хуучин хувцасны үйлдвэрийн цалин ердөө 600 мянган вон орчим байдаг ч монголчууд энд ажиллах дуртайгийн нууц нь цалингаас өөр юманд байдаг. Өөрөөр хэлбэл хуучин хувцсан дээр ажиллаж байгаа хүмүүс цалингаасаа илүү цалинг хуучин хувцасны халааснаас олдог.

Миний мэдэх эхнэр нөхөр хоёр хуучин хувцасны үйлдвэрээр дагнаад 2 жил ажилласан байв. Тэд тэр үйлдвэрт ажиллаж байхдаа хүүтэй болсон. Хүүгийн ээж жирэмсэн байхдаа ажлаа тарсны дараа үйлдвэр лүүгээ нууцаар орж “илүү цаг ажиллах”-даа хэд хэдэн удаа 100 мянгаас дээш вон олж байж. Тэд олсон мөнгөө тусад нь мөнгөний гахайнд цуглуулдаг. Энэ тухайгаа бүсгүй “Би жирэмсэн байхдаа маш азтай байсан. Их мөнгө олсон. Миний хүү чинь өөрөө мөнгөө олоод төрчихсөн байхгүй юу” гэж байсан. Мөн алтан эдлэл маш их олддог. Олсон алтан эдлэлээ солонгосын алт мөнгөний дарханд аваачиж тавин хувийн үнээр нь өгнө. Алтан эдлэлүүд ихэнхдээ хэлхээтэйгээрээ, хосоороо олдоно.
Хуучин хувцасныхан маань Солонгосын аль ч нутагт байсан Сөүлээс карго дуудаж байгаад л пресэлсэн хувцаснуудыг Монгол руугаа ачуулна даа. Тэгэхдээ таарснаа ачуулдаггүй. Маш сайн ялгаж байгаад ангилж, хамгийн сайн гэснийг л ачуулдаг. Хэд хэдээрээ нийлээд ачуулахад сардаа нэг удаа Монгол руу овоо ачаа явуулчихаад байдаг. Бас тэндээ хөөрхөн наймаа хийчихнэ. Савхин курткуудыг ялгаад Түндэмүн дээр аваачаад монголчууддаа 10, 20 мянгаар зарчихна. Ийм маягаар байхад хуучин хувцасныхан сардаа саяас дээш орлоготой байж дөнгөөд байдаг. Хамгийн гол нь Монгол руу ачуулсан бараа л “чулуу” болдог. Монголд ах дүүс нь барааг нь аваад захын наймаачдад бөөндчихнө. Барааг нь зарж өгөх хүнгүй нэг нь контейнер худалдаж авахуулаад тэр лүүгээ хийлгүүлж хадгалдаг.
Тэгээд өөрсдөө ирж борлуулах бодолтой аж. Харин дээрх танил хоёр маань дандаа савхин куртка Монгол руу ачуулдаг, өөрсдөө удахгүй очоод Орос руу гаргаж зарна гэцгээдэг байв. Савхин куртканууд нь удаан контейнерт байхаараа үнэр орж хөгцөрчих гээд байдаг, ах эгч нь байсхийгээд л гаргаж сэврээдэг тухай ч ярьж байсан. Өөр нэг “юм” олдог газар нь “сэтак” буюу угаалгын газар. Нэг танил монгол залуу маань сэтакт ажиллаж байхдаа сая гаруй төгрөгний алтан ээмэг бөгж хосоор нь олоод эхнэртээ зүүлгэчихсэн байлаа.

НҮҮР ЦАРАЙ АВАХ ЮМГҮЙ БОЛСОН Ч ОРОН СУУЦНЫХАА МӨНГИЙГ ТӨЛЖ БАЙЖ Л АЖЛАА СОЛИНО ДОО
Ингэж ярьсан Төгсөө гэдэг залуу дөнгөж 21-хэн настай. Тэрээр ахтайгаа хоёул төмрийн үйлдвэрт ажилладаг. Төмрийн үйлдвэр маш хүнд нөхцөлтэй. Гэхдээ монголчууд бас арай гайгүй ажлыг нь хийнэ. Яг төмрийн будагтай зууралдах, хамгийн хортой ажлуудыг төлгүүд буюу вьетнамчууд л гүйцэтгэж байгаа харагддаг. Гэсэн ч Төгсөөгийн нүүрээр дүүрэн улаан гүвдрүү туурч, төмрийн хордлого болжээ. Ийм болоод 9 сар болж байгаа гэсэн. Ажлаа солиоч гэхээр “Би саяхан Сөүл ороод 10-р хороололд баригдаж байгаа барилганд хоёр өрөө орон сууц захиалчихсан болохоор энэ ажлаа орхиж чадахгүй байнаа. Орон сууцныхаа мөнгийг төлж дуусаад л өөр гайгүй ажил хайхаас” гэнэ. Тэгнэ гэвэл Төгсөө эндээ дахиад хоёр жил шахуу ажиллах хэрэгтэй. 9-хөн сард дахиад гүвдрүү туурах газаргүй шахам болсон нүүр орон сууц нь баригдаж дуусах хооронд юу болох бол оо гэхээс өмнөөс нь өр өвдөж л байсан, үнэндээ.

МАНАЙХАН НАМАЙГ “ШИБАЛ” Л ГЭЭД БАЙДАГ ШҮҮ ДЭЭ, ШИБАЛЫГ ДУУДААД ӨГ Л ГЭЧИХ
Харийн нутагт очсон хүн бүхэнд тулгардаг хамгийн эхний проблем хэл байдаг. Солонгост байгаа монголчуудын дунд ч хэлний бэрхшээлээс болж хохирох, цалин мөнгөө авч чадахгүй байх, эмнэлгийн тусламж авч амжихгүй өвчин зовлонд нэрвэгдэх зэрэг асуудал үүсэхээс гадна онигоонд орох нь элбэг. Бас онигооны баатар болохоосоо болгоомжилдог юмуу зарим нэг товарищ хэл сурахгүй шүү дээ. “Өө, надад солонгос хэл хэрэггүй, болчихдог” л гэнэ. Нэг тийм залуу эзнийгээ юм хэлэхээр зүгээр л “ОК” гээд л байна. Баахан “Ок”, “Ок” гэж байснаа монголчууд дээрээ ирээд “Сая эзэн юу гэсэн бэ?” гээд наадуул нь “Чи Ок л гээд байсан биз дээ, мэдэж байгаа юм биш үү?” хэмээн шоолж бөөн инээдэм болно. Бас нэг залуу эхнэрийнхээ араас очиж л дээ. Эхнэр нь “хог” гэдгийг “сырэгэ” гэдэг юм, чи цээжилж чадахгүй бол “сергей” гэхэд бараг адилхан” гэж хэлжээ. Хэд хоногийн дараа залуу “Хогийг чинь Алексей гэдэг бил үү, Сергей бил үү?” гэжээ. Хамгийн өрөвдөлтэй онигоо нь нэг залуу Түндэмүн дээр нутгийнхаа монголчуудтай таарчээ. Тэгээд нутгийнх нь залуус утасных нь дугаарыг авах гэтэл “Би одоохондоо гар утасгүй байгаа. Манай “самүшил” /контор/-ын утсаар ярьчих” гэж л дээ. Наадуул нь “Хөөе, тэгээд хэнтэй ярья гэх вэ?” гэсэн чинь “Манайхан намайг “шибал” л гээд байдаг шүү дээ, шибалтай ярья л гэчих” гэсэн гэдэг. Үүнийг сонсоод манай нэг монгол тэнд шибалаараа дуудуулаад хараалын муухай үгийг өөрийнхөө нэрийг гэж бодоод явж байгаа нь эмгэнэлтэй санагдсан. Шибал гэдэг нь солонгос хараалын үг юм. Уг нь “шиб паль” гэсэн “18”-ын тоо боловч солонгосууд энэ үгийг их цээрлэдэг, хараахаараа хэлдэг.

СЕКС БА ХОС ЗАЛУУСЫН ГАНЦААРДСАН ЖИЛҮҮД
Үнэнч байх гэдгийг хатуу сорьсон, ямар ч үнэнч хүнийг барьц алдуулахаар хэцүү асуудал бол секс гэдэг нь илт байсан. Бие биедээ хичнээн хайртай ч хосууд хоёр талд доод тал нь гурван жил, түүнээс дээш хугацаагаар байна гэдэг асар хүнд бие, сэтгэлийн там юм гэдгийг уулзсан хүн болгон л ярьж байсан. Хонгороо ах эхнэр хоёр хүүхдээ орхиод ирсэн. Уг нь 1 сая 200 мянгын цалинтай ч ихэнх цалингаа орой бүр эхнэрээ гэртээ байна уу үгүй юу, юу хийж байгаа бол гэж шалгаж, тагнахад, эхнэрийнхээ хэлснийг нотлоход зориулчихна. Эхнэр нь нэг орой утсаа авсангүй. Хонгороо ах унтсангүй, хүрэн савтай “мэгжү”-гээ /Hite пиво/ тэврээд л, монгол руу дахин дахин залгаад л. Нэлээд шөнөөр эхнэртэйгээ ярьж байна аа. “Чи яачихав аа?”, “Усанд ороод л”, “Усанд орохдоо утсаа аваад орж бай л даа, хүн боож үхэх шахлаа”. Үүнийг юу гэж ойлгохов? Ийм л яриа монгол солонгос хоёрын дунд утасны наана цаанаас удаан үргэлжилнэ. Уг нь эхнэрээ татаж авах гээд л хүн амьтны урдуур хойгуур орж яваа л юм билээ. Гэвч эхнэрээ шалгадаг Хонгороо ах маань сардаа хоёр удаа “ягааны гудамж”-нд /биеэ үнэлэгчдийн байрлаж буй гудамж/ очиж “цагаа бүртгүүлдэг”. Хамтдаа маханд орж сууж байгаад л гараад сэмхэн сэмхэн цаашилсаар нөгөө гудамж руугаа алхцгаачихна. Би араас нь “Хөөе, хаачих гэж байна. Эхнэрүүд рүү чинь утасдлаа шүү” гэж айлгахчаан аядаад л үлдэх. Яг үнэндээ ярихгүй л дээ. Яагаад гэвэл тэр хүмүүсийн асуудлыг сайн ойлгож байгаа юм чинь. Энд байгаа зарим монгол хүүхнүүд эрчүүдтэй “орооцолдчихоод” бөөн хэл ам үүсгэдэг. Тийм хүмүүстэй “янз бүр” болж дараа нь
Монголдоо ирээд асуудалд орж байснаас зүгээр л албан ёсны, элдэв өвчин энэ тэр авна гэж айх аюулгүй биеэ үнэлэгчид рүү нь сардаа ганц нэг оччихоод байх нь нэрэнд ч цэвэр, хаа хаанаа хал балгүй санагдсан. Энэ гэхдээ миний хувийн бодол гэдгийг хэлэх хэрэгтэй. Уг нь хосоороо ч амьдралын эрхээр, мөнгөний төлөө ганцаардсан амьдралаар олон жилийг үдэж, залуу насаа өнгөрүүлж байгаа нь яасан харамсалтай гээч. Энэ ганцаардлаасаа болоод галзуурчих шахаад Сөжү уухаараа л бүхнийг мартдаг

Гомбоо гэдэг залуу бидний ойролцоо ажиллаж амьдардаг байв. Уг нь тэр Монголд байхдаа ТИС төгсч улсын нэгэн томоохон байгууллагад инженер, мастер хийж байсан чадвартай залуу ч мөнгөний төлөө солонгосыг зорьсон ганцаардал түүнийг Сөжүний ногоон шилтэй “ихэрлүүлж” орхисон байсан. Нэг удаа Баатараа гэдэг ах архи уучихсан уйлж орж ирэв. “Авгай хүүхэд хоёрынхоо төлөө л ах нь энд таван жил боллоо. Одоо жаахан байж байгаад явнаа, Монголдоо очоод сайхан амьдарна” гээд л
инээж суудаг Баатараа ахыг уйлаад орж ирэхэд нь сандралгүй яахав. Гэр орныхон нь зүгээр байгаа, яанаа гээд л амыг нь харж хэсэг суув. Баатараа ах “Ах нь өнөөдөр цалингаа авсан, Монгол руу явуулах гэсэн чинь чаддаггүй ээ, яах уу? Явуулах уу, яах уу?” гээд л. “Үгүй, та явуулахгүй яадгийм” гэсэн чинь “Ах нь энд ирээд таван жил болж байна, гэтэл Монголд бага хүүхэд хоёр нас хүрч байна гэнээ”. Үүнийг сонссон бүгд хачин болсон. Мөн Солонгост очоод 10 жил болж байгаа ахын охины тухай тэр ах ч, би ч төсөөлж чадахгүй байсан. Юу гэвэл Отгоо ахыг Солонгос руу явахад 8 настай үлдсэн охин нь энэ жил 10-р ангиа төгссөн гэнэ. Отгоо ах охиныхоо тухай орхиод явсан тэр үеэрээ л дурсан ярьдаг. Тэр охиныхоо хамгийн нандин гэгээн үе болох 10 жилийн, сурагч насны амьдралыг нь мэдэхгүй өнгөрүүлжээ. Ийм л амьдрал үргэлжилж байна. Намайг очиход эргэн тойрны маань монголчууд интернет заалгаж эхэлсэн юм. Тэгтэл Хаагий гэдэг залуу солонгост хоёр жил болж байгаа ч анх удаагаа эхнэр хүүхэдтэйгээ чаталж, камераар бие биесээ харсан. Харин нөгөө Хаагий чинь гэнэт эхнэрээ “Хөхөө гарга” гэдэг байгаа. Ээжтэйгээ хамт аавыгаа харахаар Улаанбаатарын нэгэн интернет кафед орсон нэгдүгээр ангийн хүүхдэдээ хүртэл “Наад
ээжийнхээ мөөмийг гарга” гэснийг нь яана. Эхнэр нь эхлээд “Юу гээд байгаа юм” энэ тэр гэж байснаа сүүлд нь нөхрөө өрөвдсөн ч юмуу яасан юм боломж байвал гаргачих санаа байгаа бололтой эргэн тойрноо хяламхийж байгаа нь камерт харагдаж бид тэднийг шоолон тэрхэн үедээ элгээ хөштөл инээсэн. Гэхдээ энэ инээд биш байсан л даа, яасан чиг. Энэ бүхэн ч яахав, тэнд хамтран амьдрагчид гэж бий. Монголд аль аль нь эхнэр, нөхөртэй. Тэндээ болохоор хамтдаа байна. Үнэндээ бидний монголчуудад хэдэн ногоон цаас ийм л үнээр олдож байна. Ногоон цаасны хүч гэр бүлийн нандин бүхнийг ноёлж байна. Энэ нь тухайн нэг гэр бүлийн асуудал мэт боловч үндэсний аюулгүй байдлыг ганхуулж эхлээд байгаа юм биш үү? Их эзний маань “Биеэ зас, биеэ засаад гэрээ зас, гэрээ засаад төрөө зас” гэдэг айлтгал өнөөдрийн Монголыг харж хэлсэн гэлтэй, Монгол төрийн бодлоготнууд аа!

“МАНАЙ ЭНЭ ХЭРЭГТ ОРЧИХ ГЭЭД БАЙНА, БУШУУХАН СОЛОНГОС ЯВУУЛЪЯ”
Гэрээ засах гэж харьд очоод хоёр өөр газар удаан байснаас гэр бүл ч үгүй юу ч үгүй болж үлдсэн монголчууд олон. Гэтэл бас гэрээ засах нь битгий хэл биеэ засч чадаагүй залуус Солонгост олноороо очсон байдаг. Би нэг удаа “Зууны мэдээ”-гийн дагуул “24 цаг” сониноос “Манай дүү архи уугаад болохгүй байна. Бүр хэрэг төвөгт орчих гээд байх юм. Бушуухан энэ архины найз нөхдөөс нь салгаад солонгос л явуулчихмаар байна, яаж явуулах вэ?” гэсэн уншигчийн асуултыг харж байсан. Яг ийм л шалтгаанаар очсон залуустай уулзаж байв. Эдгээр залуус аав ээжийнхээ гар дээр байж байгаад гэнэт “уяанаасаа алдуурсан” мэт эрх чөлөөг мэдрэхээрээ дураараа дургиж дунд чөмгөөрөө жиргэж эхэлдэг. Намайг хэн хэлэхэв, нохойг хэн саахав гэсэн ийм хүмүүс л улсынхаа нэрийг муугаар “цоллуулдаг”. Би нэг залууг Уугий гэж нэрлэе. Тэр Пусаны ойролцоох нэгэн жижиг хотын хог боловсруулах үйлдвэрт хуванцар бутлах ажил хийдэг. Өдөр бүр архидна. Үнэндээ ийм залуусыг ээж аав, гэрийнхэн нь эндээс архины найзуудаас нь салгаад явууллаа л гэж санаад үлддэг байх. Харин тэд хаа ч дугуй дугуйгаа амархан олоод ижилсчихдэг юм билээ. Дөнгөж 10 жил төгсөөд найзынхаа машиныг унаж яваад согтуугаар наадмын өмнөхөн хүний хурдан морь, арван хэдэн хонийг хиартал нь дайраад алчихсан түүнийг аав ээж нь бараг шоронд илгээгддэгийн даваан дээр солонгос руу амжиж явуулсан гэдэг.

ХУЛГАЙЛЖ БОЛОХ БҮХНИЙГ…?
“Хэнэггүй монгол зан” гэдэг шиг “хулгайч монгол зан” тэнд байдаг. Хэн ч хаанаас ч дугуй хулгайлаад л уначих юм. Тэгснээ нөгөө хулгайн дугуйгаа нэг өдөр алдчихсан хоёр монгол хоорондоо “Энэ хавьд
монголчууд байна даа, дугуй авчихаж” гэж ярьж байх. Ойролцоо нь монгол хүн байгааг ингэж мэдэж байх жишээтэй. Цалингаа буухаар ойр хавийн монголчууд нэгнийдээ цуглаж ууцгаана. 2 литрийн хүрэн савтай “Hite” шар айргийг сайн ууна даа. Нэг удаа хөрш айлын монгол ах манайд баахан шар айрагны савтай ороод ирэв. Дотор нь дүүрэн ургамлын тос байгаа гэнэ. Яагаад энд хийчихсэн юм бэ? гэхээр “Урд үйлдвэрийн монголчууд баахан ургамлын тос “шаачихаж”, тэгээд уусан пивоныхоо саваар дураараа хийж аваад ирлээ” гэх юм. За тэгээд ноолийн цаасыг бол бас л орсон PC бан, олон нийтийн газраасаа аваад явчихдаг монголчууд гарнаа. Жинхэнэ ичнэ дээ, ийм юм хийсэн нутаг нэгтнүүдээсээ.

МОНГОЛЧУУДЫН МААНЬ АМИНД ОРДОГ MGLCLUB.COM-ЫН ТУХАЙ ДУУГАРАХГҮЙ ӨНГӨРЧ БОЛОХГҮЙ
Солонгост байгаа монголчуудын ажил хайж олдог, зовлон жаргалаа хуваалцдаг ганц талбар нь mglclub.com сайт юм. Уг сайтын ажлын зар үдийн цайны цаг гэхэд зуу зуугаараа нэмэгдчихсэн байдаг. Сайтаар бас сонин хачин ихтэй. Гахайчин Дэнсмаа гэсэн ID-тай нөхөр янз янзын авир гаргана. Үргэлж л интернетээр хэн нэгэнтэй хэрүүл хийж байдаг түүнийг жинхэнээрээ бол гомо залуу байдаг гэсэн. Мөн энэ сайтаар тусламж хүссэн хүмүүс их байдаг. Мэддэг л бол харин монголчууд маань нэгэндээ асуусан юмыг нь уйгагүй сайн хариулаад өгчихсөн байдаг нь их таалагддаг. Сайтад бас “… ээ, Монгол руугаа хариач ээ, үр хүүхэд чинь хэцүүдээд байна”, “7 жилийн өмнө явсан …-ийг олж өгөөч, ээж нь муу байна” гэх мэтийн зарууд Монголоос их тавьсан байдаг. Юутай ч mglclub.com бол элчингийн сайтаас илүү монголчуудад тус болдог. Гэхдээ солонгос дахь Монголын элчин сайдын яамны сайтын нэг давуу тал нь асуусан асуултанд өдөрт нь хариулаад өгчихдөг юм билээ.

ТЭДНИЙ МАХАА ИДЭЖ ОЛСОН МӨНГӨ МОНГОЛД ИРЭЭД ЮУНД ЗАРЦУУЛАГДДАГ ВЭ?
Солонгост буй монголчууд махаа идэж мөнгө хийдэг. Амь насаараа дэнчин тавьж ажилладаг. Тэндхийн хамаг л хүнд хүчир салбарт ажиллаж, хөдөлмөрийн аюулгүйн ажиллагааны горим өчүүхэн л алдагдвал хөл гар, эд эрхтнээсээ салчихаж мэдэх нөхцөлд өдрийн 12-оос доошгүй цагийг өнгөрөөдөг юм. Тэгээд сардаа нэг л өдөр баярладаг. Цалингаа гар дээрээ авч, тоолж, харж баярлах тэр хугацаа нь Монгол руу мөнгөө гуйвуулснаар дуусгавар болно. Цалин буутал хэн нэгнээс зээлсэн 5-10 цаасаа өгөөд ойр зуурын тамхи, талхны мөнгө л үлдэнэ дээ. Зарим нэг сонин нөхөд бий. 5-уулаа гэрээгээр ирж, нэг үйлдвэрт томилогдон хамт ажиллаж, амьдарч байж ижилхэн цалин авангуутаа “Би өртэй” гээд хоолны ч мөнгө авч үлдэхгүй бүх мөнгөө Монгол руу явуулчихаад бусдынхаа мөнгөөр амьдраад явчихна шүү. Нөгөө хэд нь эрчүүд болоод ч тэр үү хоорондоо гайхаж яриад л өнгөрөхөөс өөр хэл ам татлах ч үгүй. За энэ ч яахав, манай хэдийн зовж олдог мөнгө Монголд ирээд юу болж хувирдаг вэ?
Юуны түрүүнд Солонгосоос ирсэн мөнгөөр Цагаан сар, Шинэ жилээ тэмдэглэдэггүй айл ховор болжээ. Мөн ах эгч, аав ээжийнхээ явуулсан мөнгөөр сургалтын төлбөрөө төлдөг оюутан, сурагчид олон болжээ. Өдрөөс өдөрт үнэ нь хадаж байгаа орон сууцны барилгуудын ашиглалтанд орох хугацааг солонгосоос орж ирж байгаа мөнгөний хэмжээ л мэддэг болжээ. Энэ бүхэн тийм ч муу юм биш л дээ. Гэхдээ Монголд байгаа монголчууддаа хандаж хэлэхэд та солонгосоос хэн нэгний явуулсан мөнгийг бариад гарахдаа таны гарт буй тэр мөнгө хайртай, дотно хүний чинь хамаг хөлс хүч, залуу нас, амьдралынх нь алтан цаг хугацаагаар солигдож ирсэн гэдгийг заавал нэг бодож зарцуулаарай. Тэгвэл тэдний чинь харьд өнгөрүүлсэн цаг хугацаа утга учиртай болноо.

ЭНЭ ЯВДАЛ НАЙЗЫН МААНЬ АСУУДАЛ Ч ГЭЛЭЭ СОЛОНГОСТ БАЙГАА БҮХ МОНГОЛЧУУД НЭГИЙГ БОДНО БИЗ
Би бичлэгийнхээ төгсгөлд Монголд яг одоо болоод буй нэгэн хэргийн тухай цухас дурдахыг хүсэв. Надтай 10 жилд цуг сурч байсан ангийн охин маань өнөөдөр Дээд шүүхийн хаалгаар эргэлддэг ажилтай
болоод байна. Тэрээр арваад жилийн өмнө нөхөртэйгөө хоёул Солонгос руу ажиллахаар явсан. Тэнд тэд хөөрхөн охинтой ч болсон. Жил гаруйн өмнө нөхрийнх нь бие муудаж хоёулаа Монголд ирсэн ч харамсалтай нь нөхөр нь хориодхон хоноод өөд болжээ. Солонгосоос нөхрийнхөө төрсөн дүүд мөнгө явуулж хоёр өрөө байр авахуулсан байжээ. Гэтэл одоо нөхөр нь нас барж, нөхрийнх нь дүү нар ахынхаа авгай, төрсөн ганц охиноос нь байрыг нь авахаар улайран шүүхдэлцэж байна. “Би монгол хүн”. Тийм болохоор монгол хүн хаа ч сайхан амьдарч, үргэлж аз жаргалтай байгаасай гэж хүсч явдаг. Тиймдээ ч солонгост байгаа монголчуудын дунд орохдоо мэдэрсэн зарим зүйлээ нэмж хачирлалгүй уншигч тантай хуваалцлаа. Бас үүнийг л монголчууд минь мэдээсэй гэсэн асуудал байвал уншигч та Энэ имэйл хаяг халдлагаас хамгаалагдсан. Та JavaScript -ээ идэвхижүүлж байж харах боломжтой хаягаар надтай харилцаарай! Надад ч энд багтааж амжаагүй бичих юм их үлдсэн. Дараа хуваалцамз.

Бичсэн: Сэтгүүлч Ж.Жаргалсайхан

Custom Search

Сэтгэгдлүүд (45)

...
бичсэн зочны сэтгэгдэл , 2009 / 08 / 12

Энэ дээрийн бичлэг байхаа. Одоо цаг төр өөр болоод байна шүү дээ. Яг тэндээ амьдраад ажилаад байгаа хүнд бол юу ч мэдэгдэхгүй өөрчлөгдөөгүй мэт. Хүнсний бараа үнэд ороод байдаг.Солонгост юу бол ж байна болохгүй байна мань мэтэд хамаагүй учир сэтгэл тайван юм болов уу даа. Ямар төр засаг ингэж буруу зүйл хийлээ инглээ тэнгэлээ гэх биш. Гадаад ажилчдын болон виз, цагаачлал, ажлын хөлс, хоногийн талаар хууль гарвал уншина, ойлгох гэж оролдоно. Бусад мэдээлэл ч бараг сүн гээд л өнгөрнө. Бүр удчихсан баагийд бол монголд ч юу болох хамаагүй.Мэдэх ч үгүй. Сэтгэхгүй бол боолын шинжтэй болчихдог юм аа. Түүнээс ажил хөдөлмөр бол яах вэ? хаана ч хэцүүгээ хүрвэл хэцүү л байдаг ажил, орчин шүү дээ.
Монголд солонгосын том хөрөнгө оруулалт орж ирвэл ажиллах хүчин л харин ихтэй болсон доо.
Солонгост үнэхээр эрүүл мэндээ их алдах юм даа, зайлуул.

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +1

...
бичсэн зочны сэтгэгдэл , 2009 / 08 / 12

одоо солонгост оюутан залуус иx болсон..бас xар цагаан гэж 2 хуваагдна,бугд машин,мотостикл унана..замийн тсагдаагаас зугтаж бултаж сайхан давхинадаа...алxаадл монгол хоолний газарууд,,тэнд буx уом байдаг болсон.солонгсийн монгол болсон шудээ...

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 08 / 14

хуурхий дээ Монгол ахан дуус мини хэзээ нэг эх нутагтаа элэг бутэн сайхан амидрана даа.

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +1

...
бичсэн зочны сэтгэгдэл , 2009 / 08 / 14

Харин тиймээ.. Хэзээ бол..

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +1

...
бичсэн зочны сэтгэгдэл , 2009 / 08 / 15

Харин тиймээ.... Монголчуудын маани амидрал али али талдаа хэцүү б.наа. Энэ зун Монгол ороод гэр булийнхээ амидрал ахуйг хараад сэтгэлээр унасан шуу. Хэлэх ч уг алга. Гомдох ч багадахаар.

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 08 / 15

БНСУ-д төрийн дээд хэмжээний айлчлалаас гадна төрийн жижиг сажиг гэрээ хэлзэл хийх, туршлага судлах гээд хэдэн зуун айлчлал болдог гэж санана. Бүгд Монголоос орчуулагчаа дагуулж ирнэ.Онгоцны билет, хоолны мөнгө, томилолтын мөнгө, буудлын мөнгө гээд долоо хоноход доод тал нь 1500 $ шүү дээ.
Гэтэл энэ солонгос улсад чинь өнөөдөр 2000 гаруй оюутан төрөл бүрийн мэргэжлээр сурч байгаа бөгөөд 3-р курсээс дээхс ангийн оюутнууд бол 100% орчуулга хийх чадвартай л болсон байгаа. Тэднийг л өдрийн 100$ (100 000 Воно биш шүү) хөлслөөд аваад явчих сүлжээ хийчихгүй юм даа. Нилээн хэдэн жилийн өмнө СМОХ гээд хүмүүсд дуулгаж л байсан. Бүтэхгүй чадахгүй гэдэг талаас нь бол оюутан хариуцлага хүлээхгүй учир гээд байх шиг байгаа юм. Тэр туршлага солилцох болон түр сургалтын баагий нарт ямар юмны хариуцлага байна аа.
Хэдэн монгол оюутан мөнгөтэй л болно биз.
За даа бүх төрлийн мэргэжлээр орчуулга хийх чадвар бий шүү, тэдэнд
Д.Мөнх

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 08 / 15

сайхан тсаг ирэх байх аа

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 08 / 15

Namaig N gedeg Odoo USAd Howard-iin Ih surguulid magistar hamgaalj bnaa bi neg l yum helmeer bna bid odoo zasgiin gazar ch yumuu eswel hen negniig buruutgahaa bolii tedniig muulj doromjilj bicheed ch ted nar hezee ch oorchlogdohgui oilgohgui. Harin tuunii orond bid sanaa negtgej amjilt gargah heregtei yunii tuld chingisiin udamt mongol bilee odoo zowolgooroon bish harin oyun uhaanaaraa amdirtsgaaya bi olon yum sudalsan Korea USA geed er ni oor uls orond amidarch baigaa undur medlegtei mash chadwartai zaluus olon bna tedend bodson yum ih baiwch ted uneheer gantsaardaj bna bid niileh heregtei oluulaa shiidwel olomgui dalai gedeg biluu tuuntei adil huwia hicheeh zangaa tataad ataa jotoogoo jaahan ch bolow hoish tawiad oun uhaanaa umhii solongos ter ultsgar sharuudiin toloo bish eh etseg ur huuhed oron ger uls orniihoo bas ooriinhoo toloo zartsuulaad tsag zawaa arhind bish amidraldaan zoruilwal erguu solongosuudaas ehleed ilshirsen hujaanuudaas hurtel hariugaa awh bolomj mash olon bna hawsarch baigaad busad ulsaas altiig ni awaad shawhruug ni uldeechiheed setgeleeree bayan itegleeree duuren Mongol ulsruugaa hamttaa yawtsgaayaa. Bidend mongol ulsaan sergeen manduulah haraal idsen har zudiig taslan zogsooh huch hangal hangalttai baigaag bi medej bnaa. Enehuu text ni delhiin buh uls orond amidarch baigaa buleen t**stai haluun setgeltei khalkh mongoliin ard tumend hamaatai bolohiig hatuu anhaaruulj bnaa

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +1

...
бичсэн зочны сэтгэгдэл , 2009 / 08 / 15

Namaig Naagii gedeg Odoo USAd Howard-iin Ih surguulid magistar hamgaalj bnaa. Bi neg l yum helmeer bna bid odoo zasgiin gazar ch yumuu eswel hen negniig buruutgahaa bolii tedniig muulj doromjilj bicheed ch ted nar hezee ch oorchlogdohgui oilgohgui. Harin tuunii orond bid sanaa negtgej amjilt gargah heregtei yunii tuld "Chingisiin udamt Mongol ulsiin irgen" bilee odoo zowolgooroon bish, harin oyun uhaanaaraa amdirtsgaaya. Bi mash olon yum sudalsan Korea, USA geed er ni oor uls orond amidarch baigaa undur medlegtei mash chadwartai zaluus olon bna. Tedend bodson yum ih baiwch ted uneheer gantsaardaj bna, bid niileh heregtei "oluulaa shiidwel olomgui dalai" gedeg biluu tuuntei adil huwia hicheeh zangaa tataad ataa jotoogoo jaahan ch bolow hoish tawiad oyun uhaanaa umhii Solongos, ultsgar sharuudiin toloo bish eh etseg, ur huuhed, oron ger, uls orniihoo bas ooriinhoo toloo zartsuulaad, tsag zawaa arhind bish amidraldaan zoruilwal erguu solongosuudaas ehleed iljirsen hujaanuudaas hurtel hariugaa awh bolomj mash olon bna hawsarch baigaad busad ulsaas altiig ni awaad shawhruug ni uldeechiheed setgeleeree bayan itegleeree duuren Mongol ulsruugaa hamttaa yawtsgaayaa. Bidend Mongol ulsaan sergeen manduulah haraal idsen har zudiig taslan zogsooh huch chadal hangalttai baigaag bi medej bnaa. Bidnii huwian hicheesen zan Mongol ulsiig zaligahaas ni umnu zon sowingooroo negdej, zow Ulsiin toloo hamtdaa temtsehed mini bie belen bna. Enehuu text ni delhiin buh uls orond amidarch baigaa buleen t**stai haluun setgeltei khalkh mongoliin ard tumend hamaatai bolohiig hatuu anhaaruulj bnaa.

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 08 / 16

солонгосийн туxай бараг л дунд ни орсон юм шиг мэдэж авлаа,ингэxэд чи эр ни
эврөпт байдаг монголчууд байгаа орноосоо шалтгаалж янз бурийн аргаар, оороор xэлбэл монгожихийн тулд юу xийж амидардаг,ямар их эрсдэл дагуулж явдаг,эр ни
тэдний амидрал,орчин,хусэл сонирхолийг хэр мэддэгээ бичиж сонирхуулаач!

Бугдийг ни жишиж узмээр санагдчихлаа,Эврөпийн Монголчууд унэн даварчихсан
новшнууд гэж би хэлиэ!!! Энэ хавиар тэнэж амидраад олон жил болж бна даа.
Товчхондоо:Намайг Баяраа гэдэг,хариу бичихээр чини бур сайн танил болё доо!
Эспаñа-Зарагөза. Жагаа_1234@яхоо.ком Хаяг@-харчубаяраа@яхоо.эс за баяртай!!!!!!!!!танихгуй анд мини.

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 08 / 17

би солонгост амидардаг бичсэнийг чин анхааралтай уншлаа уаг ийм л б.даг.илуу ихийг бичээрэй.

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 08 / 20

үнэхээр нэгийг бодуулж 2-ыг эрэгцүүлхээр зүйл бичсэн байна.

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 08 / 30

би бас солонгост байдаг чиний бичсэнийг уншаад быыр ам xалмаар санагдчиxлаа манай монгол залуучууд ийн уxаан уур болсон байнаа улс орноо эx орноо гэx болжээ умxий со чуудийг монгол xыыxныыдийг дарамталж байгаатай би эблэрдэггыи ум ногоон монго аргагыи ноэлж байнаа за залуусаа сайxан сайxан ум бичээд байгаарай

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 09 / 01

сэтгэл их хөдөллөө бүр уйлмаар санагдлаа..хөөрхий тэд нар минь

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 09 / 02

Манай Жуулчингийн компани АНУ руу Монголоос ба бусад орноос Group Жуулчид авахаас гадна,
Жуулчингийн сургалт, үзэсгэлэнд ирж оролцохыг урьж байна.
Мөн Монголын ба бусад орнуудын Travel Agents, Tour Operator-уудтай хамтран ажиллана.


Утас: 1-718-874.9622
Email: Энэ имэйл хаяг халдлагаас хамгаалагдсан. Та JavaScript -ээ идэвхижүүлж байж харах боломжтой
Yahoo chat: i5travel
www.i5TravelAgency.com


PS: Монголоос бусад орноос гадаадад аялагчид тухай орондоо албан ёсоор амьдардаг байх шаардлагатай!

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: -1

...
бичсэн зочны сэтгэгдэл , 2009 / 09 / 04

Сайн байна уу, Солонгосод байгаа монголчуудаа. Та нар минь харийн оронд амьдарлийн төлөө яаж ажиллаж яаж зовж байгааг би биеээрээ үзсэн хүн мэднээ. Гэхдээ амьдралаа битгий алдаарай. Ах нь алдаж байсаан Гэхдээ би амьдралийнхаа анхны хань үр хүүхэд насны эцэст ямар үнэтэй хүн болохыг яс махандаа шингэтэл ойлгосон. Гэхдээ ах нь саяханаас амьдралаа буцааж авсаан Их зовж тэднийгээ эргүүлж авсан. Намайг хүлээж авсан тэдэндээ,,, хэлэх үг алгаа.Суулгүй намайг уучлаагүй бол би үхье л гэж бодож байсан. Үнэхээр би амьдралаас юу хүсэж байснаас саяхан л мэдэрлээ аз жаргал гэдэг энэ хэд минь байсан юм байна. Урьд нь мөнгөтэй л болчихвол бүх зүйл сайхан болно гэж бодож байсан харин амьдрал тийм биш гэдгийг надад ойлгуулсан. Би солонгосд 7-жил болсоон ирээд 1,6 жил болж байна. Мөнгө төгрөг олоод хүний газар эр хүн болсон хойно эмэгэй хүний үүрэг роль үнэхээр хэрэгтэй байсан.Утсаар уурлах эхнэрийнхээ дуу, хүүхэддээ нэхсэн мөнгөнөөс залхаж Түр зуур юмдаа одоо бодоход амьдралынхаа аз жаргалаасаа салж өөр бүсгүйтэй суусан. Тухайн үед эхнэрээсээ илүү хайртай юм шиг тэр хайраа үүрдийнх юм шиг санаж эхнэртээ хэлж салж байсан.Гэтэл би тухайн үеийн жаргал гэх худлаа сайхан ааш, эвлэгхэн хэлсэн үг шингэнэсэн дуу шуламын нарын арганд хууртагдаж, 2уулаа ажиллаж хэдэн төгрөгтэй болж бүх юм монголд очоод ок болно гэж санаж амьдралаасаа салж хамгаас хайртай эрдэнэсүүдээ алдаж байгаагаа ухаараагүй. Тийм зүйлд хууртагдаж бяцхан үрийнхээ ходоодонд хоол хийлгүй хүний хүүхэн тэжээж байсандаа ах нь үнэхээр тэнэг байждээ. Ядрах үед л хэн нь хэн бэ гэдэг нь танигдсан. Энд ирээд удаагүй аваарт орсон. Үхлүүт нэг хэсэг орноосоо босолгүй 4 сар болсон. Энэ үед хэн миний хажууд байсан гээч миний анхны хань үр хүүхэд минь байсан одоо ч тэд нар минь чадлаараа асарч байна. Хичнээнч гомдоосонч тэд намайг гээд ирсэн. Миний нөгөө Ө гэх бүсгүй маань эхэндээ санаа тавьсан болж байсан хэдий ч намайг хөлөө тайруулж хөдөлмөрийн чадваргүй болж магадгүй сургаар орхиод явсан, Би ямар тэнэг байвдаа ах нь үнэхээр харамсаж байна.Түүнд мөнгөтэй л байсан болохоор би хэрэгтэй байсан юм байна.Намайг хэзээ үгүйрнэ тэр үед л орхих хүн байсан юм байна лээ. БИ ингэж олон юм ярьж байсан удаа байхгүй, Миний монголын сайхан залуучууд ухаалаг байж эх орондоо эхнэр хүүхэд эцэг эх найз нөхөддөө нэр хүндтэй ирээрэй. Солонгосуудыг гэр бүлийн замбараагүй салалт сексийн харьцаа зэрэгт уруу татагдаж нэгнээ дуурайж наана чинь байгаа монгол мөнгөний хүүхнүүдээс хол байгаарай. Миний ханийн зовлон үр хүүхдийн минь зовлонгоор жаргал хийн яахаас буцахаа байсан хүүхнүүдээс.Биднийг энэ бүсгүй чинь монголд кармандаа 5 төгрөггүй байхад олж хараагүй шүү дээ Хэн,хэн,ах нь харамсаадч барахгүй нь. Мөнгөнөөс илүү үнэ цэнэтэй зүйл гэж байдаг юм байна шүү гэдгийг дахин дахин хэлье. Хичнээн зоосны нүхээр амьдралыг харж буруу явахаар бурхан хүртэл намайг ингэж гишгээдэг юм байна. Ах нь одоо бол энэ хэдийнхээ төлөө бүхнээ зориулнаа . Жаргаах хүнээ жаргааж чадалгүй тэдэндээ зовлон болж ирэхч гэждээ, Үнэхээр ах нь өөртөө их гомдож байна.Заавал алдаж байж ухаарч амаа барьдаг,,. Миний хэлсэн зүйлийг сайн тунгааж бодно биздээ. Яаж хүлээж авах нь та бүгдийн ухамсарын асуудал. Битгий алдаарай ,,ӨСӨХИЙН ЖАРГАЛЫГ ЖАРГАЛД БҮҮ ТООЦ ӨТЛӨХИЙН ЖАРГАЛЫГ ЖАРГАЛД ТООЦ ,, энэ үгийг санаж яваарай баяртай

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 09 / 04

САЙН УУ МОНГОЛЧУУДАА ҮҮНИЙГ УНШААД ӨРӨВДӨХ ЗҮЙЛ ИХ БАЙГАА Ч ТЭД ӨӨРСДӨӨ БАС ЯМАР МУУХАЙ БОЛОХЫГ АЛЬ АЛЬ ТАЛААСАА ХАРУУЛСАН НЬ ДЭЭР БИЗ ДЭЭ. ЭНД БАЙХДАА ЭХНЭРИЙНХЭЭ ЗОВЖ ОЛСОН ХЭДЭН ТӨГРӨГӨӨР АМЬДАРЧ ЯВАН ЯВТЛАА ҮР ХҮҮХДИЙНХЭЭ ТӨЛӨӨ ЮУ ХИЙЖ ЧАДАЛГҮЙ ХАМАГ БАЙДАГ ЮМИЙГ НЬ ЛОМБАРДАНД ТАВИУЛЖ АХ ДҮҮ НАРААСАА ХЭДЭН ТӨГРӨГ АВАХ НТ АВЧ ӨР ЗЭЭЛ ТАВЬЖ ЯВЧИХААД ТЭНД ОЧООД ШАЛ ӨӨР ХҮН БОЛОН УХААНГҮЙ ЗАГНИДАГ ХҮН ОЛОН БАЙНА ШҮҮ ДЭЭ. ЗАРИМ ТЭНЭГ МАЛУУД НЬ ЭХНЭР НӨХРӨӨСӨӨ ХҮРТЭЛ САЛЖ ҮР ХҮҮХДЭЭ ӨНЧРӨӨЖ ӨӨРИЙНХӨӨ ЖАРГАЛЫН ТӨЛӨӨ ОЛОН ХҮНИЙГ СЭТГЭЛИЙН ТАМД УНАГААЖ БАЙНА ШҮҮДЭЭ. ЯАГААД ЭНЭ ТАЛААС НЬ ХАРАХГҮЙ БАЙГАА ЮМ БЭ. МОНГОЛД ХҮМҮҮС ТЭГЖ ИХ ЖАРГАЖ АМЬДАРЧ БАЙНА ГЭЖҮҮ АДИЛХАН Л ЗОВЖ БАЙГАА. ТЭРТЭЭ ТЭРГҮЙ АНХНААСАА АМЬДАРНА БОЛНО БҮТНЭ САЙХАН АМЬДАРНА ҮР ХҮҮХДЭЭ САЙН ХҮН БОЛГОХЫН ТӨЛӨӨ БҮГДИЙГ ХИЙНЭ ГЭЖ АНХ ЯВСАН ГЭТЭЛ ОДОО ХАР ӨӨР ХҮНТЭЙ СУУЖ ҮР ХҮҮХДЭЭ ХАРЖ БАЙГАА ЮМ БАЙХГҮЙ. ЭНЭ ХҮНИЙГ МОНГОЛД 100,0 ТӨГРӨГИЙН ЦАЛИНТАЙ БАЙСАН Ч ҮР ХҮҮХДИЙНХЭЭ ТӨЛӨӨ ЗАРАХ Л ЁСТОЙ БАЙСАН. ГЭТЭЛ 1,000,0 БОЛОХООР ХҮНИЙ ЧАНАР ИХ ӨӨРЧЛДӨГДӨЖ БАЙНА ШҮҮ ДЭЭ. ЗОВЖ ОЛСОН МӨНГИЙН ТАНСАГ ХЭРЭГЦЭЭН ЗОРИУЛЖ БАЙГАА ТЭНЭГ ХҮМҮҮС БАЙДАГ Л ЮМ БАЙЛГҮЙ ГЭТЭЛ ҮНЭХЭЭР АМЬДАРЛЫНХАА ТӨЛӨӨ ЗАРЦУУЛДАГ ХҮН ГЭЖ БАЙНА ШҮҮ ДЭЭ. ИДЭЖ УУДАГ ҮРДЭГ НЬ МОНГОЛД ГЭЭД БУРУУ ХЭЛЭЭД БАЙГАА ЮМ БОЛ АЖЛАА ОРХИОД ХЭРҮҮЛТЭЙ ХЭДЭН ТӨГРӨГ АВЧ ИДСЭНЭЭС ЭНДЭЭ ЭЛЭГ БҮТЭН САЙХАН АМЬДАРЬЕ ХҮРЭЭД ИР ГЭЖ ОЛОН ГУЙСАН ИРЭЭГҮЙ. НЭГ ХҮҮХЭНД ТОЛГОЙГОО МЭДҮҮЛСЭН ГЭЭД ОЛОН ЗҮЙЛ БАЙНА ШҮ ДЭЭ. ХАМГИЙН ГОЛ НЬ ХҮНИЙГ БУРУУТГАЖ ӨӨРСДИЙГӨӨ ЗӨВТГӨХ ГОЛ НЬ БИШ ХЭН ХЭН НЬ ЗӨВ БАЙВАД УЛС ОРОНД ӨӨРСДӨД НЬ ХЭРЭГТЭЙ ЮМ ДАА. ҮНЭХЭЭР СОЛОНГОСОД БАЙГАА ХҮМҮҮС ӨӨРСДИЙНХЭЭ АЛДААГ ОЛЖ ХАРААСАЙ БИЛЭЭ. НҮГЭЛ НҮДТЭЙ ГЭГЧЭЭР БУРХАН ХҮНД ХАРИУГ НЬ ЗААВАЛ ӨГДӨГ ЮМ ШҮҮ. ОЛОН САЙХАН БҮСГҮЙ ХҮНИЙГ ЗАЛУУ САЙХАНД НЬ АВЧ СУУЖ ҮР ХҮҮХДЭЭ ГАРГУУЛЧИХААД ХИЛИЙН ЦААНА ХЭЭВ НЭГ ХАЯЖ ЯВДАГ ҮНЭХЭЭР МУУХАЙ БАЙГАА БИЗ ДЭЭ, ЭНЭ ТАЛААР ЖАРГАЛСАЙХААН ЮМ БИЧВЭЛ ЗҮГЭЭР БАЙНА. УДАХГҮЙ ЧИНИЙ ХАЯГРУУ ХАНДАХ БОЛНО.

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 09 / 09

ЮУ Ч ХЭЛЭХЭВДЭЭ, ЗАЛУУ НАСНЫ ЖАРГАЛЫГ ХӨӨЖ АМЬДАРСАН ХЭН НЧ САЙН ЯВНА ГЭЖ ЮУ БАЙХАВ,ТЭР ОЙЛГОМЖТОЙ, ЭР ХҮН ЭХНЭРЭЭСЭЭ САЛААД ИРЭХЭЭРЭЭ ДОРДДОГ ЮМ, САЛСАН НЭГ НЬ 2 ДОХЬ АМЬДРАЛТАЙ СЭТГЭЛ ХАНГАЛУУН БАЙГАА ГЭЖ ХЭЛЭХ БОЛОВЧ ТЭР НЬ НАСНЫ ЭЦЭСТ ЮМАР ҮНЭ ЦЭНЭГҮЙ ХАЙРАН НАСАА ӨНГӨРҮҮЛСӨНЭЭ ОЙЛГОЖ ХАРАМСДАГ Ш ДЭЭ, ЭХНЭР СОЛЬСОН ХҮМҮҮС ӨӨДТЭЙ АМЬДАРДАГ ЮМУУ ГАДНАА САЙХАН БОЛОВЧ СЭТГЭЛ ДОТОР НЬ ЯГ ХАР ДАРСАН ЗҮҮД ШИГ ЯВЖ БУРХАН БОЛДОГ ЮМ БИЛЭЭ,

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 09 / 14

сайн байн у монголийн залуусаа энэ бүxнийг уншаад надад их өндөр сэтгэгдэл төрлөө монголчууд маана яамар агуу бэ.би солонгос хэл аялал жуулчлалаар сурдаг.солонгос хэл надад маш их таалагддаг

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 09 / 14

солонгос аягүй гое гэж ярьдаг тэнэгүүд бас байх юмаа, хүсэж мөрөөдөж байсан газраа энэ хүүхэн осчон бололтой, Яахав монголоос сайханч гэсэн эх орныг чинь элэг нэгтнүүдийг яаж гүйцэхэвдээ малаа, Чамайг тэд хараад дотроо юу гэж бодож явдагыг мэдэхүү, Монгол гэж бодохоор сайхан сэтгэгдэл төрөхгүй нь лав, Бас нэг хөнгөн хүүхэн байна даа, Ухаан муутангууд нэгээр нэмэгдсээр л байна уу даа, Солонгос хэл таалагддагч гэх шиг, кккк хөөрхий дөө, Энүүний цаана хэн байсан бол бодохоор ойлгомжтой юм даа, Үнэн өрөвдмөөр байнадааа,

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 09 / 18

солонгос оронлуу ар гэр амидралаа дээшлүүлэн хайрт мини наддаа итгэ odoo blhoor ehner huuhdee martan solongos mongoliin hoorond zugaalan uur emegtein tuluu ajillaj yvah t***g er bh yum aa nugel nudee oloh blgui

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 09 / 18

zarim neg iim erguu eruudsen bdag yum jaahan mungu olood urd amidral ehner huuhdee martan tur zuuriin zugaa huuh yum huurhii ireeduin burheg muruudul n hii hooson urd ehner huuhdee tejeej oligtoi yvuulj chadahgui chadvargui bj yun 2dahi amidral dampuu erguu erchuud zovbol taarna

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 09 / 18

зарим сайн эр бна тэд нараас сураx xэрэгтэй эхнэр хүүхдээ бүү гомдоо залуу эмэгтэйн хайран олон жил цэцэг цэврүү.г сайхан үрийн гаргасан хүнээ гомдоовол тэр хүн адгуус малнаас дор амитан

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 09 / 18

эмэгтэй хүн хэзээц хүний нөхөр гэр бүл үр хүүхэд салгаж өнчрүүлээд жаргахгүй эр хүн хамгийн балиар эргээд анхны эхнэр үр хүүхдээ л гэдэг юм б.на хүүхнүүдээ xэзээч бүү гэр бүлтэй хүний үгэнд хуурт уран сайхан худал үг сайхан юм амлаад үгүй л б.даг зэвүүн эхнэрээ ихэндээ муулна. надад хайртай дуртай салахгүй уучилаарай гэж хэлээд өөр нэгэнд энэ үгээ бас хэлээд үнэн худалч хуурамч хүмүүс гэр бүл салгаад жарган гэж бодож б.бал эмэгтэй та эндүүрч түр зуурийн зугаанд төөрч б.на

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 09 / 18

солонгос оронлуу амидралаа дээшлүүлнэ гээд зорисон зорилго амлалт гэр бүл үр хүүхдээ мартан сэкс түр зуурийн зугаа бодон хайраа үгүйсгэж б.гаа солиорцон хүмүүс эхнэр хүүхэд эр нөхрөө гомдоож б.лохгүй

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 09 / 18

солонгос б.гаа эмэгтэйчүүдэд эхнэрээ муулан гэр бүлээсээ сална чамд л хайртай гэж б.гаа эрчүүд худалч новш чамд хэзээч ханиа б.лохгүй эхнэр хүүхдээ хайрлах сэтгэлгүй хүн хүнийг хайрлана гэж б.хгүй

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: -1

...
бичсэн зочны сэтгэгдэл , 2009 / 09 / 18

хүний нөхөр гэр бүл салгаад жарган гэвэл үгүйл б.даг юм

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 09 / 20

hunii ger bul, ur huuhdiihen zovlongoor jargal hiine gej bodon ger bul salgaj bgaa emegtei bol hun bish heniigch hairlah setgelgui adguus

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 09 / 25

Эхнэр хүүхдээ хайрлаж халамжилж чадаагүй тэжээж чадаагүй бас тэгээд тэжээх чадваргүй юмнууд салдагийн ш дээ, Салсан тэр эргүү юмтай нь 2 дохь хүүхэн суувал дахиад л хүний үнэргүй тэр залуу чамайг хаяж л таараа, Үр хүүхдээ хайрлаж чадаагүй эр хүн чамайг хайрлаж чадахуу үгүй л байхгүй юу, Чи яаахын бас л хөгширнө эмэгтэй хүн яг л адилхан нүхтэй хөгширөөд ирэхээрэй яг л адилхан хэнд ч хэрэггүй болно Тэгээд эр хүн угаасаа хөгширөөд ирэхээрэй анхны амьдрал нь ямар сайхан утга учиртай байсанг мэдэрч чамайг мартдаг юм ш дээ, Одоохондоо сайхан л байгаа байх л даа, АМьрал даанч тийм биш хэцүү хэцүүүүүү Ухаантайхан л байдаа эрчүүд хүүнүүдээ

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 09 / 25

Бага л хүн зовоож бага л өөртөө зовоорой гэж хэлье дээ, АМЬДРАЛЫН ХАМГИЙН ЧУХАЛ ҮНЭТ ЭРДЭНЭ ГЭР БҮЛ БАЙДАГ ЮМ, МЭДЭЭЖ АНХНЫ ГЭР БҮЛ ЖИНХЭНЭ УТГААРАА АМЬДРАЛ БАЙДАГ, 2 ДОХЬ АМЬДРАЛ ЯААХАВ ДЭЭ ТУХАЙН ҮЕДЭЭ АНХНЫХААСАА АМАР ЖАРГАЛТАЙ МӨНГӨТЭЙ ХӨӨРТЭЙ САЙХАН Л ХАРАГДАНА ГЭВЧ 10 ЖИЛИЙН ДАРААХИ АМЬДРАЛАА ХАРВАЛ ХЭРЭВ АНХНЫХАА АМЬДРАЛТАЙГАА ХЭРВЭЭ АМЬДАРЧ БАЙСАН ТҮВШИНГЭЭС ЗААВААЛ ДООГУУР ОРДОГ, УРУУДАХЫН СОНДОН,

ТА НАР ХАР ТАМХИ АРХИ ХЭРЭГЛЭЖ БАЙГАА ХҮМҮҮСИЙГ ХАРСАНУУ ЯААЖ БАЙНА ТУХАЙН ҮЕДЭЭ АЙМААР ГОЕ КАЙФТАЙ БАЙГАА БИЗ ГЭТЭЛ ТЭДНИЙГ ДАРАА НЬ ЮУУ УГТАТГЫГ МЭДНЭ БИЗДЭЭ ҮХЭЛ ХАРАНХУЙ ЕРТӨНЦ 2 ДОХЬ АМЬДРАЛ БОЛ ТЭРЭНТЭЙ ЯАААГ АДИЛХАН ХАР ТАМ Л ГЭСЭН ҮГ ЗОВНО ШҮҮҮҮҮҮ ЗОВНО

БУРУУ ЮМ ГЭДЭГ БАЙНААДАА БУРУУ Л БАЙДАГ ЮМДОО ДҮҮ

ЗӨВ Л АМЬДРАХ ХЭРЭГТЭЙ

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 10 / 04

солонгост байгаа эрчүүд эхнэр үр хүүхдээ мартан өөр эмэгтэйг хайрлан гэж хэзээч бхгүй. хэзээ нэгэн цагт эхнэр хүүхэдлүүгээ л буцдаг түр зуур зугаацаж жаргалдаа ташуурч тэнэглэж б.снаа ойлгоод уучил хайрттай уучил гэдэг

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 10 / 04

эхнэр хүүхэдтэй хүн хайртай гэж тэнэглэхийн бүү тоо эмэгтэйчүүдээ!!!!!!!!!!!!!!!!!!!гэр бүл үймэлж салгаад хэзээч жаргахгүй шүү!!!!!!!!!!!!!!!!!!!!!!!

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 10 / 06

2 tald amidarch bga hvmvvs tegd hetsvv sh de zarimdaa vneher itgel aldah ve zondoo bh yma bi hanidaa itgej ervvl saruul ybaasai gj hvsdeg getel ter mini yaj ch ybdag ym bile medehgui ym de zaluu nasni mini 3n jil hvleelt hardalt dund ongorson ta nartaa gj helhed mongor shiidej blohgui ym gj bdag ym shvv so bga hvmvvsde: ervvl mendee bodoj baigaarai!

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 10 / 07

ю хийж бгаа юм бүү мэд хэлж буй миний дээд талын хүн лав солонгосд байдаг монгол эмэгтэй янхан бичсэн байхаа, Эрүүл мэндээ хэнч гэсэн бодолгүй яахав энэ үгээрээ сайн сал сайхан зугаа ч гэж байгаа юм биздээ, Тэгээд ийм сонирхолтой хүмүүс байвал явж болно ш дээ, Болохгүй юм ер байхгүй, Харин хүн зовоосон үх хүүхдийн заяа гомдоосон хэн боловч сайхан амьдардаггүй юм,Ганцхан солонгосд байгаа биш монголд үлдсэн хэн нь ч гэсэн амьдарлаа өөрийгөө эр нөхрөө эхнэр хүүхдээ гомдоож ер болохгүйэ дүү, Бид өнөөдөр болж байна гэж залуу насны ааг омог жаргалаар асуудлыг шийддэг Тэгвэл амьдрал тийм бишээ, Тэр шигтээ хүлээлт тэвчээр ухаан шаарддаг юм, Ингэж чадсан хэн хэнд нь бурхан идэх хоолыг аяндаа өгдөг юмшүү дээ, Заавал бурхан хардаг юм, Монгол байгаа хүмүүс бас л тэвчиж хүлээж ганцаардаж байгаа ш дээ, Солонгосод байгаа хүүхнүүд ихэнх нь янхан ш дээ, Ойлгомжтой, ХамгиЙН гол нь итгэлтэй л амьдрах хэрэгтэй, Итгэж итгэлийг нь даавал асуудал байхгүй ш дээ, Тогтсон амьдралаа хэзээ ч битгий нураа, Хүний хамгийн сайхан аз жаргалтай хүний дээд залуу сайхан насандаа суусан хосууд гэдгийг Олон эхнэр нөхрөөсөө салсан хүний жичээ хэлж буй үгийн сонсорой, Салаа л бол насны эцэст бүгд харамсдаг, Тухайн үедээ болж байгаа мэт боловч хүний дотоод сэтгэл ямар их тамлагдаж явдагийг мэддэгийн хувьд хэлчихьедээ, Эрт ухаарвал учиртай Харин оройтвол эргэж хэзээ ч нандин эрдэнүүдээ олж авч чадахгүй шүү, Өдөр хоног өнгөрөх тус чиний жаргал чамаас алхам алхамаар холдох болно.

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 10 / 07

Залуусаа ерөөсөө хамт амьдар хайртайсаа битгий холд Түүндээ оч Хүний амьдрал богинохон шүү, Хайртынхаа төлөө бүгдийг орхиод түүнрүүгээ тэмүүлээрэй, Үр хүүхэдтэйгээ элэг бүтэн олсон ганц талхаа хувааж идээд инээж сууха ямар их жаргал вэ, Тэр вафли шоколад хиамаар яаах гэсэн юм бээ, Хамтдаа быайвал олж л таараа хэрэглэж л таараа, Харин даруухан амьдрах л жаргал

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 10 / 16

сайн бнуу яхав уншлаа энэ сэтгүүлч өөрөө солонгост ажиллаж амидарч бсан хун мон уу би хэрвээ андуураагуй л бол кимпоод заасан ауганий копний уйлдвэрт бсан даа дараа 10 хэдэн монгол ажиллад л санаж бн уу али эсвэл би андуураад бн уу тэр хэдэн монголчуудийг санаж л бгаа блгуй дээ дугар ах шарваа ах,хуыгаа,оуна
ганаа зулаа... гээд л за за амжилт хусиэ чи ч бас нэлээн дампуурч л яавсан шуу хуний хуухдийг хуураад л ...хэрэв биш бол уучлаарай за яамарч бсан амжилт хусьэ

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 10 / 23

сайн бна уу.элэг нэгт ахан дуусээ.энэ хорбоод хун хунээ хайрлаж увах шиг сайхан зуйл бхгуй.

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 10 / 25

юу ч гэхэв дээ, эцсийн эцэст хүн өөрөө л өөрөө өөртөө эзэн байх хэрэгтэй, хаашаа юун; ях гэж явж байгаа зорилгоо л сайн ухаарцгаа, гадаад гэхээр л учиргуй гой сайхан юм биш, хаана юу үнэ цэнэтэй, таний юуний төлөө амидарч байгаа чини л хамгийн чухал шүү дээ

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 12 / 03

сайн байцгаана уу? солонгост ажиллаж амдарч байгаа элэг нэгт ахан дүүс мин.би энэ дээр бичсэнийг уншаад үнэхээр сэтгэл их өвдөж байна. Та нарийн мин, хамгийн сайхан цаг хугацаа хүний нутгийн хөрсөн дээр өнгөрч байна гэж бодохоор, монголд хичнээн эцэг эх, эхнэр хүүхэд та нарыг хоног тоолон хулээж байгаа бол.миний ах бас солонгост ажилладаг. ахдаа хэлэхэд Ахаа та ажилаа сайн хийгээд хурдан буцаж ирээрэй.бид нарт битгий санаа зовоорой.хүний нутагт ганцаардаж хэцүү байгаа байх даа гэж бодохоор дүү ни танийгаа маш их санаж, хайрлаж байна. Мөнгө хэзээд олдоно, та мин дахиад хэзээ ч олдохгуй шүү.бас тэр солонгос пибийг битгий их ууж байгаарай,хамт найзалж байгаа найз нөхдөө сайн таниж хүний нутагт сонор сэрэмжтэй байгаарай гэж захиы. Хайрт ах Амгаланбаатартаа

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2010 / 01 / 04

мянга сонсохоор нэг үзэ гэж. та нар битгий ингэж хүний үгээр үг хийч туйлширч байда мангаруудаа. ажил хийх дургүй арчаагүй юмнууд л ингэж амидарч байга юм. тэгээд ч хэн тэднийг гуйж авчирсан өөрсдөө дурандаа амь тэмцэн байж ирчээд сүүлд нь ингээд солойороод байдаг юм. надад лав со-д хайран сайхан цаг зав амьдралаа үрсэн юм байхгүй. харин ч их зүйлийг сурч мэдэр ч мөнгө их цуглуулж цагийг зөв сайхан өнгөрүүлж бна. хэрэв би монголд байсан бол сургуулиа төгсөөд нэг ажилд орно. ажил гэр, гэр ажлинн хооронд цалингас цалингийн хооронд. монголоор дүүрэн архидсан улсууд бар цэнгээний газраас өөр чөлөөт цагаа зөв боловсон өнгрөөчих газар байхгүй. аятайхан ажилд арийн хаалагтай, танил талтай орно. ихэмсэг бардам зан, залхуу,нэг нэгнээсэ дээр дээр гараг гэсэн тэнэг монголчуудаас юуг нь сурч юуг нь өвөлж авах гэж монголд амьдрах юм. усан үхэр монголчууд

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2010 / 01 / 05

энэ дээр бичсэн залуу яасан будуулэг ум бэ. хун бур адилгуй ш дээ. чи ч яахав одоохондоо олж байгаа 5 тугругундуу сэтгэл ханаж л байгаа байх. гэхдээ чамаас өөр бодолтой залуус их л байгаа байх. эцсийн эцэст монголд эзэнгүйдээд байхад чи хар амиа бодоод бусдийгаа тэнэг мангараар ни дуудаж байна. чи яваандаа ядараад ирэхээрээ өөрийн эрхгүй нутаг орноо санана даа. харин тэр уэдээ яг наад бодлоороо байгаарай.хүн ядарвал нутгаа тураг ядарвал сургээ гэж үг бдг даа. тгд ч чам шиг залуучууд монголд ирээд юу ч хийх бэ дээ. сайндаа олж авсан 5 тугругуу ваар сав, садар самуунд л зарна биз дээ. чамд гэж хэлэхэд миний дуу харийн соэл, хэдэн халтар тугругунд буу хул алд. ухаантай ябаарай гэж захия даа.

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2010 / 01 / 05

би ид залуу насандаа нэг залуутай танилтссан. тэр залуу солонгост ажиллаж байгаад ирсэн, солонгост байх уэд ни эхнэр ни хардсаар байгаад эхнэрээсээ салсан гэж надад хэлдэг байсан. тгд намиаг их даруухан сайн эмэгтэй ум гэж сайкхан уг тур зуурийн халамж хоэрөөр уярааж байгаад бид хоэр нэлээн дотно боловоо. би ч эхэндээ жаахан айгаад байснаа суулдээ за яхав хүний амдралд уы ч тохиолдож бно энэ хүн надад ийм сайн байхад би ч гсн хайрлах эстөи гэж бодоод нуур угсун. гэтэл жил ч болоогуй байхад тэр хун эхнэрээсээ салаагуй бур нэг гэртээ амдрадаг байсан тодорхой бсн.би ч тэр хунээс холбоогоо тасалж нэлээд урт хугацаанд сэтгэл санаагаар зовж шаналсан даа. гэхдээ энэ бол надад том сургамж бсн. би одоо хэр ни дахин хунтэй дотносоогуй л явна. тэр хуний тухайд гэвэл тэр охинтой ум билээ. би тэр хүний охиноос ялгаагуй гэнэн сэтгэлтэй амдралийг өөдрөгөөр харж байх үедээ түүнтэй таарсан. хэзээ нэгэн цагт чиний охин нас биэд хурч над шиг эмэгтэй болоод хунтэй сууж хуухэд туруулэхийг хусэх өдөр ирж л таарна. харин тэр үэд охиний чин сонгосон хүн ардаа эхнэр хуухэдтэй байнаа гэдгийг та мэдбэл ямар байх бол? би чиний охинд миний туулсан зоблонг хэд дахин нугалж туулаарай гэж эрөөж байна.эцэг эхийн хийсэн үйлийн үр, үр хуудэд ни заавал ирдэг ум даа. чиний охин насан туршдаа хүнтэй суухгуй, хүүхэд гаргахгүй амдрах бно доо чи харж л байгаарай. Дондогийн Болдод.

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2010 / 01 / 12

худлаа юманд коммэнт бичээд мангартах юм даа... өөр юм уншизгаа .. битгий тулга тойрсон юм унш .. үхрүүдээ

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн och , 2010 / 03 / 03

End er ni Dongdamun ruu yavalt baihgui dee, ter tusmaa 6dah odor bol oroihon doo, sogtuu zaluuchuud duugaa ondorsgoj hereldeed l, yag UB-iin baasan garig ter chigeeree. Ichdeg yumaa, hamgiin zevuun ni, arhichin zaluuchuud ni orchin ni oorchlogdson ch, uuh arhiniih une ni hed dahin nemegdsen ch arhichin heveeree shuu. end ochnoon olon gadniihan amidardag, tegtel hamgiin muugaar aldraa duursgadag ni manaihan, manaihan shig harlaad amidarch baigaa gadniihniig ochnoon l oloniig harlaa, manaihan shig l hereldej, zodojdoj, hulgai hiij, ichgevter baidald orohgui yumaa. ugui yahav dee, nomiig ni surdaggui yum bol nomhoniig ni sur gej ug baidag daa. aan tiin, bas ter, yoy Mongol town-aar orohoor shuud ogiudas hurmeer, ugui yadaj tseverleed baij bolno, ugui shuu, yostoi hogondoo daragdchihsan. Solongost saihan ajillaad, suraad, amidraad yavaa busad mongolchuud ni hoorhii, ter tsoohon butehgui amitdaas bolood neg uhriin ever dorgihoor gedeg shig shuud l hamragddag ni haramsaltai.

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2010 / 03 / 11

хайртай шуу нонголчууд мини та нарийгаа хулээж хайрлана

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0