Америкт амьдарч буй Монголчууд маань хөлбөмбөг, сагсанбөмбөг, волейбол, ширээний теннис, теннис, үндэсний шагайн харваа, зэрэг спортын цөөнгүй төрлөөр жил бүр аварга шалгаруулах тэмцээнийг уламжлал болгон зохион явуулдаг билээ. Энэ жилийн уралдаан тэмцээнүүд ихэвчлэн Баруун эрэгт болж байгаа. Тухайлбал ширээний теннис Сакраментод, хөлбөмбөгийн аварга Сан Францискод болсныг спорт сонирхогчид сайн санаж буй байх. Тэгвэл Баруун эргийн Монголчууд маань, бүүр тодруулбал Бэй Аэриа, Сан Франциско орчмынхон энэ жил хоёр дахь том тэмцээнээ зохион байгуулах гэж байна. 2010 оны есдүгээр сарын 4-5-нд Бэй Аэриад Америкийн монголчуудын волейболын аварга шалгаруулах гурав дахь удаагийн тэмцэээн болох юм. Анх Лос Анжелес хотоос үүх түүхээ эхэлж, дараа нь Вашнгтон Ди Си-д бууриа сэлгэсэн волейболын тэмцээн Бэй Аэриад анх удаа айлчлан ирэх гэж буй нь энэ. Сагсан бөмбөг, хөлбөмбөгийн аварга шалгаруулах тэмцээнийг өндөр түвшинд зохион байгуулж байсан Бэй Аэриагийнхан “нисдэг бөмбөг”-ийн “тулааныг” ч амжилттай хийх гарцаагүй биз.

Тэмцээнийг Бэй Аэриагийн волейболын зөвлөл зохион явуулах бөгөөд багуудын мэдүүлгийг авч тэмцээний ерөнхий журам гаргах, байр талбайн тохижилт зар сурталчилгааг бэлтгэх, зочин баг тамирчдыг угтан авч байрлуулах үйлчлэх хувиар хийх, тэмцээний нээлт хаалтын үйл ажиллагааны хөтөлбөрийг боловсруулах зэрэг олон ажил жигдрээд байгаа ажээ.

Волейболын шилдэг багуудын тоглолтыг шимтэн үзэх үзэгчид хөгжөөн дэмжигчид ч тэмцээнийг хоног тоолон хүлээж , энэхүү спортыг сонирхон дэмждэг хувь хүмүүс, олон нийтийн байгууллага, бизнесийн хамт олон гар бие оролцон туслаж нэмэр хандив өгч эхэлжээ. “Сан Франциско-2010” Америкийн Монголчуудын волейболын аварга шалгаруулах тэмцээний ерөнхий ивээн тэтгэгчээр Бэй Аэриад үйл ажиллагаагаа голлон явуулдаг ачаа тээвэр, шуудан илгээмжийн олон улсын эрх бүхий “Хоёулаа хүү” компани ажиллах юм байна. “Хоюулаа хүү” компани нь өмнө нь Америкийн Монголчуудын ширээний теннисний аварга шалгаруулах тэмцээний ерөнхий спонсороор ажиллаж, хөлбөмбөгийн тэмцээнийг ивээн тэтгэж байсан спортод тун элэгтэй хамт олон билээ. Энэ удаагийн тэмцээн үзэгч, оролцох багуудын тоогоор урд өмнөх тэмцээнээс давж гарах төлөвтэй байгаа бөгөөд Вашингтон Ди Си-гийн эрэгтэй, Оакланд хотын эмэгтэй баг гол фаворитоор нэрлэгдэж буй ч багууд бэлтгэл жигдэрч, өрсөлдөөн ихсэж, улам сонирхолтой тэмцээн болно гэдэгт спорт сонирхогчид эргэлзэхгүй байна.

Тэмцээн явагдах газарын хаяг: Аламеда хотын ахлах сургууль 2200 Central Ave, Alameda CA 94501

Зохион байгуулагчидтай харилцах утас: (510) 409-0942, (510) 409-0942  Санжаа,

(510) 333-3472 Даваадулам

(510) 381-2058, (510) 381-2058 Солонгоо

Энхтүвшин (Таванцагираг)

Custom Search

Сэтгэгдлүүд (1)

...
бичсэн зочны сэтгэгдэл , 2010 / 08 / 21

bi togolmor bxin

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0