Монголд өчигдөр, өнөөдөр их дээд сургуулийн элсэлт орон даяар явагдаад өнгөрлөө. Элсэлт ч юу байхав төгсөгчдөөсөө олон орон тоотой болохоор хуваарьгүй үлдэнэ гэсэн ойлголт байхгүй л дээ. Одоогийн Монголын их дээд сургуулиуд үнэн чанартаа "Насанд хүрэгчдийн цэцэрлэг" болж хувирсан шүү дээ. Их дээд сургууль төгслөө гэхэд өнөө ажлын байр гэдэг асуудал юу билээ. Улс оронд хөдөлмөрийн хуваарь гэдэг юм байхгүй болохоор нөгөө автобус нэг талдаа гарчихсан гэдэг шиг юм болчихоод байна. Хүн бүр их дээд сургууль төгсөөд хар ажил хийх хүн Монголд маань байхгүй болжээ. Үүний хамгийн тод жишээ бол хятад барилгачид. Монголд барилга дээр ажиллах хүн байхгүй(их дээд сургууль төгсчихөөд барилга дээр ажиллавал ёстой нөгөө онигоо гэдэг нь болох байлгүй тийм ээ?....) мөн хулгай хийдэг, шийдвэр гаргачдын харалган бодлогоос улбаалаад хөдөлмөрийн зах зээлээ хятадуудад алдчихсан байх шив дээ. Би өмнө нь хуулийн сургуулийн төлбөрийг өндөр болгоё гэж бичиж байсан. Гэхдээ дан ганц хууль биш бүхий л их дээд сургуулийн төлбөрийг өндөрсгөх шаардалагтай гэж бодож байна. Монголын боловсрол үнэгүйдэж байгаагийн нэг шалтгаан нь бага төлбөр юм.

Хуучин ерөнхийлөгч маань сонгуульд нахихдаа Их дээд сургуулийн төлбөрийг үнэгүй болгоно гээд бүр баллах шахав шив. Бурхан биднийг харав уу?, Монголчууд зөв сонголт хийв үү? Их дээд сургуулийн төлбөр өндөр байвал багш нарынх нь цалин нэмэгдэнэ, мөн нэг ангид хичээллэх оюутаны тоо цөөрч сургалтын чанар сайжирна, сургалтын материаллаг бааз хурдан шинэчлэгдэнэ гээд олон эерэг талууд бий бөгөөд хамгийн гол нь эцэг эхчүүд хүүхэдээ төрүүлсэнээс эхлээд л хүүхдийнхээ ирээдүйд анхаарал тавьж эхлэнэ шүү дээ. Хүүхдээ дунд сургуульд ороход л ирээдүйн тухай бодож аль хичээлийг түлхүү үзүүлэхэв, ямар дунд сургуульд оруулахав, бүрэн дунд сургууль төгсөхөд нь их дээд сургуульд оруулах уу үгүй юу, оруулахаар бол төлбөрийг нь яаж шийдэхэв, одооноос хураах уу гэх мэтчилэн бодож эхлэх байх. Одоо бол Монголчууд хүүхдээ 11-р анги төгсөх үед нь л гэнэт ухаан ороод манай хүүхэд аль хичээлдээ сайн билээ, юуны ангид элсүүлэхэв, аль сургуульд оруулахав, аль сургуульд ямар таньдаг хүн байна гээд хайгаад эхлэнэ шүү дээ. Энэ байдал чинь өнөө авилгын нэг хэлбэр бусуу. Сургалтын төлбөрийг өндөрсгөхийн зэрэгцээ сайн сурлагатай оюутнуудыг дэмжиж сургалтын төлбөр+амьжиргааны зардал гэсэн тэтгэлэгийг Засгийн газраас олгох нь зөв гэж бодож байна.

Мөн одоогийн энэ элсэлтийн шалгалтыг Улсын шалгалттай нь хамтатгаж авбал цаг хугацаа, зардал мөнгө хэмнэх нь ойлгомжтой билээ. Одоогийн энэ босго оноог сургууль бүр тогтоодогыг болиулж боловсролын яамнаас 560 онооноос дээш тогтоох хэрэгтэй байна. Учир нь одоогийн 800 онооны 200 нь суурь оноо гэсэн шалгалтад орсон л бол юу ч хийгээгүй байхад авах оноо бөгөөд үлдсэн 600 онооны 60 хувь болох 360 оноо, өнөө сул 200 оноотой нийлээд 560 болж байаа юм. Ингэснээр чанаргүй хувийн сургуулиуд эрс багасах нь дамжиггүй. Ингэж их дээд сургуульд элсэх босго оноог өндрөөр тогтоож өгсөнөөр мэргэжлийн сургуулиуд оюутантай болж хөдөлмөрийн зах зээлийн тэнцвэр тогтох боломж бүрдэнэ гэж бодож байна. Боловсролын салбарыг өөрчлөхөд дан ганц их дээд сургуулийн төлбөрийг өндөрсгөсөнөөр шийдэхгүй нь ойлгомжтой бөгөөд өөр олон асуудлыг шийдэх ёстой.

Үргэлжлэл бий.

М.Э.Бямбацэрэн

2009 оны 7 дугаар сарын 2

Custom Search

Сэтгэгдлүүд (6)

...
бичсэн зочны сэтгэгдэл , 2009 / 07 / 03

Зах зээлийн хууль аль ч салбарт үйлчилнэ шүү дээ.Жижиг хувийн сургууль байлаа ч сургалт сайтай оюутнуудтай байвал болж л байна.Заавал төлбөрийг нэмж сургуулийг шахна гэдэг юу л бол.
Парт ширээ нь эзгүйрээд ирэхээр нэгийг бодож хоерыг тунгаах биз дээ.Программаа өөрчилж сайжруулаагүй байж кредит цагийн мөнгийг намраас намарт нэмдэг тэр балай зангаа боливол таарнаа.Зааж байгаа зүйл нь яг хэвээрээ харин кредитийн төлбөр нэмэгдсэн л байдаг.Зовмоор ш дээ.

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн tungaa , 2009 / 07 / 03

Унэхээр толгойтой боловч тулбурийн чадваргуй айлийн хуухдууд яахав? Баян айлийн эрх хуухдууд л их дээд сургуулид орохуу? Зах зээлийн хуулиар энэ их дээд сургуулиуд тэртэй тэргүй хумигдана. Хумигдахгуйн тулд орчноо, сургалтийн баазаа, багш нараа сайжруулна. Олон хун их дээд боловсрол эзэмших тусам монголд сайн. Тэртэй тэргүй чадалтай н шигшигдээд сайн ажилд ороод боломжгуй н 1-2 жил ажилгуй сууж байгаад л аргаа бараад барилга барина. Дээд мэргэжилтэй барилгачин байхад юун болохгуй байхав. Их дээд сургуулийн чанарийг мунгу нэмснээр шийдэхгүй л боловуу.

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 07 / 03

Америкт ч гэсэн Монголчууд хар ажлыг нь л хийж байна ш дээ. Сайхан ажил хийж байгаа Монголчууд маш ховор биз дээ.

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 07 / 04

энэ зөв зүйтэй санал байна шүү.дэмжиж байна .

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 07 / 04

тэнэг юм бичиж байхийн, хэзээ байтлаа зугээр сэхээтнүүд тэгтлээ их мöнгöтэй байсийн, ганзагийн наймаачдийн хоосон толгойтой хуухдуудэд зориулсан юм бичсэн бна.манай ааб насаараа их сургуулид багшилсан, тсалин ни гэж öнöö маргааш бид нарийн энэ тэр тöлбöр гээд тоочбол хаанаа ч хурдэггүй, харин чанартай болгохийн тулд дээр уэйин бидний уэд байсан улаан шугамнаас дээш доош гэх мэт узуулэлт хэрэгтэй тэртэй тэргүй хэн 10 буюу 11 жил гурийсний хöдöлмöрийн шалгалт яана даа монголчууд

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 07 / 07

сургалтын чанар сайжруулах хэрэгтэй. олон хүн дээд боловсролтой болох нь харин сайн зүйл . гагцхүү чанар чухал

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0