|
Саяхан л газар дэлхий нов ногоохон гоёлоон өмсөөд тунамал нарны халуухан гэрэлд бүүвэйлэгдэж байсан газар дэлхий аль хэдүйн хүйтний гоёлоо өмсчээ. Гадаа хүйтэн байхад яагаад ч юм бэ би дургүй, учир нь сэтгэл хүртэл дагаад хүйтэрчих шиг бас цаанаа л нэг гутраад ч байгаа мэт санагддагсан. Олоон жилийн өмнө хүүхэд байхдаа
Цаг хугацаа чи хичнээн хурдан онгорно вэ
Цаг хугацаа чи юунд хэнийг ч үл хүлээнэм бэ
Нэг л мэдэхэд 10 жил харвасан сум мэт өнгөрч
Нэг л өдөр бид амьдралын залуурыг хүлээн авч бас хүлээлгэн өгнөгэж бичиж байсан минь эрхгүй нэг дурсагдана. Ийм л дэндүү амархан өнгөрөх он жилүүдийн цаг хугацаа Америкт ирснээс минь хойш хоёр жил өнгөрчихжээ. Анх зөвхөн киноноос үзэж байсан Америк оронд гэнэн сайхан мөрөөдөл тээж зорьж ирсэн олон олон хүмүүсийн адил хүний газар дэндүү цөөхүүлээ мөртлөө дэндүү том нүхэн ангал бие биенийхээ өмнө ухах нутаг нэгтнүүдээ хараад үнэхээр сэтгэл өвдөж өмөрч байсансаан.
Гэвч цаг хугацаа улиран улирч янз бүрийн хүмүүстэй нөхөрлөн танилцах явцдаа үнэхээр муугаасаа сайн хүмүүс нь илүү байдаг ийм сайхан орчлонд өглөө бүр тэр хүмүүстэй хамт нэгэн агаараар амьсгалж, бие биентэйгээ хааяа ч болохнээ утсаар ярьж мэндээ мэдэн амьдарч яваадаа баярлахын сацуу таньдаг хийгээд заримийг нь танихгүи хэдий ч бусдын төлөө хийсэн, хийж яваа сайн үйлийг тань сонссон болохоор урмын үг өргөх гэж энэхүү зүйлийг бичиж суунаа.
Аж амьдралын журмаар танилцан нөхөрлөж улмаар дотноссон найз нөхөд , хуурай ах эгч нар, мөн дүү нартаа, хүнд хүн ёсоор ханддаг сайхан сэтгэлт хүмүүстээ,эх орноосоо хол харь нутагт амьдарч байгаа нутаг нэгтнийхээ төлөө наад зах нь тэнд ийм ажил байна лээ шүү гээд зар хүртэл тавьчихдаг сайхан хүмүүс та нартаа баярлалаа гэж өөрийнхоо болон бусдын өмнөөс хэлж байгааг минь хүлээн авна уу. Сиэттл хотноо ажиллаж амьдарч байгаа том Баяраа ах, найз Баагий, Алтай, Энхээ, Висконсинд ажиллаж амьдарч байгаа эрхэм найз Оюунаа, Зулаа,анд Ундраа, Болороо, Загасаа ,Чикаго хотноо ажиллаж амьдарч байгаа хайрт дотны найз Булгаа, Манлай,ах Цогоо, Сэмка, Оро, эмч Балдансамбуу, Зулаа, Монголчуудын холбооны Гэрлээ, "Таван цагираг" сониний авьяаслаг сэтгүүлч анд нөхөр Энхтүвшин, Аргамагаар овоглосон Жагдагтаа, зохиолч Энхболд ах түүний гэргий Эрка эгчдээ, Жагаа ах, Түмээ, Рокфордын Чимгээ, мөн "Эмоушн" хамтлагийн авьяас билэгт дүү нартаа, "U Mon" компани, Мэдээлэл.ком, Орлоо.ком, Замдаан, Баянмонгол, Даяармонголынхондоо, 15 мин тв-ийн хамт олонд, мөн зохиолч Бум-Эрдэнэ, Байгалмаа, Галбадрах гээд мэргэжил сэтгэл нэгт таних танихгүй нөхөддөө, миний таньдаг хийгээд,, таньдаггүй олон олон сайхан! сэтгэлт аав ээжийн охид хөвгүүд та нартаа амьдрал тань үргэлж усан болор мэт гэрэлтэй гэгээтэй өөрийнхөө төлөө хийгээд бусдын төлөө хийсэн бүхэн тань үргэлжид зол жаргал дагуулж бадамлянхуа цэцэг шиг дотроосоо дүүрэн гэрэлтэж амьдрахын өлзий дүүрэн ерөөлийг өргөн байгааг минь хүлээн авна уу.
АМЬДДАА БИЕ БИЕНЭЭ ХАЙРЛАЖ ,
АЛИВ САЙХАН БҮХНЭЭ БУСДАД ТҮГЭЭЖ АМЬДАРЬЯ...
ЗУЛ МЭТ ГЭРЭЛТЭЙД ТЭМҮҮЛНЭМ
Зөрөөд л надтай өнгөрсөн тэр хүний харцнаас
Зол жаргалын оч бадран гэрэлтэхийг би олж харав
Зүгээр л надтай ганц үг солиод өнгөрсөн тэр хүний инээмсэглэл
Зүрх сэтгэлийг минь баяслаар дүүргэв
Хэдхэн удаа уулзсан ч өчнөөн жил нөхөрлөсөн юм шиг
Халуун дулаахан мэдрэмжийг төрүүлэх хүмүүс юутай олон
Хэсэгхэн мөч хамт өнгөрөөсөн ч
Хэтэрхий их хар сүүдэр хаялах хүн бас чамгүй олоон
Нарт орчлон дээр бид олуулаан болохоор
Найз нөхдөөн уучилж хайрлан түшиж явья
Жил жил өнгөрөх тусам нэгдэн нягтарч
Жинхэнэ халуун сэтгэлээр биесээн хайрлацгаая
Зул мэт гэрэлтэх гэгээн саруулд тэмүүлж
Зайгуул муу үйлээс холуур тойрч явцгаая
Урмын зул өргөж элгэн нутаг нэгт ахан дүүс та нарыгаа гүнээ хүндэтгэсэн
яруу найрагч ХУЛГАНАЙН ТЭРГЭЛ
20-11-08.
Чикаго xот
| АНУВашингтон ДС, Нью Йорк, Чикаго, Денвeр, Сан Франциско, Лос Анжелос, Сиатл, Техас, Бусад, Канад |
АЗИМонгол, Япон, Хятад, Солонгос, Сингапур, Хонг Конг, Австрали & NZ |
ЕВРОПИх Британи, Ирланд, Бельги, Герман, Чех, Норвеги,Франц, Турк, Польш, Орос, Швед |
|
