20170418 002

Замын цагдаагийн албанд өнгөрсөн амралтын өдрүүдэд зам, тээврийн ослын 466 дуудлага иржээ. Ослын улмаас нэг хүн амиа алдаж, найман хүүхэд гэмтсэн байна. Сонгинохайрхан дүүргийн нутаг дахь “Lux oil” ХХК-ийн урд талын замд “Приус-20” маркийн машин онхолдож, 10 сартай хүүхэд нас барж, хоёр хүн гэмтжээ. Осол гаргасан жолооч согтуу байжээ. Баянзүрх дүүргийн нутаг, “Бумбат” амралтын газрын урд замд Д жолоочтой “Ниссан” маркийн автомашин онхолдож, зорчигч 18-19 насны гурван залуу гэмтсэн байна. Төв аймгийн Сэргэлэн суманд “Приус-20” маркийн машины жолооч Х нь явган зорчигч 44 настай Г-г мөргөж, аминд нь хүрчээ. Хэргийг тус аймгийн Цагдаагийн газарт шалгаж буй аж.

 

Эх сурвалж: www.unuudur.mn