1. Аялал эхэллээ.

М.И.Глинкийн нэрэмжит олон улсын дуурийн дуу дуулаачдын XXIII тэмцээн ОХУ-ын Москва хотноо болж, дэлхийн шилдэг опера дуучдаас сопрано хоолойны төрөлд Содномцэрэнгийн Мөнгөнцэцэг "алтан медаль" хүртэж эх орныхоо нэрийг дэлхийд дуурсгав.

Энэхүү тэмцээн нь олон улсад A зэрэглэл буюу хамгийн өндөр чансаатайд ордог. Энэ жилийн хувьд дэлхийн улс бүрийн шилдгийн шилдэг 200 гаруй дуучид оролцох саналаа хүргүүлсэн. Тэмцээнийг зохион байгуулах комисс дуучдын ур чадвар, алдарт дууриудад бvтээсэн дүрүүдийг судалж шилдгийн шилдэг 181 хүнийг сонгож авсан учраас Москвагийн Дуурийн театрын тайзнаа жинхэнэ лидер дуучид өрсөлджээ.

Сан Франциско хотын баруун захад, далайн хөвөөнөө 1000 акр талбайг эзлэн орших Гоулдэн Гэйт Паркад үүргэвч үүрч газрын зураг барьсан аялагчид жуулчид, гартаа цаасан савтай кофе барьсан амрагчид, зугаалагчид, музей цэцэрлэг сонирхогч, зүгээр л салхинд гаран нуурын эрэг дээр суун алжаалаа тайлагчид, олноор бужигнах загас шувуу, яст мэлхий хооллон буян үйлдэгчид, дугуй жийх буюу  хөлөөрөө жирийн мод бутан дундуур жимээр сүлжин гүйж биеэ дасгалжуулагчид, тэрэгтэй хүүхдүүдээ түрсэн эцэг эхчүүд, гэрээсээ эвхдэг авсаархан ширээ сандлаа барьж ирээд бөөгнөрөн сууж домино хэмээх даалуугаар нүх шахах орос өвөгчүүд, урт сандал дээр  зэрэглэн сууж  нарлах эмгэд, гараасаа хөтлөлцөн эрхлэн алхах хосууд гээд зүсэн зүйлийн хүн амьтны хөл үл тасарна. Сая хүрэхгүй хүн амтай  хотын энэ паркийг жилдээ 13 сая хүн үзэж сонирхдог гэхээр үнэхээр үзэж харах юм ихтэй нь мэдэгдэж байгаа биз.

Өчигдөр оройны Вашингтон Ди Си-н цагаар оройн 9 цагийн үед эхэлсэн цас орсоор байна. Цаг уурчдын мэдээлснээр цас 20 инч (50.8 см) хүртэл орно гэсэн мэдэгдэл гаргаад байгаа билээ. Одоогийн байдлаар гадаа халтиргаа гулгайтай машинууд маш аажмаар ар араасаа даган явцгааж цас цэвэрлэгч машинууд 24 цагийн турш зам цэвэрлэх ажилдаа аль хэдийнээ оржээ. Виржиниа мужийн цагдаагийн албаны мэдээлснээр тус мужид 1500 гаран автомашины осол гарсан байгаа ажээ.
Ихэнх сургууль, үйлчилгээний газрууд хаалгаа барин нисэх онгоцны нислэгүүд нислэг хийхээ түр зогсоосоноо зарлаад байгаа ажээ.

10000 гаран газар тог тасарсан мэдээлэл ирүүлээд байгаа ба хүмүүсийг шаардлагагүй тохиолдолд гэрээсээ гарахгүй байхыг албаны хүмүүс хүсчээ.

Дэлгэрэнгүй дээр дарж фото зураг үзээрэй!

6 сарын 9

Үүр цайж байх үед Нацагням, Дэндэв гуай хоёр хашгирч намайг сэрээв. Тэр хоёрыг их л сандарч тэвдэсэн байхыг хараад би ч цочих шиг болов. Хэдийн гэгээ орсон боловч Сибирийн их тайга дотор бүдэгхэн гэгээ тусна. Нацагаа миний хажуу тал уруу заахад нь өндийж харвал нэг хөгшин хүн хэвтэж байна, би цочин ухасхийж бослоо.

Олон жилийн тэртээ таарч, эрхлэж тоглож идэж уухаас өөрийг боддоггүй явсан хүүхэд насны гэгээхэн дурсамжинд тодоос тодоор хадгалагдсан үлдсэн тэр нэгэн хүний дүр үе үе сэтгэлд буудаг нь  амьдралын хатуу цохилтонд өртөн  золиос болсон нүд хальтрам царай зүсний цаана  халуун дулаан сэтгэл, жинхэнэ  эр хүний мөс далдлагдан байж дээ гэдгийг ухаан суух тусмаа ойлгох болсных биз ээ.

Намайг бага байхад манай байрны урд, замын цаана байх  урт, цагаан шавар байшинд аймгийн эрүүлийг хамгаалах газар байрладаг, түүний баруун талд нь олон мод бут бүхий том цэцэрлэгтэй, тэрний сүүдэрт урт модон сандлууд, өндөр нам хос савлуур байдаг нь  бидний цугладаг, тоглодог гол газрын нэг нь байв. Тойруулаад барьсан хашаа хайс үгүй тул өдөржин тэнд дураараа бужигнаж өвөл болохоор зоорь байсан юм бол уу өндөр овоолгоотой шорооны уруу цаасан хайрцаг, хавтгай мод, торхны таглаа өөр сууж болохоор юу л олдоно бүгдийг ашиглан гулгаж өмд гутлаа цасанд норж хөлдтөл тоглодогсон.

Хувь заяаны эрхээр хүний нутагт амьдарсаар хэдэн жилийг ардаа үдэж одоо өөриймшөн дасаж дээ. Дөнгөж ирээд олон юмыг гайхан алмайрч учрыг нь олох гэж асууж лавлаж, өндөр үнэтэйгээс аваад  өдөр тутмын хэрэглээний дэлгүүрүүдийн барааны үнийг долларын ханшаар үржүүлж үзээд монголтойгоо харьцуулан заримдаа дуу алдан толгой сэгсэрч явсансан.

Дэлхийд данстай газар орон бүрийн цагаач цугларч түмэн хэлийн амьтан холхисон энэ оронд хүний л амьдралд байдаг сайхан муухай бүхэн холилдон оршино.