Дэлхийн их гүрний нийслэл Вашингтон хот Улаанбаатараас хоёр дахин цөөн хүн амтай гэвэл та үнэмших үү? Тиймээ, хотын үндсэн хүн ам шинэ мянгантай залгаснаас хойшхи долоон жилд тавьхан мянгаар нэмэгдэж, одоо  582 мянга болжээ. Жилийн аль ч улиралд энэ хотод жуулчдын хөл тасардаггүй бөгөөд өдөр бүр хотын хүн амтай нь тэнцэх тооны гадныхан ирж холхилддог гэх. Дэлхийн 180 орны элчин сайдын яамд, дээр нь хэдэн зуун олон улсын байгууллагын ажилтнууд мэдээж Вашингтоны үндсэн оршин суугчид гэж тоологдохгүй. Өөрөөр хэлбэл жинхэнэ оршин суугч нь цөөхөн боловч манай нийслэлийн хэмжээний хүн тэнд байнга амьдарч байнаа гэсэн үг.

  Хотын хүн амынх нь судалгааг авч үзвэл ам бүлийн тоо хоёр гэж бүртгүүлэх айлууд дийлэнхийг эзэлж, хаа газар эмс бүсгүйчүүд зонхилдог хорвоогийн жишгээр гоонь эрчүүд зонхилдог энэ хотод  100 эмэгтэйчүүдэд 85 эрс ногддог аж.

  Шүтдэг шашнаар ангилбал эндхийн дөрвөн хүний гурав нь бүтэн сайн өдөр болгон Христийн сүмд цуглаж, зуун хүнээс дөнгөж дөрөв нь өөрийгөө Далай ламын дагалдагч гэж үздэг гэнэ.

  Нийслэл хотыг найман сая хүн бужигнасан Нью Иорктой  зүйрлэх юм бол хөдөөний бяцхан тосгон нь л гэсэн үг. Тэнд Нью Иорктой адил тэнгэр баганадсан өндөр барилгууд бүү хэл ерөнхийлөгч Вашингтоны дурсгалд зориулан босгосон 169 метр цул чулуун хөшөөнөөс өндөр ганц ч байшин байхгүй гээд бодчих.

  Ийшээ гадна дотнын жуулчид сая саяараа хөврөх нь аргагүй юм. Америкдаа хамгийн олон музей дурсгалын газруудтай энэ хот руу зорчих боломж гардаг юм бол та мэдээж конгрессын танхим, цагаан ордноор орж үзэхээс эхлээд Америк орны бахархал болсон ерөнхийлөгч Вашингтон, Жефферсон, Авраам Линкольн, Франклин Рузвельд, ХХ зууны манлай эрдэмтэн Альберт Эйнштейн нарт зориулсан дурсгалын цогцолборуудад заавал очиж хүндэтгэл үзүүлээрэй.

  Чухам эндээс л энэ орны хүүхэд багачуудад үе үеийн баатруудаараа бахархах, эх орноо хайрлах үзэл төлөвшдөг юм шиг санагдсан.

  Дэлхийд алдартай Смитсоны институтыг бүгдийг нь үзнэ гэвэл танд нэг хоёр өдөр яагаад ч хүрэлцэхгүй. Агуу энэ том цогцол­бор нь түүх дурсгал, урлаг соёл, ан амьтан, өвс ургамал гээд өчнөөн төчнөөн үзмэр агуулсан хорь гаруй том музей, амьтны хүрээлэнгээс бүрдэх аж. Та энд хамгийн олон хүний гар дамжин худалдагдаж, авсан эзэн болгондоо гай гамшиг учруул­саар хамгийн сүүлд музейн мөнхийн үзмэр болон тавигдсан, дэлхийд одоогоор хамгийн үнэтэй эдлэлд тооцогддог “итгэл” гэгч нэртэй цэнхэр алмасан зүүлтийг үзэж болно.

  Цогцолборт мөн эрдэм шинжил­гээ, судалгааны 12 төв үйл ажиллагаагаа явуулдаг юм билээ. Цаанаасаа тогтоогоод өгчих­сөн цаганд нь хавчигдан байж, халтууртаж үзсэн хосгүй нэгэн газар бол “Байгалийн түүхийн музей” байлаа. Энд цуглуул­сан ургамал амьтан шавьж хорхойны 125 сая үзмэрийг монгол маягаа­раа нэг бүрчлэн тэмтэрч үзнэ гэвэл миний нас ч хүрэхгүй юм билээ.

  Түүхийн музейн хоёр давхарт гарвал Марта Вашингтоноос авахуу­лаад Лаура Буш хүртэл бүх тэргүүн хатагтай нарын гоёлын даашинзтай баримлуудтай мэн­дэлж, түүний нь дээд давхарт нь мэдээж хатагтай нараа алдаршуулсан эр нөхрүүдийнх нь баримлыг суурилуулсан байх жишээтэй.

  Номыг дээдэлдэг хүмүүсийн хувьд таван зуугаад хэл дээр бичигдсэн 58 сая эх гар бичмэл, 30 сая номтойгоороо дэлхийн хамгийн томд тооцогдох Америкчуудын бахархал болсон Конгрессын номын санд нь ядаж хагас өдрийг өнгөрөөхөөр төлөвлөхөд алзахгүй. Юун Лениний номын сан, энэ мангасын хажууд ёстой юу ч биш юм шиг санагдсан шүү.

  Орой үдэш нь хэрэв зав гараад мөнгөтэй бол Авраам Линкольний буудуулдаг алдарт Фордын театрт жүжиг үзэх ч юм уу, эсвэл Кеннедийн төвд очиж симфони хөгжим сонсож алжаалаа тайлахад гэмгүй болов уу.

Эх сурвалж: www.news.mn

Custom Search

Сэтгэгдлүүд (3)

...
бичсэн Зочны сэтгэгдэл , 2008 / 08 / 13

hi guys... nadad heden todruulj asuuh zuils bna aa.bichsen zahidaliig mine unshaad butsaad hariu bichne gdgt itgeltei bna... ene jil ih surguulia duurgesen yum.td angli helnii beltgelt 6-9 sariin hugatsaatai mgld uil ajillagaagaa yavuulj bui surgaltiin tuvuuded handahaar baritsaaa mungu 20.000-25.000 am dollar beleneer bankind bairshuulnaas shaardalaga taviad bna... bankandaa iim ih hemjeenii belen mungu bsan bol hel am tatlahgui yavchaad helee surchaad irmeel bna. gevch ene shaardaj bga banknii baritsaa bhgui bolohoor arga muhardaad suuj bna.teglee ch mgl dah surgaltiin tuvuudeer zuuchluulah geheer mungu ni ulam l nemegdeh yum.enetheg uls ruu helnii beltgel yavahad baritsaa mungu shaardahgui 6-9sariin surgaltiin tulbur bair ene ter ni orood 2800-3600am dollart bagtdag yum bilee.ingeed bodohoor enetheg yavj bolj bgam...gevch adilhan yaduu buurai orond ochood butsaad eh orondoo ulger jishee bolgood heregjuulj surah yum bhgui bolohoor demii ch yum shig sanagdaad.mun ajillah nuhtsul ogt bhgui gsn.etseg eheesee mungu zulgaaj yavchaad ochchood dahiad karmanii mungu neheed suultai ni bish..minii sanaagaar canada esvel anu, australian oron ruu zorih gd bgan...surah ch yum ihtei ulger jishee avmaar tiim l gazar ochij helee surchaad irmeer bna.bas boloogui ee etseg eheesee karmaanii mungu nehchihguihen shig ajil olood hiichdeg baimaar....hehehehe..... za inged etset ni.... ta buhen nadad zuvlumj zuvulguu yavuulahiig husiiii... ma email address: Энэ имэйл хаяг халдлагаас хамгаалагдсан. Та JavaScript -ээ идэвхижүүлж байж харах боломжтой bi 21tei.emegtei.tovch cv...Anhaaral handuulsan ta buhent bayarlalaa

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 01 / 15

Чамд сан

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0

...
бичсэн зочны сэтгэгдэл , 2009 / 05 / 28

Washington DC-geer aylaxiig xvsej bna. xaana xandax we.

ёс бус зүйл мэдээллэх

санал нийлэхгүй байна

зөв хэлжээ

Үнэлгээ: +0