Юу хийж байгаа юм бэ, алив даарчихлаа оръё гээд түүнийг дагуулан хоёул дотогшоо оров. Сувдаа жаахан уусан бололтой хацар нь ягаа бутран, нүд нь сүүмийж шар айрагны хурц үнэр хан хийнэ.

- Би...би харин хүнтэй уулзчихаад танай үүгээр гарч яваад...тэгээд л хэмээн санаа зовосхийн үгээ зөөж хариулав.

- Аан тэгээ юу, би ойрд ажил ихтэй байгаа, оройтсон бол энэ хүйтэнд яана. Хэдий цас гэх юм байхгүй ч энэ чийг жиндүүлж байгаа биз дээ. Нээрээ чи ингэхэд намайг энд амьдардаг гэж яаж мэдээв хэмээн гайхан өөдөөс нь харвал Сувдаагийн хацар бүр ч улайж юу гэхээ мэдэхгүй хэсэг балмагдан сууснаа

- Хамаатнаас чинь авсан юмаа...хэмээн худлаа хэлээд. Ойрдоо би их хэцүү байна, тэгээд чамтай жаахан ярьж суумаар санагдаад... Нацагаа аан хэмээгээд халуун байхуу цай хандлан өгөөд бэлэн байсан шар айраг авчирч задлав.

(Энэхүү туужийг "ОРЛОО" сайт байгуулагдсаны гурван жилийн ойд зориулан тэрлэлээ)

3.ҮЖИН

Ээжийнхээ "Урт цагаан"-ы хоршооноос худалдан авч ирээд өгөхөд л ганц удаа углаж үзсэн, өсч яваа хүүхдэд удаан эдлэхийг нь бодолцож жаахан элбэгдүүлэн авсан хар өнгийн формын даашинз, мөн л цоо шинэхэн цав цагаан боловч захын дамын наймаачнаас үнэ хайрлалгүй худалдан авч өгсөн нейлонон өргөн дэрэвгэр мөртэй "союз" ёслолын хормогчоо өмсөөд, цоо шинэхэн дотоод үйлдвэрийн сурагч савхин хар цүнхээ хэдийвээр ээж нь барьяа гэсэн ч "Би өөрөө барина" хэмээн зөрүүдлэн хаяа нэг газар шүргүүлэн чадлаараа дээшээ өргөн алхсаар сургууль дээр ирлээ. Урьд өмнө нь ухаан орсон цагаасаа л энэ сургуулийн сүрлэг байшингын дэргэдүүр өглөө, орой болгон заримдаа аавынхаа мөрөн дээр суун, заримдаа ээждээ хөтлүүлэн цэцэрлэгтээ явдаг байснаа бодон өөрийн эрхгүй "Хэрвээ аав минь байсан бол..." хэмээн өөрийн эрхгүй хоёр нүдийг нь усан нулимс бүрхэхэд өөрөө ч мэдэлгүй таварцаглан арайтай л тэрий хадчихсангүй, ээж нь хөтөлж явсан тулдаа л унагачихсангүй татаж тогтоосоноо ээж нь:

(Энэхүү туужийг "ОРЛОО" сайт байгуулагдсаны гурван жилийн ойд зориулан тэрлэлээ)

ЖОЛООЧ АХЫН ЯРИА
Үжин хүүхдээ тэвэрсээр орж ирэхэд кондуктор авгай моторын таган дээр элэгдэн хагас хэвтээд, цүнхтэй орлогын мөнгө болон үлдэгдэл билетээ эмхлэх зуураа ер ам хуурайгүй явах ажээ. Боргио жолоочын хажуугын суудалд сууж байснаа эхнэртээ суудлаа өгөөд өөрөө ард нь багана түшин зогслоо. Яагаад ч юм бүү мэд, үл таних дөнгөж анх удаа л зүс үзэж байгаа хүн хирнээ жолооч ах нэг л танил, бүр өөрийнх нь хамгийн дотнын хүн шиг санагдахад "Үгүй, энэ чинь юу билээ? Би чинь яагаад энэ үл таних ахыг ингэтлээ танимхайрч бодоод байгаа юм бол оо, яах аргагүй л анх удаа харж байгаа хүн хирнээ нэг л их дотно танидаг хүн шиг санагдаад байх юм даа, хачин юм аа" гэж бодсоноо бодлыг нь хэн нэгэн нь, бүр Боргио таагаад уншчихаагүй байгаа даа хэмээн сандран сэм анзаарвал жолооч замаа ширтэн ярисаар, кондуктор авгай ч мөнөөх л мөнгө төгрөг, үлдэгдэл билет цэгцлэх ажлаа хийсээр, харин Боргио босоогоороо багна түшин зүүрмэглэн явна. Жолооч ах жолоогоо сурамгай гэгч нь мушгих зуураа кондуктор эгчид ярьсан нь:
-Хэн эгчээ, хэн эгчээ гэнэ шүү, залуугаараа зөнөх нь үү дээ би чинь гэснээ Пагма эгчээ.

 Цахим мэдээллийн цахим хуудсыг эрхлэн гаргадаг цагаан цамц, зангиатай бас костюмтай залуус, гоёмсог албан тасалгааг төсөөлдөг байсан миний ойлголт, одоогоос жил хагасын өмнө, Тайван Ариунаа хоёртой гэрт нь уулзаж ярилцаж байсан тэр үед өөрчлөгдөж бас гайхаж бахархсанаа нуух юун.
"Орлоо ком"-ын нийтлэлүүд надад таалагддаг. Аливаа мэдээлэлд нэг талыг барьж туйлширдаггүй, бас түргэн шуурхай, хүмүүсийн сэтгэл зүрхэнд нь сайн сайхан гэгээлэг өнгө аяс хүргэх гэсэн оролдлогууд  мэдрэгддэг.
Хааяадаа тэднийд очиж ярилцаж суухад, бусадтай л адил харь нутагт амьдралаа залгуулах гэж хөдөлмөрлөх, дэрсхэн төрсөн 2 охиноо өсгөх, зав чөлөөгөөр нь сайтынхаа мэдээллийг шинэчлэх, теле нэвтрүүлгээ бэлтгэх гээд зогсолтгүй ундрах их ажлуудыг үүртэж түүртэхгүй, уцаарлаж бухимдахгүй амжуулах нь бас л гайхал төрүүлнэ. Ариунаа түргэн шаламгай, хөдөлгөөнтэй хирнээ, зэрэгцэн уйлалдаж, юуг ч юм нэхэх 2 охиныхоо дуу чимээнд уцаарлах нь үгүй. "Өө ингэж л байдаг юм" гээд инээхэд хацрынх нь хонхорхой түүнийг улам ч хөөрхөн харагдуулна.  Харин Тайван нэрэндээ таарсан тайван хүн. Хааяхандаа мушийн инээмсэглэнэ. Яарч тэвдэх нь ховор хэрнээ нэг л мэдэхэд хамаг ажлаа амжуулсан байдаг. Америкт хаана ямар арга хэмжээ болно тэр болгонд амжиж очин зураг авах түүний хамгийн нандин зүйл нь хөөрхөн эхнэр, хайртай 2 охиноос нь гадна, зургийн аппарат, видео камер  нь байдаг аж.
 

Энэхүү туужыг "ОРЛОО" сайт байгуулагдсаны гурван жилийн ойд зориулан тэрлэлээ.  

ОХИН САНДАРГАВ

Өөдөсхөн охин нь учиргүй уйлсанаа бяцхан бие нь ядарсан уу, түрхэн зуур жаал шуухтинсанаа дахиад л дуу тавин уйлж эхлэхэд Үжин үнэндээ яахаа ч үл мэдэн хий дэмий л "бүүвэй, бүүвэй" аялан энгэртээ тас тэврэн хий л хөхүүлэх гэж оролдовч үл чадан өөрөө ч мөн халуун нулимсаа харамгүй асгаж, гадагшаа чимээ чагнан суулаа. Эднийх Хайлаастад хашаа байшин аван, (Аваад ч гэж дээ, угийн хатуу чанд зантай хадмууд нь авч өгч тусд нь гаргаад) бие даан тусдаа гараад ердөө л долоохон хонож байгаа билээ.

Энүүхэн долоо хоногт хөршүүдтэйгээ танилцаж амжаагүй байдаг, айл хөршийнхнөөсөө тус дэм гуймаар байдаг ч ямаршуухан зан авиртай, ямаршуухан хүмүүс байдгийг мэдэхгүйн учир эс чадна. Утсаар яримаар, түргэн дуудмаар байвч хамгийн ойрын утастай газар болох хороо хориныхон аль хэдийн харьчихсаныг орой охиноо салхилуулж явахдаа хашаан дээгүүр харсан билээ. Тэр үед охин нь зүв зүгээр үнэгчлэн унтаж байснаа гэрт орж ирээд удаагүй байхад гэв гэнэтхэн зүүгээр хатгуулсан мэт орь дуу тавин бархирч эхэлсэн билээ.

Сувдаа гаднаас хаалгаа түлхүүрдэн түрүүлэн Нацагаа араас нь гуталаа арчин ороод иртэл том өрөөний буйдан дээр Тунсаг уйлчихсан Хэрлэн хажууд нь суун голдоо нэг шил улаан дарс тавин тэр нь нилээн дундарсан харагдана. Хаалга онгойх чимээнээр Тунсаг Хэрлэн хоёр зэрэг шахуу харсанаа тэр хоёрыг хамт явж байгааг харан алмайрч харин Нацагаа Сувдаа хоёр Тунсагийг хараад гайхширан балмагдах нь тэр. Тунсаг тэр хоёрыг нэг их сүрхий харсанаа нулимсаа арчин, тэр хоёрыг доогтой ч юм шиг, сонжсон ч юм шиг эс бөгөөс бүр басамжилж буй мэт харцаар цоо ширтээд хөлөө ачин түшлэг налан арагш суулаа. Хэрлэн энэ байдлыг эвдэн алив суугаач хоёроо, өнөөдөр чинь харин онцгой өдөр үү дээ гээд сандал нэмж авчирав. Нацагаа Тунсаг хоёр харц шидэлцэн Сувдаа гэм хийсэн аятай хавчигнан сууна. Хэрлэн ч дахин нэг шил улаан дарс задлаад манайд энэнээс өөр юм алга хэмээв. Тэр дөрөв хундаганд хийн тулгах гэтэл Тунсаг шууд уучихав. Тэгсэнээ

Тэр хоёрыг яваад ортол маргааш нь амралтын өдөр болоод ч тэрүү хүн ихтэй байв. Нүдээрээ суудал хайсаар хойно булангийн нэг суудал хоосон байсанд хоёул тийшээ очиж өөд өөдөөсөө харан суун тус тусын уух юмаа захиалав. Яриа нэг л эвлэж өгсөнгүй. Сувдаагийн дотор баахан асуулт, бодол эргэлдэж чухам алинаас нь эхлэхээ мэдэхгүй хий л Нацагаагын амыг харан сууна.

- Манай өрөөнд хүн орсон уу?

- Би орсон, Хэрлэнгийн найз залуу хамт байхаар болоод...

- Аан за, өөр сонин хачин юу байна даа?

- Юу байхав, Тунсаг нэг ирээд явсан. Намайг өрөөнд нь орсонд жаахан дурамжхан байх шиг байсан. Чамайг асуугаад...

Зуун наст ургамлаас гаргаж авдаг энэ бэлдмэлийг хүн төрөлхтөн хэдэн мянган жилийн тэртээгээс элдэв арьсны өвчнүүд ,шарх эдгээх,түлэгдэлт болон бусад өвчнүүдийг эмчлэх зорилгоор хэрэглэсээр ирсэн түүхтэй билээ.Судлаачид Алоэ вера-г доорхи тохиолдлуудад хэрэглэхийг зөвлөж байна.
Зуун настын хатаасан навчны хальсыг өтгөн хатах үед, туулгах зорилгоор ихэвчлэн эмнэлгийн практикт хэрэглэдэг.
Эрэгтэйчүүдийн бэлэг эрхтэний хомхой өвчний үед Алоэ вера-ийн тосон түрхлэг ихээхэн үр дүнтэй байдаг байна. Гэвч үүнийг хэрэглэхийг хүчтэй сурталчилахын өмнө бас зарим нэг судалгаа хэрэгтэй байгаа гэнэ.

...Би архи ууж сууна л даа, хэдэн найзтайгаа... Нэг л их ТОМ АМЬТАН, энэ хорвоо ертөнц дээр надаас жижиг нь л байна уу гэхээс том нь бол үгүй ээ юм байхаа... Үгүй ээ, ХЭДЭН НАЙЗ гэдэг тодорхойлолт, томъёолол, теором худлаа ч байж мэдэх л хэрэг... Би найз гэгдэн хамт уусан бүгдийг нь дугаарлах гэж оролдож л байна, гэвч согтуу ухаандаа зөвхөн өөрийнхөө дотроо л... Хэнтэй нь нийлвэл надад ашигтай вэ, хэнтэй нь нөхөрлөвөл өөрт гарзтай вэ, хэнээс нь хол хөндий байвал дээр вэ гэж дотроо бодовч гаднаа бялангач царайлан дотносон найзархана... Гэхдээ, өөрөө намба алдаж, насны зөрүү үзүүлж, өөрийн зиндааг таниулахгүй, өөрийн хир их ИХЭМСЭГ, хир их ЧАДАЛТАЙ, бас хир их ЭРХ МЭДЭЛТЭЙ, түүгээр ч зогсохгүй хамгийн гол нь ЭХНЭРТЭЙ ТОЛГОЙГОО МЭДҮҮЛДЭГГҮЙ ЭР ХҮН гэдгээ энэ муусайнуудад үзүүлэх ёстой!