IMG 5163

Сэтгүүлч М. Ариунгоо
Хөмсөг: Гоё хүмүүс

Тухайн долоо хоногийг Даваа гаригаар төсөөлж бодох болсноор уджээ. Даваа гаригт бодол санаа ямар байхаас хамааран бие сэтгэл ч адил байна, яг тийм хэмнэлээр тэр долоо хоног өнгөрч байгааг би мэдэрдэг. Энэ долоо хоногоо онцолж хэлбэл 12 сарын 26-ны даваа гариг юм. Би анх удаа өдрийн цагаар ажил дээрээ тив алгасан ярилцлага хийсэн билээ. Тив алгасаж яриа өрнөхийн нэг онцлог гэлтэй өмнө нь ярилцлагыг үргэлж ажлын бус цагаар, ихэвчлэн шөнө, орой хийдэг юм. Тэгэхээр даваа гаригтаа буцаж оръё.
Энэ өдөр би Америкийн нислэгийн компанийн Чикаго дахь салбарт онгоцны үйлчлэгчээр арваад жил ажиллаж байгаа бас болоогүй ээ, Чикаго дахь монголчуудын холбооны удирдах зөвлөлд олон нийттэй харилцах хэвлэл мэдээллийн хэлтсийн захирал хийдэг Батмөнхийн Цэрэнбаттай яриа өрнүүлсэн юм. Нийгмийн идэвхи зүтгэлтэй, зорьсондоо заавал хүрдэг эрэмгий бүсгүйтэй ярилцах болсондоо би ч “далайн ёроолоос эрдэнэс шүүрч авсан” мэт баярлаж байсан ч цаг заваа тохиролцож явсаар нилээдгүй удсан. Эцэст нь даваа гаригийн 12:30-с Чикаго хотын оройны 21:30 минут болж байхад ярилцлага маань эхэлсэн билээ.

Дэлгэрэнгүй: Онгоцны аюулгүйн ажилтан монгол эмэгтэй Б.Цэрэнбат: “Айвал бүү хий, хийвэл бүү ай”

maral 3Сэтгүүлч М. Ариунгоо

Хөмсөг: Гоё хүмүүс

            Хайр бол чухал гэхдээ хайраас ч илүү нандин зүйл байдгийн өчүүхэн нэг хэсгийг Тэмүүжин, Маралаа нарынхаа “The Mongolian Family” цуврал нэвтрүүлгийг үзэж суухдаа мэдэрсэн юм.

“Илүү их ажил, илүү их сэтгэл гарган хийсэн үйлдэл бүр маш сайн үр дүн авчирна гэж найдаж байна.” /нөхөрТэмүүжин / Ийнхүү хэлсэн үгийг нь бодмогц, залуу хосуудад тохиолдож болох олон зүйлийг төсөөлөн асуултаа бэлдэв.

Амьдрал заавал чухал сэдвээр дүүрэн байх албагүй тийм биз дээ хүндэт уншигчдаа? Та бүхэн бодлоо коммент хэсэгт хуваалцахыг хүсье.

Дэлгэрэнгүй: Тэмүүжин, Маралаа: “Сэтгэл, Халамж, Хайр шингэсэн бидний амьдрал”

j3

Сэтгүүлч М. Ариунгоо
Хөмсөг: Гоё хүмүүс

Гадаа харанхуй болчихож. Илч, гэрлээрээ өдөржин дэлхийг ээсэн нар алжааж ядраад гэртээ харьчихаж. Яг л хүмүүс шиг. Гэхдээ дэлхийн нөгөө захад нар мандаж, хүмүүс ажилдаа яарч байгаа. Хүсэл мөрөөдлийнхөө төлөө алсыг зорисон олон монголчууд маань тэндэхийн нартай уралдан амжилтын төлөө сэрж байгаа. Харин энд харанхуй болж байна.
Гадны орныг зорьсон мөн зорилгодоо хүрсэн хүмүүстэй ярилцлага хийх нь миний зорилго билээ. Энэ удаагийн зочин маань цаанаа л нэг дотно мэдрэмжийг өөрийн эрхгүй өр зүрхэнд минь огшоогоод байв. . .

Энэ хүн бол Япон улсад Монголын язгуур урлаг, өв соёлыг таниулаад зогсохгүй, түгээн дэлгэрүүлж яваа чадварлаг уран бүтээлч. Тэр бол гавьяат дуучин Ш.Даваахүүгийн отгон хүү болох хөөмийч, морин хуурч, цуур хөгжимчин Б.Болд-Эрдэнэ эрхэм юм.

Арлын Япон улсад 19:00 цаг буюу Монгол улсад маань 18:00 цаг болж байхад бидний ярилцлага эхлэв.

Дэлгэрэнгүй: Б.Болд-Эрдэнэ: Баяны тэнэг хүүхэд байхгүй юмсан гэж их боддог байсан

tuya2

Сэтгүүлч: М.Ариунгоо
Хөмсөг: Гоё хүмүүс

Цаганд гамгүй ханддаг амгалан зангаас минь болж хоолойн дээр тулчихаад буй өчнөөн ажил намайг бухимдуулна. Мөн хэдэн өдрийн өмнө ажлын ширээ сандалтайгаа үүдний өрөө рүү нүүчихсэн тул чимээ ихтэй бас залгуур байхгүй. Шинэ ажлын байрандаа дасах гэж ядаж байсан миний тархинд гэнэт нэгэн бодол цахилгаан мэт гялсхийн ороод ирэв. Тэр нь ЛОНДОНД СУУГАА ТЭР НЭГЭН БҮСГҮЙТЭЙ ЯРИЛЦАХ. Миний сэтгэлийг догдлуулсан тэр нэгэн мэдрэмж намайг хэдэн өдөр гэрэлтүүлэв.

Лондонгийн цагаар үдээс хойш 18:00 цагт манайхаар бол шөнийн 1:00 цагт би түүнтэй фэйсбүүкээр холбогдохоор болсон юм. Алс тэртээ Лондонд суугаа түүнтэй дэргэдээ байгаа мэт нүүр нүүрээ харан ярилцах бололцоог олгосон цахим сүлжээнд талархалаа илэрхийлэх нь зүйн хэрэг. ХЭДЭН ӨДӨР ДОГДЛУУЛСАН МӨЧ АЙСУЙ.

Цэвэрхээн царай зүстэй, сайхан инээдэг тэр бүсгүй бол Туяа. Бага насандаа Орос улсад онц сурч, завгүй он жилүүдийг өнгөрүүлсэн бол ид залуу насандаа Америк улсад сурч ажиллаж амжилтынхаа гарааг эхлүүлсэн юм.

Дэлгэрэнгүй: Би өөртөө“Үгүй би чадна” гэж дандаа хэлдэг