20150709-027

Зураг дээр : Зүүн гар талд “Би Би Си – Кардиф – Дэлхийн дэвжээний дуучин - 2015” (BBC CARDIFF SINGER OF THE WORLD 2015) олон улсын дуурийн дуучдын уралдааны шилдэг дуу – романсын дуучин шагналт Жон Мин Парк (БНСУ), дунд нь тус уралдааны түрүүлэгч Надежда Кучер (Беларус Улс), баруун захад мөн уралдааны “үзэгчдийн нэрэмжит шагналт”, МУГЖ Э. Амартүвшин.

Дэлгэрэнгүй: Монголоос “Дэлхийн дуурийн дуулахуйн урлагийн олимп” -ийн үнэмлэхүй хос аварга төрлөө

BAYASGALN ARRIVED IN OHARE AIRPORT IN CHICAGO(Заримдаг хийгээд сургамжит санаа)
             “Монгол их урлаг” гэдэг ойлголт байна аа.Ийм урлаг “монгол түүх” – ийн бүхий л туршид байсан. Байгаа.
“...Монголын радио хятадаар мэндлэх...” тэр мөчс хүртэл үргэлжлэх нь дамжиггүй (гоц – хурц - сод найрагч Б. Галсансүхийн ёгтлон тунхагласнаар)...
“Монгол Их Урлаг” гэдэг “монгол хүн” - ий цээжин тушаа байрлах зүрх - сэтгэл хэмээх зургаа дахь эрхтэн – мэдрэхүйд шууд хүрч очин,  шөрмөсгөн амин гол чавхдасыг нь хөндөн оролдож, огшоон уярааж, ихэр татан бадруулахаар бүтээгдсэн урчуудын туурвилыг хэлээд буй хэрэг. Урлагийн ямар төрөл хэлбэрээр, урлах ямаршуу яруу арга хэрэгсэл хэрэглэсэн хийгээд хэдүй цаг үед, аль газрын хэнбугай зохион бүтээсэн зэргээс энэ нь үл хамаармуй. Гагцхүү “монгол газар оронд” “монгол урлагч хүний ур ухаанаар” урлагийн бүтээл болон амилж, төрсөн байх үндсэн нөхцөлтэй...
            “...Америкт манай их урлагийн одод бишгүй л ирж байсан ш дээ ! Юун сүртэйн !?...” гэх улс энэ хооронд бишгүй таарав. Зарим нь “...Бид анхны драмын жүжгийг америкт тавьсан...” гэх “лидер” гэгдэх хүн нь ч мөчөөгөө өгсөнгүй...

Дэлгэрэнгүй: МОНГОЛЫН “ИХ УРЛАГ” – ИЙН “ХЭЛТЭРХИЙ” АМЕРИКТ АНХ “ХӨЛ ГИШГЭСЭН” ТУХАЙ ТЭМДЭГЛЭЛ

arga

Олныг хамарсан нэгэн шуугиант явдлын гэрч болсоноо хожуухандуухандуу ч гэсэн уншигч тандаа хүргэн мэдүүлье ! 

Энэ хэрэг явдлыг энэ оны есдүгээр сарын 27 – ны үдшийн найм гучид Чикаго хотын Ирландаас гарвалт Америкчуудын Өв Соёлын Төвийн 658 хүний суудалтай тоглолтын хагас дугуй танхимд эхэлж үйлдэхээр төлөвлөж.

Дэлгэрэнгүй: ЧИКАГО - г “ТЭСЭЛСЭН” “АРГА - БИЛЭГ” /Шүүмж/

20141126-001

(Айсуй жүжгийн тухайд бодролын хэлхээс)

Дэлгэрэнгүй: МИНИЙ МЭДЭХГҮЙ ЭДИТ ПИАФ

qwedfghjlfr75yu

Орчлон хорвоо дээр “америкийн монголчууд” гэдэг нэгэн үндэстэн байдаг юм.

Тэд хэл, ёс, заншил, угсаа гарвалын хувьд Богд Чингис хаанаараа овогтой, Гурван Их Голын ай саваас нүүдэлтэй, “монгол” хэмээх тодоос тод угсаатны “тасарсан мах, үсэрсэн цус”  цоо шинэхэн үндэстэн улс аа.

Халх, Дөрвөд, Буриад, Халимаг, Бузаав, Урианхай, Дарьганга, Барга, Үзэмчин, Хамниган, Баяд, Хорчин, Захчин, Өөлд, Мянгад, Сартуул, Хасаг, Торгууд, Хор, Түмэд, Хошууд, Семёнов, Хужаа ястны үр сад Хойд Америк тивд байршилтай Америкийн Нэгдсэн Улс хэмээх Аугаа Их Гүрний “америкийн монголчууд” хэмээх “Вант Орон” - ы (alliance or community) иргэд нь болдог юм аа.

Дэлгэрэнгүй: АМЕРИКИЙН МОНГОЛЧУУДЫН УДТАЛ ХҮЛЭЭСЭН “МОНГОЛ ИХ УРЛАГ” – ИЙН ЖИНХЭНЭ ХЭЛТЭРХИЙ АЙСУЙ

duuchid87

(Шуугиант мэдээ)

“Монгол авьяас” мөн ч арвин ундаргатай эд юм аа ! 

 Уг нь зэрвэсхэн ажихад манай нийгэм, “их хурал” тархиндаа тамир оруулах “тун шахдаг” дагнан бөхчүүд, тамирчдаар дүүрчихээ юу гэтэл бас ч гэж үгүй ч юм шиг заримдаа...

Үргэлжийн дөрвөн цагт спортын амжилтын тухай мэдээ яваад байдаг нь энэ ажилд дэлхийн амжилт гаргасан монгол иргэн хүнд сарын 3 – 5 мянган долларын цалинг бүх насаар нь манай улс “бүрлээч Кадаффи шиг зан гарган” олгодогт оршдог аж. Энэ бол манай жир хүн амын бодот ахуй, төрхтэй харьцуулбал аймаар, галзуурам орлого - мөнгө мөн ш дээ. Тэр тусмаа өдгөөгийн “эдийн засгийн хямрал” хэмээн “хумслагч” улс төрчдийн тодорхойлж буй цаг үест.

Яг одоо Орост болж буй телевизийн нэгэн шоуны од нь монгол залуу Бадралын Чулуунбаатар болоод байна.

Найман жилийн өмнө Борхүүгийн Амархүү “Россия” телевизийн сувгаар “Ардын жүжигчин - 3” шоу нэвтрүүлгийн ялагч болж, оросын бүх зохиолын дуучдыг “бут аван” түрүүлж, гуравхан жилийн өмнө МУГЖ Энхбатын Амартүвшин П. Чайковскийн нэрэмжит 14 дэхь удаагийн Олон Улсын Дуучид Хөгжимчдийн Уралдаанд дэлхийн бүх залуу дуучдаас баргил хоолойн ангилалдаа тэргүүлж, оросуудыг эзэн хааны театрынх нь тайзан дээр “нам авч”

Дэлгэрэнгүй: МАНАЙ ДУУЧИД “КРЕМЛЬ” - ИЙГ ДАХИНТАА УУЛГАЛАН БУГУЙЛДЛАА

396048

(Хуурцаг сонсоод төрсөн сэтгэгдэл)

“Хуурч” хэмээх монгол эр хүний эрхэм хэргэм, хүндлэлт мэргэшил. Бөхөөс ч дээгүүр. Эрт цагаас өдгөөг хүртэл хэвээр.
“Өлзий хуурч”, “Түдэв, Түвдэн хуурч”, “Жамъян, Буян хуурч”, “солгой Баяр хуурч”, “Алтангэрэл хуурч” гээд л “Батчулуун, Батсайхан хуурч” хэмээн өнө эртийн том хуурчдаас энэ цагийн алдарт хуурчдын нэрс хүртэл хөврөх.

Дэлгэрэнгүй: “ЖИЙГЭЭ ХУУРЧ” – ИЙН АНХНЫ ХУУРЦАГ ЮУ ӨГҮҮЛНЭМ ?

sredi 

   Та бүхэн энэхүү кирилл – орос бичгээр дурайх зар бичгийн хуудсыг харж байна.
    Лалын шажинтны хээ хуарын билэгдэл болох цэцэг, навчин дүрсэн чимэглэлт /уг шашин амьд амьтныг дүрслэхийг цээрлэдэг, тэр тусмаа хүний дүр дүрслэлийг/ хэвтээ баганаар дээд, доод талыг нь хашсан хүрээний дээд дотор талд оросоор “СРЕДИ ПЕЧАЛЬНЫХ ГОР” хэмээсэн тод, том бүдүүн үсгээр хашилтанд голлуулан бичсэн уг зохиолын нэр нүднээ тусна.

    Үүнийг монголоор “УЙ ГАШУУТ УУЛСЫН ДУНД”  хэмээн махчилан буулгаж болмоор.

    Энэхүү заранд буй зохиолын нэрний дор “ОПЕРА В 4-х ДЕЙСТВИЯХ В 5 КАРТИНАХ” гэж байна. Энэ нь “Дөрвөн бүлэг таван үзэгдэлт дуурь” гэсэн хэрэг болой.

    Зарын дээд баруун тийш шахсан өнцөгт цувраа гурван мөр бичиг байна. Түүний эхэнд “Либретто оперы – А. Р. Рабиновича” гэсэн нь “Дуурийн цомнол - туурвил нь А. Р. Рабиновичынх ” гэсэн утгатай. Харин “Текст и стихи Дамдин-Суруна” гэдэг нь “Бичвэр ба шүлгийг Дамдинсүрэн” гэж буй аж. Дамдинсүрэн гэж аль Дамдинсүрэн бэ? гэх асуулт гарч болох авч, мэдээжээр Ардын уран зохиолч, их номч Цэндийн Дамдинсүрэн (1908 - 1986) болох нь ойлгомжтой буй за.

Дэлгэрэнгүй: “Учиртай гурван толгой” дуурийн анхны зарын хуудас

Монгол төрийн маань билгийн хараа орж, урлаг соёлынхоноо багахаанханаардуу ч болов нүдэлж эхлэв бололтой.
Тун сая уран бүтээлийн эрхэм анд Шагдарын Энхбат дууны хөгжмийн зохиолч – инженер маань Соёлын тэргүүн боллоо гээд  л хөөр баясал намжаагүй байтал угсраад л шувтарч буй засгийн БСШУЯ – ны сайд, шинээр төвхнөн буй төрийн Их Хуралдайн гишүүн Ё. Отгонбаяр АНУ –ын Чикаго хот дахь Жоофрий Балетын Компанийн төгөлдөр хуурч – концертмейстер, АНУ – ын “Цагаачлалын алдар” шагналт Буриадын Мөнгөнчимэгт мөн л “Монгол Улсын Соёлын тэргүүний ажилтан” цол тэмдэг олгох тухай тушаалд гарын үсэг зурсан тухай мэссэж эх орны маань хөгжин, цэцэглэж буй нийслэл Улаанбаатар хотоос чимээллээ.


Аливаа шатны шагнал – урамшил хүн төрөлхтний түүхийн туршид байсаар ирсэн байж байх нэгэн зүйл харилцааны хэлбэр. Нийгмийн бусад гишүүдээс нь ялган, торойлгох урам – тодотгол мэт. Хүн урмаар тэжээгдэн, амьдардаг хойно доо !

Дэлгэрэнгүй: Б. МӨНГӨНЧИМЭГ МААНЬ МӨН Л “СОЁЛЫН ТЭРГҮҮН” БОЛЛОО

Энэ онд Америкийн монголчуудын цөөнгүй төлөөлөл “Соёлын Тэргүүний Ажилтан” хэмээх МУ – ын Засгийн Газрын шагнал хүртэв.

Үүний анхных нь АНУ –ын Лас Вегас хотод байрлах Канадын “Нарны Цирк” – ийн уран нугаралтын зөвлөх - дасгалжуулагч багш Ж. Эрдэнэчимэгт оногдсон бол тун ойрмогхон Чикаго хот хавиар энэхүү шагналын хур буусан гэлтэй үйл хэрэг өрнөөд явчихав.

Америк - Монголын Нийгэмлэгийн тэргүүн, Чикаго Монгол Сургуулийг үүсгэн байгуулагч Л. Гэрэлмаа наадмын өмнөхөн энэ цол тэмдгээр энгэрээ мялаасан бол Чикаго хотын монгол наадамчдын талбайд залуухан жүжигчин х. Батцэцэг мөнхүү тэмдэгээр хантаазаа цоолуулав.

Дэлгэрэнгүй: “НУТГАА САНАЛАА ДАА !...” ДУУНЫ ЦОМГИЙН ЭЗЭН “СОЁЛЫН ТЭРГҮҮН” ХҮРТЛЭЭ