Сингапур улсын аялал жуулчлалаас олсон ашиг 400 сая доллараар өсчээ
Өнгөрсөн жилийн байдлаар Азийн бар гэгдэх Сингапур улсад нийт 15,5 сая жуулчин очсон талаар статистик мэдээнд дурджээ. Энэ нь өмнөх оны мөн үеийнхээс даруй 7.2 хувиар өссөн үзүүлэлт юм байна. Гэхдээ сонирхолтой нь жуулчдын тоо өссөн ч аялал жуулчлалын салбарт орсон орлого төдийлөн өндөр биш байсан гэнэ.
Тодруулбал тус улс өнгөрсөн жил гадны жуулчдаас 23.5 тэрбум доллар “саасан” нь өнгөрсөн оны үзүүлэлтээс ердөө 400 сая доллараар өссөн үзүүлэлт юм байна. Аялал жуулчлалаас гадна Сингапурын Олон улсын нисэх буудлаар дамжин өнгөрөх зорчигчдын тоо нэмэгдэж буй нь тус улсын эдийн засагт эергээр нөлөөлж байгаа ажээ.