БНХАУ "Торгоны замын сан"-д 40 тэрбум доллар хандивлана

БЭЭЖИН. /Xinhua/. Азийн бусад улсад дэд бүтэц байгуулахад нь туслахаар манай улс 40 тэрбум долларын сан байгуулна гэж БНХАУ-ын дарга Си Зиньпин мэдэгдлээ.

Тэрбээр Бангладеш, Камбож, Лаос, Монгол, Мьянмар, Пакистан болон Тажикистаны удирдагч нартай уулзахдаа ингэж амлажээ.

Төв Ази болон Энэтхэгийн далай, Өмнөд Хятадын тэнгисийн бүс нутгийн улсуудын төмөр зам, зам болон бусад дэд бүтцийг санхүүжүүлэхэд “Торгоны замын сан”-гаа Хятад улс ашиглахыг хүсч байна.

Мөн хувь нэмэр оруулахыг тус улс хөрөнгө оруулагчдаас хүсэхээр төлөвлөж байгаа аж.

Өөрийн санаачилсан Азийн дэд бүтцийн хөрөнгө оруулалтын банкны хөрөнгийн тал хувийг гарган хөрөнгө оруулахаар шийдсэнээ БНХАУ өнгөрсөн сард мөн зарласан билээ.

 Г.Доржханд