04 сарын 20, Бямба
°C
USD 3,376.74
USD 3,376.74
EUR 3,598.25
JPY 21.86
GBP 4,203.70
RUB 36.07
CNY 466.36
KRW 2.45

Хонконг дахь Ерөнхий консулын газар соёлын өдрийг зохион байгууллаа

Хонконг дахь Ерөнхий консулын газраас Хонконгийн их сургууль (ХКИС)-тай хамтран Монголын эдийн засгийн хөгжлийн төлөв, аялал жуулчлалын зах зээлийн сэдвээр зохион байгуулсан эссэ бичлэгийн уралдааны ялагчдад шагнал гардуулах, Ерөнхий консулын газар, ХКИС-ийн хамтын ажиллагааны 1 жилийн ойг тэмдэглэх соёлын өдрийг 5 дугаар сарын 22-ны өдөр зохион байгууллаа. Соёлын өдрийн ёслолын нээлтэд Хонконгийн Боловсролын газрын дэд дарга Др. Кэтерин КК Чэн, ХКИС-ийн Ерөнхийлөгч Проф Лап Чи Цуй, ХКИС-ийн тэнхимийн эрхлэгч Жон Спинкс, Ерөнхий консул Я.Ариунболд, МИАТ ТГ-ын Ерөнхий менежер Н.Энхсайхан нар үг хэлж Монгол, Хонконг ЗЗОБ-ийн хооронд боловсрол, соёлын хамтын ажиллагааны эхлэлийг тавихад энэхүү арга хэмжээ чухал ач холбогдолтой болж байгааг тэмдэглэв.

Соёлын өдрийн арга хэмжээнд ХКИС-ийн багш, оюутнууд, ЕКГ болон МИАТ ТГ-ын хамт олон зэрэг 100 гаруй хүмүүс оролцов. ЕКГ-аас Монголын тухай танилцуулга хийж, Азийн хувцас загварын агентлагийн загвар өмсөгчид үндэсний хувцасны үзүүлбэр сонирхуулж, монгол үндэсний цай, хоолоор зочилсон соёлын арга хэмжээ нийт оролцогчдын талархлыг хүлээлээ.

Эссэ бичлэгийн уралдааны 3 сарын өмнөөс зарлан явуулсан бөгөөд 2 ялагчид гардуулах УБ-ХК-УБ чиглэлийг тийзийг МИАТ ХК-иас ивээн тэтгэв.

ХКИС-иас МУИС-тай хамтран ажиллахаар тогтоод байгаа бөгөөд 6 дугаар сард Улаанбаатарт хамтын ажиллагааны санамж бичигт гарын үсэг зурахаар төлөвлөж байна. Санамж бичиг байгуулснаар боловсролын байгууллагуудын хамтын ажиллагаа өргөжих төдийгүй, оюутан солилцоо, тэтгэлэгт сургалт зэрэг боломжууд бүрэлдэх юм.


9411-4747, 9905-5561
service@orloo.com
Хан Уул Дүүрэг, "Peace Town" хотхон, 49В

© 2005-2024 Орлоо-Инфо ХХК.