Хонгконгийн олон мянган оюутан залуусын эхлүүлсэн Бээжингийн эсрэг олон хоногийн жагсаал өргөжжээ. Хонгконгийн оюутан, сурагчид өнгөрсөн даваа гаригаас эхлэн /IX.22/ хичээл номоо хаяж, Бээжингийн эсрэг жагсаал зохион байгуулаад буй юм. Үүний зэрэгцээ Хонгконгийн цагдаа нар баасан гаригт /IX.26/ жагсаал хийхийг хориглосон бүсэд нэвтэрсэн 60 гаруй жагсагчийг баривчилж, энэ үеэр 30 орчим хүн гэмтэж бэртсэн байна.

Одоогоос 25 жилийн өмнө Бээжинд ардчиллыг дэмжигч жагсагчдыг хүчээр дарж байсан хэргийг дахин авч үзэхийг Хятадын засгийн газарт Хонконгийн оюутнууд уриалан жагсчээ. 1989 оны зургадугаар сарын 4-нд Тяньаньмэнийн талбайд эсэргүүцлээ илэрхийлж байсан хүмүүсийг Хятадын цэргүүд нухчин дарах үеэр олон хүн амь үрэгдэж, бэртэж гэмтсэн билээ.

Хонконгийн ойролцоо усанд чингэлэг ачиж явсан ачааны усан онгоц Хятадын ачааны хөлөг онгоцтой мөргөлдсөний улмаас хөлөг онгоцны багийн 11 гишүүн  сураггүй болоод байна.