ИХ АВАРГА КАКҮРЮҮ М.АНАНД БҮХ ЯПОНЫ АВАРГА БОЛЛОО
Мэргэжлийн сумо бөхийн Бүх Японы аварга шалгаруулах 73 дахь удаагийн тэмцээн Токиогийн “Кокүгикан” ордонд болж 71 дэх Их аварга Какүрюү М.Ананд түрүүллээ.
Тус барилдааны үзүүр түрүүнд Ёкозүна Какүрюү М.Ананд, барууны 11 дэх маэгашира Таканоива А.Баасандоржийг унагасан байна. Түрүүлсэн бөх хагас сая иений шагнал хүртсэн байна. Харин Эзэн хааны цомыг 31 удаа хүртээд буй 69 дэх Их аварга Хакүхо эхний тойрогт барууны тав дахь маэгашира Икиойд дийлджээ. Мөн шинэ од Ичиножёо А.Ичинноров Эндо, Икиой, Чиётори нарыг хаяж хагас шигшээд хүрээд нутаг нэгт Таканоивад унасан байна.
Д.Өлзий