ОХУ, БНСУ, БНАСАУ төмөр замаар холбогдох гэрээ байгуулав
МОСКВА. /РИА Новости/. ОХУ, БНСУ, БНАСАУ энэ сарын 5-ны өдөр Солонгосын хойгийн нөхцөл байдлыг намжаахад чухал үүрэг гүйцэтгэх, төмөр замаар холбогдох гэрээ байгуулсан байна.
ОХУ, БНАСАУ, БНСУ гурван талын гэрээнд гарын үсэг зурлаа. Энэ удаагийн төсөл нь Сибирийн их төмөр замыг Солонгосын хойгтой холбох цөм зорилго агуулж байна. Төсөл амжилттай хэрэгжвэл Солонгосын хойгийн нөхцөл байдал тогтворжиход чухал үрэг гүйцэтгэх болно гэж ОХУ-ын Алс Дорнодын хөгжлийн сайд Александр Галушка мэдэгдэв. Евразийг холбодог Сибирийн их төмөр зам нь Москва, Санкт-Петербург хотыг Сибирийн зүүн хязгаартай холбодог дэлхийн хамгийн урт төмөр зам (9282 км) юм.
А.Цацралт