Умард Солонгос цөмийн хөтөлбөрөөсөө татгалзахгүй
ПХЕНЬЯН. /NHK/. Иран шиг цөмийн зэвсгээсээ татгалзах яриа хэлцээг Умард Солонгос хийхгүй.
Умард Солонгосын ГХЯ-ны албан ёсны төлөөлөгч мэдэгдэл хийхдээ, “Манай улс цөмийн байгууламжуудынхаа үйл ажиллагааг зогсоох асуудлаар ямар ч яриа хэлцээ хийх сонирхолгүй байна” гээд, “Умард Солонгосын нөхцөл байдал Ираныхаас эрс өөр” гэжээ.
Өнгөрсөн долоо хоногийн пүрэв гарагт АНУ-ын Төрийн нарийн бичгийн даргын орлогч Венди Шерман, “Иран цөмийн хэлэлцээрийн нөхцөлийг дагаж мөрдсөнөөр Тегеранд авсан хориг арга хэмжээг цуцална. Умард Солонгос ч Ираны адил цөмийн хөтөлбөрөөсөө татгалзах нь зүйтэй” гэж мэдэгдсэн юм
Г.Доржханд