Өмнөд Солонгос руу хийж буй Ираны нефтийн экспорт 2 дахин нэмэгджээ

ТЕГЕРАН. /IRNA/. Энэ оны хоёрдугаар сард Иран улс Өмнөд Солонгос руу өдөрт 280 мянган торх нефть экспортолсон нь өнгөрсөн жилийн мөн сарынхаас хоёр дахин өссөн үзүүлэлт юм.

Ираны Нефтийн яамны мэдээлснээр, 2016 оны хоёрдугаар сард Иран өдөрт 3 300 000 торх нефть экспортолсон нь өмнөх сарынхаас 23 хувиар өссөн үзүүлэлт ажээ.

Энэ оны нэгдүгээр сард Өмнөд Солонгос Иранаас 2, 7 сая торх нефть импортолсон байна.

Харин Саудын Араб энэ оны хоёрдугаар сард Өмнөд Солонгос руу 945 000 торх нефть экспортолжээ. Энэ нь 2015 оны мөн сарынхаас 19 хувиар өссөн үзүүлэлт ажээ.

Өмнөд Солонгос, БНХАУ, Энэтхэг, Турк нь Иранд хориг арга хэмжээ авсан үед хүртэл тус улсаас нефть импортолж байсан байна. Өмнө нь хэлэлцсэний дагуу Өмнөд Солонгос руу хийх Ираны нефтийн экспортын хэмжээ улам нэмэгдэнэ.