ПХЕНЬЯН. /Interfax/. Солонгосын хойгийн умард болон өмнөд хэсгийг тусгаарладаг ханыг буулгахыг Умард Солонгос уриалсан байна. Энэ тухай ОХУ дахь Умард Солонгосын Элчин сайдын яамны мэдэгдэлд дурджээ.

МОСКВА. /RIA Novosti/. Умард Солонгосын эрх баригчид улсынхаа хойд нутагт оршдог Хамген-Пүкто мужийн Пангири полигонд шинээр хонгил барих ажлыг эхлүүлсэн тухай “Bloomberg” агентлаг Өмнөд Солонгосын хэвлэлүүдийн мэдээллийг иш татан уламжилж байна. Уг полигонд 2006, 2009 онд цөмийн туршилт явуулж байсан билээ.

СӨҮЛ. /TASS/. 1950-1953 оны Солонгосын дайны дараа хуваагдсан гэр бүлүүдийг уулзуулахад Өмнөд Солонгос болон БНАСАУ бэлэн болжээ. Энэ тухай Олон улсын Улаан Загалмай Нийгэмлэгийн төлөөлөгч мэдээлжээ.