12 сарын 07, Лхагва
°C
USD 3,423.26
USD 3,423.26
EUR 3,591.17
JPY 25.00
GBP 4,177.58
RUB 54.45
CNY 489.54
KRW 2.59

Тайванд Монголын соёлын өдрүүд болж байна

Тайванийн Хуалень, Тайпэй хотуудад Монголын соёлын өдрүүд энэ сарын 24-өөс эхэлсэн юм. Тэгвэл энэ өдөр Хуалень хотын Вандана хийдэд  “Монгол гэр” –ийн нээлтээр эхэллээ.

 

Энэхүү соёлын өдрүүдийг Тайванийн Вандана хийдийн хамба лам яруу найрагч Уй Сигийн санаачлагаар Тайпей дахь Улаанбаатарын Худалдаа эдийн засгийн төлөөлөгчийн газар, Нийслэлийн Засаг даргын Тамгын газар, Нийслэлийн Соёл урлагийн газартай хамтран энэ сарын 24-28-ны өдрүүдэд зохион байгуулах аж.

Ёслолыг нээж, соёлын өдрүүдийг  санаачлан зохион байгуулагч Вандана хийдийн хамба лам Уй Си “ Аугаа их Чингис хааны төрж мэндэлсэн Монгол гэр арлын Тайваньд сүндэрлэн бослоо. Дэлхий шигээ бөөрөнхий, бөмбөрцөг хэлбэртэй энэ гэр Монгол  соёлын  тод  төлөөлөл болон үүд хаалгаа нээж байна. Монгол гэр байгаа газар бүхэнд Монголын төлөөлөл байх болно. Монголчууд шинэ гэр барихдаа найр хийдэг уламжлалын дагуу бид ч мөн гэрийнхээ нээлтийг хийж байна. Монголын хөх тэнгэр нь цэлмэг, хүн ард нь эрүүл энх аз жаргалтай байхыг хүсье” хэллээ.   

20150126-015

 

НИТХ-ын төлөөлөгч бөгөөд НЗД-ын Эдийн засгийн асуудал хариуцсан зөвлөх Ц.Алтанцэцэг хэлсэн үгэндээ “Монгол Тайванийн харилцааг цаашид бэхжүүлэх, хамтын ажиллагааг өргөжүүлэх хамгийн дөт зам бол соёлын харилцаа юм. Тиймээс Монголын Үндэсний болон уламжлалт урлаг, соёлыг Тайванийн ард түмэнд сурталчлан таниулах  ажлыг санаачлан зохион байгуулж байгаа  Вандана хийдийн хамба лам Уй Си болон бусад хүмүүст талархаж байгаагаа илэриийлье”  гэлээ.  Улаанбаатар  хотын Худалдаа эдийн засгийн төлөөлөгчийн газрын тэргүүн С.Элбэг  “Улаанбаатар  Тайпэй хотуудын харилцаа 1997 оноос эхэлсэн. Соёл урлаг, биеийн тамир, эдийн засаг, худалдаа, хүмүүнлэгийн салбарт хамтран ажилладаг. Энэ удаа Улаанбаатар хотын соёлын өдрүүдийг хамтран зохион байгуулж, Монголын соёлыг түгээх, сурталчлах бас нэгэн төв үүд хаалгаа нээж байна. Тайванийн ард түмэн Монгол гэр, морин хуур, Монгол соёл урлагтай танилцах энэхүү өргөөний үүд байнга нээлттэй байна гэдэгт итгэж байна” гэлээ. Соёлын өдрүүд  Тайванийн Хуалень хотод орших Вандана хийдэд Монгол гэрийн нээлтийн ёслол, Төрийн соёрхолт зураач Ц.Цэгмидийн уран бүтээлийн үзэсгэлэн,  Улаанбаатар чуулгын уран бүтээлчдийн тоглолтоор үргэлжилж байна.  26, 27-ны өдрүүдэд Тайпэй хотод үргэлжилнэ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

20150126-016

20150126-017

 
Гэрэл зургийг С.Цацралт

ШИНЭ ЗАРУУД


9411-4747, 9905-5561
service@orloo.com
Хан Уул Дүүрэг, "Peace Town" хотхон, 49В

© 2005-2022 Орлоо-Инфо ХХК.