Австралийн Ерөнхий сайд асан 84 насандаа өөд болжээ

КАНБЕРРА. /ВВС/. Австралийн Ерөнхий сайд асан Малькольм Фрейзер 84 насандаа өөд болжээ.

Малькольм Фрейзер өвчний улмаас насан өөд боллоо гэж түүний ажлын газраас мэдэгдсэн байна.

Тэрбээр 1975-1983 оны хооронд Австралийн Либерал намын удирдагч мөн тус улсын Ерөнхий сайд байжээ.

“2015 оны гуравдугаар сарын 20-ны өглөө Жон Малькольм Фрейзер өвчний улмаас насан өөд болсныг мэдэгдэхэд гүнээ харамсалтай байна. Түүнийг мэддэг, хайрладаг хүн бүрт энэ нь их хүнд цохилт болох боловч энэ хэцүү цаг үед түүний гэр бүлийг тайван байлгахыг хүсч байна" гэж мэдэгдэлд дурджээ.

Д.Нямтулга