Банкны байж болшгүй алдаа

Шинэ Зеландын нэгэн залуугийн банкны данс руу уг банк нь санамсаргүй алдаа гарган нэлээд хэдэн сая доллар шилжүүлсэн аж. Мань эр Хятад руу зугтаж явсан ч өнгөрсөн Баасан гаригт баригдаж 4 жил 7 сарын хорих ял сонслоо. Hui "Leo" Gao данснаасаа 2009 оны 4 сард  НЗ-н 100000 доллар гаргаж авахаар болоход  НЗ-н 10 сая, АНУ-н 8.1 сая долларыг Westpac банк Gao-н дансанд санамсаргүйгээр хийсэн байжээ.  Gao хамтрагч Kara Hurring-тэйгээ үүнийг мэдсэнийхээ дараа зугтжээ.  Алдаагаа банк өдрийн дотор мэдсэн ч Gao НЗ-ын 6.78 сая долларыг гадаад дахь дансандаа аль хэдийн шилжүүлсэн байж гэнэ.

Ингээд Нью Зеландыг орхин явжээ. Gao баригдахаасаа өмнө 2 жил оргон зугтаж явж чадсан ба өнгөрсөн жил Хятадаас Хонконг орох гэж байгаад Интерполоор эрэн сурвалжил байсан тул баригджээ. Тэрээр өнгөрсөн Баасан гаригт шүүхээр орж хулгай хийсэндээ 7 хэрэгт буруутай нь тогтоогдоод байна.

Харин хамтран амьдрагчийн хувьд арай хөнгөн 9 сар гэрийн хорионд байх бөгөөд Gao-н картнаас үрсэн НЗ-ын 12000 долларыг эргүүлэн төлөхөөр шийтгэгдэж байна. Тэд зугтаж явж байхдаа Kara түүнд хүү төрүүлж өгсөн ч удалгүй салжээ. Үүний дараагаар тэрээр Шинэ Зеландад сайн дураар ирсэн ба өөрийгөө ч мөн сайн дураараа цагдаагийнханд тушаасан аж. 3.8 сая НЗ доллар ор цох дутаж буй бөгөөд хэрхэн үрж юу хийснээ  Gao шүүхэд тайлбарлаж чадахгүй байгаа гэнэ.

http://news.yahoo.com/zealand-runaway-millionaire-jailed-theft-034323778.html