ФРАНЦЫН УЛС ТӨРЧ НУУЦ ДАНСНЫ ДУУЛИАНД

МОСКВА. /Оросын дуу хоолой/. Швейцарийн “RTS” телевизийн мэдээлснээр, Францын улс төрч, тэр үеийн хууль тогтоогч Жером Каюзак 2009 онд Швейцарийн банканд 15 сая еврогийн данс нээлгэхээр хандаж байсан ажээ.
Мөнгийг буруу замаар олсон байж магадгүй, мөн энэ мөнгийг нуух нь Швейцарь болон Францын харилцаанд хүндрэл учруулж мэднэ гэж үзээд түүний хүсэлтийг тус банкнаас буцаажээ.
Францын Ерөнхийлөгч Олланд түүнийг 2012 оны тавдугаар сард Сангийн сайдаар томилсон билээ.

Харин түүнийг Швейцарийн банканд нууц данстай гэх мэдээлэл олонд тарснаар Каюзак өнгөрсөн сард албан тушаалаасаа буухаас өөр аргагүй болсон байна. Түүнийг эрүүгийн хуулиар шийтгэх ажээ.
Л.Урангуа