Франц улсад 4 Монгол залуу авто осолд оржээ
Франц улсын Caen хотын зам дээр 4 Монгол залуу авто осолд орж, ослын улмаас амь эрсдсэн явдал болжээ.
Францын хэвлэл мэдээллийн сайтуудаар мэдээлж байгаагаар уг осол 16-ны үүрээр 5:40 минутын орчим болсон бөгөөд амиа алдсан залуусын хувьд 24-44 насныхан байсан байна. Машин осолдох үедээ голруу унасан бөгөөд, аврагчид залуусыг машинаас гаргасан байна. Нэг залуу газар дээрээ нас барсан бол ухаангүй байсан 3 залууг эмнэлэгт хүргэсэн гэж мэдээлжээ.
Харин тус хотод амьдран суудаг Монголчуудын файсбоок хуудсаар 4 Монгол залуугийн нас барсанд гашуудал зарлан хандив цуглуулж эхэлсэн байна.
Талийгаач залуус тус улсын "Caen" хэмээх хотод ажиллаж амьдардаг байсан байна.
Эх сурвалжийн мэдээлж байгаагаар амиа алдсан 4 Монгол залуу тус улсын нэгэн тосгонд паркийн ажил гүйцэтгэж дуусаад буцах замдаа тээврийн хэрэгсэл жолоодож яваад энэхүү ослыг гаргажээ.
Одоогийн байдлаар ГХЯ-д ямар нэгэн албан мэдэгдэл ирээгүй байна.