12 сарын 07, Бямба
°C
USD 2,721.72
USD 2,721.72
EUR 3,023.01
JPY 25.04
GBP 3,580.69
RUB 42.71
CNY 387.11
KRW 2.29

Асад Их Британийн агаарын ажиллагааг буруушаав

ДАМАСК. /SANA/. Сири дэх “Лалын улс” бүлэглэлийн байрлалд Их Британийн агаарын цохилт өгснийг Сирийн Ерөнхийлөгч Башар аль-Асад буруушаагаад, энэ нь Их Британи бидэнтэй хамтран ажиллах хүсэлгүй байгааг илтгэж байна гэв.

Сири дэх “Лалын улс” бүлэглэлд агаарын цохилт өгөх саналыг парламент нь дэмжсэнээр Их Британи өнгөрсөн пүрэв гарагт АНУ тэргүүтэй эвсэлд нэгдсэн билээ. Тус улс урьд нь зөвхөн Ирак дахь “Лалын улс” бүлэглэлийн байрлалд агаараас цохилт өгч байсан юм.

АНУ тэргүүтэй эвслийн агаарын цохилт өгөх ажиллагаа эхэлсэн цагаас хойш “Лалын улс” болон бусад бүлэглэлийн хүч улам бүр зузаарсан гэж Асад “Times” сонинд ярилцлага өгөхдөө дурдсан байна.

“Сирийн Засгийн газартай хамтран ажиллаж байж Их Британийн агаарын цохилт үр дүнгээ өгнө. Манай хуурай замын хүчинтэй АНУ тэргүүтэй эвсэл хамтран ажиллахгүй байгаа учраас тэдний ажиллагаа үр дүнгүй байгаа бөгөөд улмаар дахин бүтэлгүйтнэ” гэж тэрбээр мэдэгджээ.

Мөн тэрбээр, тус эвсэл террористуудтай үр дүнтэй тэмцэж чадахгүй байгааг мэдэгдсэн байна. Харин ОХУ-ын агаарын ажиллагааг Асад өндрөөр үнэлж, уг ажиллагаа “Лалын улс” бүлэглэлийн хүчийг сулруулж байна гэлээ.

ШИНЭ ЗАРУУД

Зохиогчийн булан

САГСУУРАХАА БОЛЬЦГООЁ, ХҮМҮҮС ЭЭ
САГСУУРАХАА БОЛЬЦГООЁ, ХҮМҮҮС ЭЭ
11/20/2019
Багаасаа морь унаж уралддагийнх ч юм уу, саахалт айлын хүүхдүүдтэй харьцуулагдан магтуулж зэмлүүлсэнийх ч юм уу, сургуульд ороод үргэлж л сурлагаар ѳрсѳлдѳж сурсаных ч юм уу монголчууд бид их л хѳѳрүү, сагсуу тѳрхтэй болжээ. Ѳѳрийн амьдралаа ѳѳрийн боломжоороо аваад аятайхан амьдрахын оронд хэн нэгэнтэй байнга ѳрсѳлдѳн уралдаж, бас харьцуулан жишиж хэмжсээр байгаад ѳѳрсдѳѳ ч ядарч, ѳрѳѳлийг залхаан туйлдуулж байгаагаа анзаардаг болов уу? Ямар нэгэн юм болохоор л амьсгаа нь дээрдэн хѳѳрч, агсам морь шиг амаа олохгүй, зүгээ мэдэхгүй хадуурч орхино. (дэлгэрэнгүй…)
“МЮЗИКЛ” ХЭМЭЭХ ТӨРӨЛ ЗҮЙЛ БА “ДУУРИЙН ХИЙ ҮЗЭГДЭЛ” (Le fantôme de l'Opéra) - ИЙН ТУХАЙД (Шүүмж)
“МЮЗИКЛ” ХЭМЭЭХ ТӨРӨЛ ЗҮЙЛ БА “ДУУРИЙН ХИЙ ҮЗЭГДЭЛ” (Le fantôme de l'Opéra) - ИЙН ТУХАЙД (Шүүмж)
Манай нийгэм – соёлын хүрээнд “мюзикл” гэх гадны үг сүүл үест эх хэлэнд маань нэлээд түрэмгий аястай зайдлан, хэл ам удах болов. Өдгөөгөөс хориод жилийн өмнө гэхэд л манай хөгжмийн театрын зар, урлагийн мэргэжлийн сургуульд энэ үг огт хэлэгдэж, заагддаггүй байлаа. Нийгмийн оюун санаан дахь “америк төвч үзэл”, мэдээлэл – технологийн хүртээлийн үрээр иргэд маань энэхүү дуу хуурын бүжигт жүжгийн талаар тодорхой ойлголттой болжээ. Гэсэн хэдүй ч “мюзикл” хэмээх энэхүү төрөл зүйлийн тухайд учиртайдуу өчих шаардлагатай мэт санагдана. (дэлгэрэнгүй…)
ҮХЦ ийн дарга Б.Одбаярын бүдүүлэг үйлдэл бидэнд юу ойлгуулав?
ҮХЦ ийн дарга Б.Одбаярын бүдүүлэг үйлдэл бидэнд юу ойлгуулав?
11/10/2019
1. Хүүхэд наснаасаа л охидуудын биед нь эрээ цээрээгүй хүрч, айлгаж ичээдэг байснаас улбаатай бидний бүдүүлэг харилцааны согогийг мэдрүүлэв. Эцэг эхчүүд, багш нар энэ талаар ѳѳрсдийн үр хүүхдүүддээ багаас нь хэлж сануулж заншаагүйн гай. Одоо хэр нь гудамжинд хийх ажилгүй бѳѳгнѳрч зогссон эрчүүд дэргэдүүрээ ѳнгѳрѳх бүсгүйчүүд рүү шалиг харцаар харж, элдэв гаж үг хэллэгээр хашгиралдан, хѳх ѳгзгѳнд нь эрээ цээргүй хүрч айлгаж ичээсэн нэгнээ бахдан инээлдэх дүр зураг нь бидний харилцааны соёлын нийтлэг хэм хэмжээ. Бид энэ байдалдаа бүр дасал болчихсон 2. Зарим эрчүүд эмэгтэйчүүдэд гологдож

9411-4747, 9905-5561
service@orloo.com
Хан Уул Дүүрэг, "Peace Town" хотхон, 49В

© 2005-2019 Орлоо-Инфо ХХК.