11 сарын 13, Лхагва
°C
USD 2,703.07
USD 2,703.07
EUR 2,980.95
JPY 24.74
GBP 3,472.90
RUB 42.33
CNY 386.05
KRW 2.33

Польш улс дипломат төлөөлөгчийн газраа дахин Улаанбаатарт нээнэ

 Гадаад харилцааны сайд Л.Болд энэ сарын 29-нд Бүгд Найрамдах Польш Улсад албан ёсны айлчлал хийлээ. Энэхүү айлчлал нь Монгол Улсын Гадаад харилцааны сайдын түвшинд Польш Улсад хийж буй анхны айлчлал гэдгээрээ онцлог байв.

Айлчлалын эхэнд сайд Л.Болд Польшийн Гадаад хэргийн сайд Радослав Шикорскистэй албан ёсны хэлэлцээ хийлээ. Гадаад харилцааны сайд Монгол, Польшийн харилцаа сүүлийн жилүүдэд идэвхтэй хөгжиж ирсэн, ялангуяа өнгөрсөн онд хоёр орны Ерөнхийлөгч харилцан айлчлал хийж хамтран ажиллах олон чиглэлийг ярилцаж тохиролцоод байсныг тэмдэглэв. Эдгээр ярьж тохирсон асуудлыг бодит ажил болгох, тэр дундаа хоёр талын эдийн засаг бизнесийн хамтын ажиллагааг эрчимжүүлэх зорилгоор Польш Улсад айлчилж буйгаа тэрээр мэдэгдлээ.

Уулзалтын үеэр Польшийн тал Улаанбаатар дахь Дипломат төлөөллөө дахин нээж ажиллуулах чиглэлээр үе шаттай ажиллаж байгаагаа мэдэгдэж энэ онд багтаан Улаанбаатарт дипломат төлөөлөгчийн газраа нээн ажиллуулах гэж байгаагаа сайд Р.Шикорски мэдээллээ. Польшийн тал санхүүгийн асуудлын улмаас Улаанбаатар дахь ЭСЯ-аа 2009 оноос хаагаад байсан юм. Энэ нь монгол иргэд виз авах, хоёр талын худалдаа, эдийн засгийн харилцааг өргөжүүлэхэд хүндрэл учруулж ирсэн бөгөөд өнгөрсөн хугацаанд элчин сайдын яамыг дахин нээлгэх чиглэлээр манай Гадаад харилцааны яамны зүгээс  ажилласны дүнд энэ оны эхнээс Польшийн визийг Монголдоо авах боломжтой болоод байсан нь анхны алхам байлаа.       
Мөн талууд батлан хамгаалах, соёл, боловсрол, шинжлэх ухааны салбарын харилцааг гүнзгийрүүлэх, Европын Холбоо, НҮБ болон олон улсын бусад байгууллагын хүрээнд бие биенээ харилцан дэмжиж ажиллах талаар тохиролцсоны зэрэгцээ олон улсын харилцан сонирхсон асуудлаар санал солилцов. Тухайлбал Польшийн тал НҮБ-ын 2015 оны  Хүний эрхийн зөвлөлийн сонгуульд Монгол Улсыг дэмжихээ мэдэгдэв. Уулзалтын эцэст сайд нар “Дипломат болон албан паспорт эзэмшигчдийг визний шаардлагаас чөлөөлөх тухай хэлэлцээрийн Протокол”-д гарын үсэг зурав. Чингэснээр 2011 оноос визгүй зорчиж ирсэн дипломат паспорт эзэмшигчдийн нэгэн адил манай албан паспорттой иргэд Польш Улсад 90 хүртэл хоног визгүй зорчих боломжтой болов.
Уулзалтын дараагаар сайд Л.Болд Польшийн нэр нь үл мэдэгдэх цэргийн бунхад цэцэг өргөв.

ЭДИЙН ЗАСГИЙН ХАРИЛЦААГ ЭРЧИМЖҮҮЛНЭ

Айлчлалын хүрээнд Гадаад харилцааны сайд Польш Улсын Шадар сайд бөгөөд Эдийн засгийн сайд Януш Пехочиньскитэй уулзаж худалдаа, эдийн засаг, хөрөнгө оруулалтын хамтын ажиллагааг улам өргөжүүлэх хүсэлтэй байгаагаа илэрхийлэв. Сайд Я.Пехочиньски энэ асуудлыг урагшлуулахад онцгойлон анхаарахаа мэдэгдэв. 2013 онд хоёр талын худалдааны эргэлт 60 сая ам.долларын хэмжээнд байсан нь хоёр орны хоорондын хамтын ажиллагааны нөөц бололцооноос доогуур байгааг талууд санал нэгтэй хүлээн зөвшөөрөв.
Тиймээс ч сайд нар Польшийн Эдийн засгийн яаманд зохион байгуулагдсан Монгол Улсын эдийн засаг, хөрөнгө оруулалтын орчинг танилцуулах арга хэмжээнд хамт оролцож, Польшийн тэргүүлэх салбарын 40 орчим компанийн төлөөлөгчидтэй уулзлаа. Энэ үеэр Польшийн компаниуд Монголын бизнес эрхлэгчидтэй холбоо тогтоох, хамтын ажиллагааг эрэлхийлж байгаагаа мэдэгдэж, хүнс, барилга, байгаль орчин хамгаалал, бохир ус, хог хаягдлын менежмент, эм, эмнэлэгийн хэрэгслэл зэрэг салбаруудад тодорхой төслүүдийг санал болгож байв.

АРДЧИЛЛЫН ТӨЛӨӨХ УЛАМЖЛАЛТ ХАМТЫН АЖИЛЛАГАА УЛАМ ӨРГӨЖИНӨ

Түүнчлэн сайд Л.Болд Польшийн Сенат (Парламентын дээд танхим)-ын Маршал Богдан Борусевич, Сейм (Парламентын доод танхим)-ийн Дэд Маршал Ежи Вендерлих нартай тус тус уулзлаа. Тэрээр эдгээр уулзалтын үеэр Польшийн Эв санааны нэгдлийн домогт удирдагчдын нэг, Монголын ард түмний дотны анд, Сенатын Маршал Б.Борусевичийн 2013 оны 5 дугаар сард Монгол Улсад хийсэн айлчлал хоёр орны хууль тогтоох дээд байгууллага хоорондын харилцаанаас гадна Монгол, Польшийн харилцаанд чухал үйл явдал байсныг онцлов. Энэхүү айлчлалын хариуд УИХ-ын дарга З.Энхболд энэ оны 9 дүгээр сард Польш Улсад айлчлах гэж байгааг мэдээлж, айлчлал хоёр орны харилцаа, хамтын ажиллагааг шинэ шатанд гаргахад чухал түлхэц үзүүлнэ гэдэгт итгэлтэй буйгаа сайд Л.Болд тэмдэглэлээ. Мөн тэрээр Монгол Улс, Европын Холбооны хооронд байгуулсан Түншлэл, хамтын ажиллагааны хэлэлцээрийг хүчин төгөлдөр болгоход гишүүн орны хувьд дотоодын процедуураа шуурхайлахыг хүсэлт болгов.
Мөн Гадаад харилцааны сайд Польшийн Олон улсын Эв санааны нэгдлийн сангийн Ерөнхийлөгч Кшиштоф Становскитэй уулзаж, ардчиллын боловсрол, ардчиллын нийтлэг үзэл санааг бүс нутагт түгээн дэлгэрүүлэх чиглэлээр хамтарсан төсөл, хөтөлбөр хэрэгжүүлэхээр ажиллахаар боллоо. Өнгөрсөн онд Монгол Улс Варшав хотноо үүсгэн байгуулагдсан Ардчилсан орнуудын хамтын нийгэмлэгийг амжилттай тэргүүлсэн бөгөөд энэхүү байгууллагын хүрээнд манай хоёр орон ардчиллын боловсролын чиглэлээр хамтран ажиллаж ирсэн болно. Энэ хүрээнд Монгол Улсын санаачилсан Ардчиллын боловсролын асуудлаарх Нэгдсэн үндэсний байгууллагын тогтоолыг амжилттай батлуулахад Польш Улс манай талтай идэвхтэй хамтран ажиллаж байсан. Энэхүү тогтоолыг хэрэгжүүлэх зорилгоор хоёр тал Улаанбаатарт олон улсын бага хурал зохион байгуулахад хамтран ажиллахаар тохиролцов.
Гадаад харилцааны сайд Л.Болд мөн айлчлалынхаа хүрээнд Варшав дахь ЭСЯ-нд ажиллаж, иргэдэд консулын үйлчилгээг шуурхай бөгөөд тав тухтай орчинд үзүүлэх нөхцөлийг бүрдүүлэх зорилгоор хийгдсэн ЭСЯ-ны өргөтгөлтэй танилцав.
Энэхүү айлчлал ЕХ, НАТО-гийн нөлөө бүхий гишүүн, эдийн засаг нь эрчимтэй хөгжиж буй, геополитикийн байршил, түүхэн хөгжлийн явцын хувьд ижил төстэй Польш Улстай хоёр талын харилцаа, хамтын ажиллагааг, ялангуяа эдийн засаг, худалдаа, хөрөнгө оруулалтын хамтын ажиллагааг эрчимжүүлэн өргөжүүлэх талаар ярилцахаас гадна хоёр орон дахь ардчилсан өөрчлөлтүүдийн ололт амжилт, ардчиллын асуудлаар олон улсын тавцан дахь хоёр болон олон талт хамтын ажиллагааг хөгжүүлэхэд чухал ач холбогдолтой болов.

ШИНЭ ЗАРУУД

Зохиогчийн булан

ҮХЦ ийн дарга Б.Одбаярын бүдүүлэг үйлдэл бидэнд юу ойлгуулав?
ҮХЦ ийн дарга Б.Одбаярын бүдүүлэг үйлдэл бидэнд юу ойлгуулав?
11/10/2019
1. Хүүхэд наснаасаа л охидуудын биед нь эрээ цээрээгүй хүрч, айлгаж ичээдэг байснаас улбаатай бидний бүдүүлэг харилцааны согогийг мэдрүүлэв. Эцэг эхчүүд, багш нар энэ талаар ѳѳрсдийн үр хүүхдүүддээ багаас нь хэлж сануулж заншаагүйн гай. Одоо хэр нь гудамжинд хийх ажилгүй бѳѳгнѳрч зогссон эрчүүд дэргэдүүрээ ѳнгѳрѳх бүсгүйчүүд рүү шалиг харцаар харж, элдэв гаж үг хэллэгээр хашгиралдан, хѳх ѳгзгѳнд нь эрээ цээргүй хүрч айлгаж ичээсэн нэгнээ бахдан инээлдэх дүр зураг нь бидний харилцааны соёлын нийтлэг хэм хэмжээ. Бид энэ байдалдаа бүр дасал болчихсон 2. Зарим эрчүүд эмэгтэйчүүдэд гологдож
АМЕРИКТ БИЗНЕС ЭРХЭЛЖ БУЙ МОНГОЛЧУУДЫН ТѲЛѲВ БАЙДАЛ
АМЕРИКТ БИЗНЕС ЭРХЭЛЖ БУЙ МОНГОЛЧУУДЫН ТѲЛѲВ БАЙДАЛ
Хүний нутагт бусдын эрхшээл дор ажиллаж байсан монголчууд аажимдаа ѳѳрсдийн бизнесээ босгож баялаг бүтээж эхэлсэн нь анхаарахгүй байж болохгүй үзэгдэл юм. Монголчуудын үнэт зүйл болох : -дасан зохицох чадвар -бусдын эрхшээл дор ажиллах дургүй чанар -эрсдэлээс айдаггүй зоримог зан энэ үзэгдэлд хүчтэй нѳлѳѳлж байна. “United Mongolia” АББ ын “Шинэч” багийнхан АНУ д бизнес эрхэлж буй монголчуудын мэдээллийн сан бүрдүүлэх зорилгоор монголчууд олноор суурьшдаг Виржина, Мериланд, Чикаго, Висконсин, Миссиури, Миннесота, Денвэр, Юта, Сиэтл, Сакраменто, Сан- Франциско, Лос -Анжелос, Лас -Вегас зэрэг
ЖОРЛОНГОО ѲѲРЧЛѲХГҮЙГЭЭР БИД ХѲГЖИХГҮЙ
ЖОРЛОНГОО ѲѲРЧЛѲХГҮЙГЭЭР БИД ХѲГЖИХГҮЙ
10/24/2019
“Жорлонгоо ѳѳрчилье” нэртэй тѳсѳл санаачлан хэрэгжүүлж байгаа Ц.Оюунгэрэл, Ц.Оюундарь нарын тухай “Уг нь их зѳв сэдэв барьж авчээ. Гэхдээ эд нар үүгээрээ 2020 оны сонгуульд нэр дэвших боломжоо хангаад, хэргээ бүтээвэл хаяж орхих байх даа” хэмээн харамсангүй бодож байснаа нуух юун. Улстѳрд хүний эрхийн чиглэлээр ѳѳрийн байр сууриа бэхжүүлж, УИХ ын гишүүн, ЗГ т сайд хийж байсан Ц.Оюунгэрэлийн талаар сайн муу элдэв мэдээлэлтэй байснаас нүүр тулан уулзаж байсангүй. “Түүнтэй уулзаж ярилцлага хийгээч” хэмээн А.Хандсүрэнгийн тавьсан саналыг хүлээж авсан юм. Түүнтэй уулзан нүд рүү нь харж байгаад

9411-4747, 9905-5561
service@orloo.com
Хан Уул Дүүрэг, "Peace Town" хотхон, 49В

© 2005-2019 Орлоо-Инфо ХХК.