Монгол бугын махан нөөш Оросд эрэлттэй байна

ОХУ-ын Крымд монгол бугын махаар хийсэн лаазтай нөөш үнэлэгдэж байгаа тухай Монголоос мах, махан бүтээгдэхүүн нийлүүлж байгаа компанийн төлөөлөгч В.Филиппович ярьсан байна.

Өнгөрсөн 11 дүгээр сарын эхээр уг бүтээгдэхүүнийг Крымд нийлүүлж эхэлжээ. Эхэн үедээ бараг тоохгүй байж. Харин энэ сарын эхээр бугын махан лаазласан нөөшний эрэлт нэмэгджээ. Буриадад боловсруулсан 338 граммын лааз бүхий нөөшийг 137 рублиэр худалдаж байгаа аж. Крымчүүд нэг удаад 5-10 лааз буган махан нөөш авч байгаа гэнэ. Ийнхүү монголын төрөл бүрийн  махыг сайхан боловсруулж лаазлан нөөшлөөд дэлхийн зах зээлд гаргах бололцоотойг энэ нөөш харуулж байна.

Ж.Батсайхан