Путин: Авлигатай тэмцэх илүү хатуу арга хэмжээ авах хэрэгтэй

МОСКВА. /NHK/. Авлигыг таслан зогсоох илүү хатуу арга хэмжээ авах хэрэгтэйг ОХУ-ын Ерөнхийлөгч Владимир Путин онцлов.

2015 оны эхний есөн сард л гэхэд авлигын хэргээр 8800 гаруй хүн ял шийтгүүлсэн бөгөөд авлигатай тэмцэх стандартыг зөрчсөн 11 мянга орчим ажилтанд сахилга батын хариуцлага тооцсон гэж тэрбээр Авлигатай тэмцэх зөвлөлийн уулзалтын үеэр мэдэгдсэн байна.

Өнгөрсөн жил 200 орчим сая долларыг авлигатай тэмцэх асуудалд зарцуулсан. Тиймээс илүү хатуу хууль тогтоомж гаргах хэрэгтэй гэж тэрбээр мэдэгджээ.

Мөн тэрбээр, ОХУ-д шинэ механизм хэрэгжүүлснээр авлигын хэргийг аль ч шатанд нь илрүүлж, асуудлыг нэн даруй шийдвэрлэх боломжтой болсон гэж мэдэгдэв.