10 сарын 16, Бямба
°C
USD 2,848.81
USD 2,848.81
EUR 3,308.04
JPY 24.97
GBP 3,908.71
RUB 40.00
CNY 443.15
KRW 2.41

ШВЕЙЦАРИЙН АТОМЫН ЦАХИЛГААН СТАНЦ АЖИЛЛАЖ ЭХЭЛНЭ

ТОКИО. /Эн-Эйч-Кэй/. Хуучин атомын цахилгаан станцад аюулгүй байдлын арга хэмжээг хангалттай авч байгаа тохиолдолд үйл ажиллагааг нь зөвшөөрөхөөр Швейцарийн Дээд шүүх шийдвэрлэв.

Берн хотын ойролцоо орших Мьюлберг атомын цахилгаан станцын үйл ажиллагааг зогсоохыг цөмийн эрчим хүчийг эсэргүүцэгч бүлгээс шаардаж байгаа билээ. Тус цахилгаан станц баригдсанаасаа хойш 40 гаруй жилийн хугацаанд аюулгүй байдлын асуудал гаргасаар ирсэн гэж тэд зарга мэдүүлсэн.
Өнгөрсөн жилийн гуравдугаар сард зарга мэдүүлэгчдийн гомдлын дагуу Швейцарийн захиргааны шүүхээс цахилгаан станцын үйл ажиллагааг энэ оны зургадугаар сар хүртэл зогсоохоор шийдвэрлэсэн юм. Харин цахилгаан станц энэ шийдвэрийг давж заалдсан ажээ.

Лозанне дахь Дээд шүүх зарга мэдүүлэгч талын гомдлыг няцаасан байна. Цахилгаан станцын талаас аюулгүй байдлын арга хэмжээг хангалттай аван, хэвийн үйл ажиллагаа явуулж байгаа гэж Дээд шүүх дүгнэв. Түүнчлэн тус атомын цахилгаан станц нь газар хөдлөлтийн чичирхийллийг тэсвэрлэх, реакторт цууралт үүсэхээс өөрийгөө хамгаалах чадвартайг шүүхээс батлан тодорхойлжээ.
Харин цахилгаан станцад Швейцарийн цөмийн аюулгүй байдлыг сахиулагчдын зааварчилгааг чандлан сахихыг үүрэг болголоо.
2011 оны Фүкүшимагийн атомын цахилгаан станцын ослын улмаас Швейцарийн Засгийн газар 2034 он гэхэд улсынхаа таван атомын реакторыг хаахаар шийдээд байгаа билээ.
Мөн Швейцарь зэрэг улсад атомын цахилгаан станцыг эрчим хүчний өөр ямар эх үүсвэрээр орлуулж болох талаар хэлэлцэж эхлээд байгаа юм.
Л.Урангуа

ШИНЭ ЗАРУУД

Зохиогчийн булан

БИД ЯАГААД БИЕ БИЕДЭЭ ДУРГҮЙ БАЙДАГ ВЭ?
БИД ЯАГААД БИЕ БИЕДЭЭ ДУРГҮЙ БАЙДАГ ВЭ?
09/24/2021
“Монголчууд бид цѳѳхүүлээ атлаа яагаад бие биенээ хайрлан, эв нэгдэлтэй байж болдоггүй юм бол?” хэмээн хааяадаа харуусан боддог. Харь оронд ажиллаж амьдарч байхдаа “буцаад очих эх орон гэдэг сэтгэлийн ямар их ѳмѳг түшиг, амьдралын минь нѳмѳр нѳѳлѳг, ирээдүйн минь итгэл найдвар болох”-ыг ямар ч сурталчилгаагүйгээр чин сэтгэлээсээ ойлгодог. Туурга тусгаар эх орны минь голомтыг сахин аж тѳрж буй та нарыг ч бас сэтгэлдээ хайрлана. Хѳгжлийн цаг хугацааны хуучин харгуйгаар бидэрч буй мэт хэдий боловч, ѳѳрсдѳѳ ухааран засч залруулах олон зүйлүүд байнаа. 1.ХУВИА ХИЧЭЭГЧ (дэлгэрэнгүй…)
ДУУНЫ ГЭРЭЛТ ХӨШӨӨ
ДУУНЫ ГЭРЭЛТ ХӨШӨӨ
Монголчууд дуунд гэрэлт хөшөө босгодог соёлыг дэлхийн соёлын түүхэнд анх авчрав. Монгол ухаан. Монгол нээлт. Төв талбайн өмнөх Наа багшийн “Халуун элгэн нутаг” дууны хөшөөнөөс аваад л орон даяаар лавтай зуугаад дууны хөшөө бий байхаа. Дуу, бөх хоёрыг манайхан шиг дээдэлдэг орон орчлонд үгүй мэт. Аварга цолтой харьсан бөх л бол төрийн тэргүүн. Эсвэл нийслэл хүрээний дарга. Их хуралдайн гишүүн “сарааз маёоор” болдог. Гавьяа байгуулсан дуучин л бол “төрийн нарийн”, “театр чуулгын дарга” болох ёс зөвхөн монголоос эхтэй. Өөр газар би дуулсангүй. Харсангүй. Майкл Жексон чуулгын дарга байсан тухайд
АВТО ЗАМЫН ТҮГЖРЭЛД НИЙТИЙН ТЭЭВРИЙН НѲЛѲѲ
АВТО ЗАМЫН ТҮГЖРЭЛД НИЙТИЙН ТЭЭВРИЙН НѲЛѲѲ
08/17/2021
Бараг 400 000 орчим тээврийн хэрэгсэл холхиж байдаг Улаанбаатар хотод замын түгжрэл асуулт дагуусан асуудал болоод удаж буй. Замаа ѳргѳтгѳх, метро болон дүүжин тээвэр гэх их мѳнгѳ шаардах тѳслүүд ярих хэдий ч одоогийн бодит нѳхцѳл байдлуудаа ѳѳрчлѳн сайжруулах талаар хэн ч ярихгүй юм. Байдлууд ямар байна вэ? *НИЙТИЙН ТЭЭВРИЙН МУУ БАЙДЛУУД: (дэлгэрэнгүй…)

9411-4747, 9905-5561
service@orloo.com
Хан Уул Дүүрэг, "Peace Town" хотхон, 49В

© 2005-2021 Орлоо-Инфо ХХК.