ГХЯ-НЫ ТӨРИЙН НАРИЙН БИЧГИЙН ДАРГА Б.БАТХИШИГ ТУРК УЛСААС МОНГОЛ УЛСАД СУУГАА ОНЦ БӨГӨӨД БҮРЭН ЭРХТ ЭЛЧИН САЙД МУСТАФА САРНЫЧИЙГ ХҮЛЭЭН АВЧ УУЛЗАВ.

2012 оны 8 дугаар сарын 29-ний өдөр ГХЯ-ны Төрийн нарийн бичгийн дарга Б.Батхишиг Бүгд Найрамдах Турк Улсаас  Монгол Улсад суугаа Онц бөгөөд Бүрэн эрхт Элчин сайд Мустафа Сарнычийг ГХЯ-нд хүлээн авч уулзав.

Б.Батхишиг Монгол Улсад суух Элчин сайдаар томилогдсонтой холбогдуулан М.Сарнычид баяр хүргэж цаашдын ажилд нь амжилт хүсэв. TНБД, Элчин сайд нар хоёр орны харилцаа, хамтын ажиллагааг өргөжүүлэх талаар санал солилцов. Элчин сайд М.Сарныч хоёр орны харилцаа, хамтын ажиллагааг худалдаа, эдийн засгийн салбарт түлхүү хөгжүүлэхэд өөрийн зүгээс анхаарч ажиллахаа илэрхийлэв.