9/25/2017, Mon
-C

ТУРШИЛТ ЯВАГДАЖ БАЙНА

Orloo.info сайтын хамт олон сайтын шинэчлэлийн ажлын хүрээнд гадаадад байгаа Монголчуудынхаа эрх ашгийг хамгаалах, тэдний дуу хоолойг илэрхийлэх, хүсэл зоригийг нь биелүүлэх, гадаадад өсч хүмүүжиж буй Монголын ирээдүй болсон балчир үрсийнхээ эрхийг хамгаалах, Монгол уламжлалаа сэргээх, мэдүүлэх зэрэг олон ажлыг хийхээр төлөвлөөд байна.

Энэ хүрээнд бид төр засаг болон, олон улсын байгууллагууд, хувийн хэвшил, элчин сайдын яамдуудтай хамтран ажиллаж эхлээд байгаа юм. Иймээс Orloo.info сайтын шинэчлэлийн ажлыг уншигч та бүхэн дэмжинэ гэдэгт итгэлтэй байна.

DONATE NOW

Та бүхэн биднийг дэмжихийг хүсвэл дээрх хаягаар нэвтэрч хандив өгнө үү.

Баярлалаа.

Манай Ирээрэй- Б. Эрхэмбаяр, Б. Батзориг

”Манайд ирээрэй” нэвтрүүлгийн энэ дугаараар биднийг Шведэд 7 жил сурч ажиллаж, амьдраад 2005 онд нутагтаа ирсэн нэгэн гэр бүл урьсан юм. XXБ-ны Олон улсын банкны газрын захирал Б. Эрхэмбаяр болон түүний нөхөр Алтай Холдинг ХХК-ийн дэд захирал Б. Батзориг нар улсаа хөгжүүлэх иргэний үүргээ амжилттай биелүүлж яваа Монголын нэгэн сайхан гэр бүл юм. 

Энд дарж нэвтрүүлгээ үзээрэй! Дараагийн дугаараар ”Манай Ирээрэй” нэвтрүүлэг маань өөр хөтлөгчтэйгээр та бүхэнтэйгээ уулзах болох нь ээ. Учир нь Ариунтуяа миний бие АНУ-н Олон Улсын Хөгжлийн агентлагийн Бизнесийг Дэмжих Санаачилга төслийн ажилд ороод хэдэн сарын нүүр үзэж байгаа юм. Ингээд нэвтрүүлгээ чөлөөт цагаараа буюу хагас, бүтэн сайнд хийж болох байх гэж бодоод дахин эхлүүлсэн боловч давхар ажил хийж болохгүй гэсэн зааврыг ажлын газраасаа авсан тул та бүхэнтэйгээ цэнхэр дэлгэцээр уулзах боломжгүй болж байгаагаа дуулгая.

Манайд Ирээрэй нэвтрүүлэг – М. Тунгалагтуяа

Манайд Ирээрэй нэвтрүүлэг маань гадаадад ажиллаж, амьдарч, сурч буй та бүхэндээ Монголоосоо дахин хүрч байгааг дуулгахад үнэхээр таатай байна. Бид гадаадаас Монголдоо эргэн ирсэн мянган мянган шилдэг залуусын төлөөллийг үзэгч та бүхэндээ танилцуулж байх юм. Тэд бидэнтэй Монголдоо ирээд тулгарч байгаа бэрхшээлүүдээсээ, хэрхэн ажилд шинээр орсон туршлагаасаа, Монголын амьдрал ямар байгаа, Монголоо хөгжүүлэхэд оруулж буй хувь нэмрээсээ хуваалцах юм. Ингээд энэ удаад биднийг Германд 10 жил амьдрахдаа Берлиний Техникийн их сургуулийг төгссөн, Монголдоо ирээд Хэвлэлийн Хүрээлэнгийн сургалтын албаны багш, Эдийн засгийн Өөрчлөгч клубийн зохицуулагчаар ажиллаж байгаа М. Тунгалагтуяа урьсан юм. Энд дарж нэвтрүүлгээ үзнэ үү.

Цааш нь унших

Манайд Ирээрэй-Д. Аюуш /Дэлхийд алдартай шинэ бүтээл нээгээд байна/

Манайд ирээрэй нэвтрүүлэг маань хэсэг хугацаанд завсарласаны дараа шинэ оны босгон дээр та бүхэндээ дахин хүрч байна. Энэ удаад биднийг Томас Жефферсоны их сургуулийн Киммелийн нэрэмжит хавдар судлалын хүрээлэнд эрдэм шинжилгээний зааварлагч, төслийн удирдагч хийдэг Дагвадоржийн Аюуш гэр бүлийн хамт урьсан юм. Тэрээр хүний түрүү булчирхайны хамгийн эрт үеийн анхдагч хавдарын эсийг шинээр анх удаа гарган авч лабораторийн нөхцөлд ургуулсан  чадсан шинэ бүтээл нээлт хийсэн юм. Олон эрдэмтэд өмнө нь туршиж үзэн амжилтгүй болж байсан ба Монгол хүн хийж чадсан нь үнэхээр бахархалтай. Аюуш- хүний их эмч генетикч, эрдэм шинжилгээний ахлах судлаачтай хийсэн нэвтрүүлэг маань тун сонирхолтой болсон гэдэгт найдаж байна.
Та бүхэн ЭНД ДАРЖ нэвтрүүлгээ үзээрэй.

Эх нутгийн гийчид- Бөөрний мэс засалчид

Энэ удаагийн эх нутгийн гийчдээр Америкийн бөөрний мэс засалчдын нийгэмлэгийн 107 дахь ээлжит хурал, сургалтанд 5 сарын дундуур оролцсон Монголын бөөрний мэс засалчид уригдан оролцлоо. ЭМШУИС-ын бөөрний мэс заслын багш, тэргүүлэх зэргийн эмч С. Амарсайхан, Японы Токушима Иx Сургуулийн докторант, бөөрний мэс засалч А. Шийрэвням, Хүүхдийн бөөрний мэс засалч, клиникийн профессор Г. Эрдэнэцэцэг нартай бөөрний мэс засалд гарч буй шинэ технологи, сургалтуудын ач холбогдолын талаар мөн гадаадад байгаа Монголчууд маань бөөр, шээсний замын өвчнөөр, түрүү булчирхайн үрэвслээр өвдөхгүй байхын тулд хувь хүн юуг анхаарах ёстой зэрэг болон бусад олон сонирхолтой сэдвийг хөндөн ярилцлаа. Та бүхэн ЭНД ДАРЖ нэвтрүүлгээ үзээрэй.

Эх нутгийн гийчин-Ц. Сүхтулга

Энэ удаагийн эх нутгийн гийчнээр Монголын бэлчээрийн менежментийн холбооны менежер Цэрэннадмидын Сүхтулга оролцож байна. Монгол орны маань бэлчээрийн даац ихэнх хөдөө орон нутаг, Улаанбаатар, Эрдэнэт хотгүй хэтэрсэнээс цөлжилтөнд нэрвэгдээд байгаа одоо үед бэлчээрийг хэрхэн хамгаалах талаар ихийг хийж буй энэ хүн болон холбооныхны ажил үйлсийн талаар та бүхэндээ толилуулж байна. Тэрээр мөн Монголдоо адууны эцэг болох тахийг нутагшуулах ажлыг хийсэн ажээ. Эргээд нутагтаа харихгүй Монгол хүн гэж байхгүй биз ээ. Хэн бүхний зайлшгүй санаа зовох зүйл бол яах аргагүй газар нутгийн маань асуудал билээ. Та бүхэн энд дарж нэвтрүүлгээ үзнэ үү.

Эх нутгийн гийчин- Ц. Оюунгэрэл-2-р хэсэг

Энэ удаагийн дугаарт эх нутгийн гийчин маань ярилцлагад ирсэн хүмүүсийн асуултанд хариулж, тэдний болон өөрийнхөө санаа зовж явдаг нийгмийн болон эмэгтэйчүүдийн өмнө тулгарч байгаа асуудлуудаар ярилцсан юм. Та бүхэн мэдэж байгаа байх, саяхан 3 сарын эхээр Вашингтон Ди Си хотод Иргэний танхим байгуулагдсан билээ. Түүнээс асуусан хамгийн эхний асуулт энэ танхимыг хэрхэн ажиллуулах талаар байлаа. Учир нь Оюунгэрэл- ерөнхийлөгчийн орон тооны бус зөвлөх ба иргэний танхимын хэрхэн ажиллах дүрэм журмыг зохиосон хүн юм. Та бүхэн энд дарж нэвтрүүлгээ үзээрэй!

P.S:Америкт ажиллаж амьдарч байгаа Монголчууд маань энд байгуулагдсан Иргэний танхимд иргэний оролцоогоо идэвхтэй оруулахыг хүсвэл Орлоогийн холбоо тогтоохоор холбогдвол бид зохицуулагч хүмүүстэй нь холбож өгч гүүр болохдоо баяртай байх болно.

Эх нутгийн гийчин- Цэдэвдамбын Оюунгэрэл-Эхний хэсэг

”Нутгийн шийдэл” сангийн тэргүүн, Ардчилсан намын эмэгтэйчүүдийн зөвлөлийн дарга, ”Ногоон нүдэн лам”, ”Америкт суралцсан тэмдэглэл” зэрэг номын зохиогч Ц. Оюунгэрэл манай энд удаагийн эх нутгийн гийчнээр оролцлоо.

Вашингтон Ди Сид амьдардаг монголчуудтайгаа уулзалт хийсэн ба та бүхэндээ уулзалтын эхний хэсгийг хүргэж байна. Монголд ямар барилгууд баригдаж байгаа талаар бидэнд сонирхолтой мэдээллүүд өгсөнөөр ногоон барилгыг дэмжихэд гадаадад суугаа иргэдийн оролцоог нэмэгдүүлэх болон эмэгтэйчүүдийн асуудлаар ярилцлага эхэлсэн юм. Та бүхэн ЭНД ДАРЖ нэвтрүүлгийнхээ эхний хэсгийг үзнэ үү. Зохиолч Оюунгэрэлтэй холбогдох хаяг: localsolutions_oyungerel@yahoo.com

Хөвсгөл Төслөөс Төрсөн Эрдэмтэд

Др. Гoулдений удирдсан Хөвсгөл Нуурын Судалгааны төсөл Америкийн Байгалийн Шинжлэх Ухааны Сангаас санхүүжигдэн 1994 онд эхэлсэнээс хойш дөрвөн томоохон төслүүд хэрэгжиж Монголын олон арван залуучууд  шинжлэх ухаанд хөл тавин орж биологийн шинжлэх ухааны салбарт олон эрдэмтэд төрж гарлаа.

Анх 1995 оноос 1998 оны судалгаанд дөрвөн залуучууд орж ажилласны хоёр нь докторын зэрэг хамгаалсан. Др. Болдгийв Корнеллин их сургуулиас мастер, дараа нь Пенсильванийн Их сургуулиас Докторын зэрэг хамгаалаад одоо МУЙС-ийн Экологийн Тэнхимийн Захирал, Хөвсгөлийн Төслийн Удирдагчаар ажиллаж байна. Др. Болдгийв олон мэргэжлийн сурах бичгийг орчуулан оюутнуудын гар дээр тавьсан төдийгүй, өөрийн салбарт олон арван эрдмийн бүтээлээ гадаадын нэр хүнд бүхий шинжлэх ухааны сэтгүүлд хэвлүүлэн олон улсын нэр хүндтэй эрдэмтэдтэй хөл зэрэгцэн айллаж шинжлэх ухаанд хувь нэмрээ оруулан нэрээ гаргаж яваа чадварлаг эрдэмтэн болж өссөн.

Цааш нь унших

Эх нутгийн гийчин- Маск продакшиныхан

Мөнхсайхан, Эрдэнэзаан, Баярмагнай, Гэрэлцэцэг, Ганзориг гэсэн бүрэлдүүхэнтэйгээр ирсэн Маск продакшиныхан маань Америкт тоглолтоо эхэллээ. Хүн бүхний үзэх дуртай гэж болох хошин урлагийнхан маань нийслэл хотноо морилон ирж олон зуун монголчууддаа инээд бэлэглэж, тэдний нэгэн оройг алжаалаас нь тайлж бүгдэд нь нас нэмэх шиг боллоо.
Бидэнд тоглолт эхлэхээс өмнө ярилцах боломж олдсоноор энэхүү нэвтрүүлгээ хийсэн ч өмнөх нэвтрүүлгүүдээс харьцангуй богино хэмжээний болсонд хүлцэл өчие. Тоглолт болох цагаасаа нэг цагийн дараа эхэлсэн нь ойрд байгаагүй үзэгчидээ бага хүлээлгэсэн амжилт байлаа.  Энд дарж нэвтрүүлгээ үзнэ үү!

Эх нутгийн гийчин-НДЕГазрын дарга Ч. Алтанхуяг

Эх нутгийн гийчин нэвтрүүлгийн энэ удаагийн дугаарт Нийгмийн Даатгалын Ерөнхий Газрын дарга Ч. Алтанхуяг болон Хуримтлалын Сангийн Удирдлагын Хэлтсийн дарга Дуулал нар оролцлоо. НДЕГ-ынхан маань АНУ-ын нийслэл Вашингтон Ди Си хотод Дэлхийн банкнаас жил болгон явуулдаг тэтгэврийн сургалтанд оролцохоор Монголоос  ирсэн ажээ. Гадаадад ажиллаж амьдарч байгаа Монголчууд маань нийгмийн даатгалд сайн дураараар хамрагдсаны ач холбогдолын талаар болон аль оронд байгаа Монголчууд төлж байгаа гээд олон сонсууштай, мэдүүштэй мэдээллийг бидэнд өгсөн юм. Энд дарж нэвтрүүлгээ үзээрэй.

Гадаадад ажиллаж амьдарч байгаа Монголчууд маань нийгмийн даатгалд сайн дураараар хамрагдсаны ач холбогдолын талаар болон аль оронд байгаа Монголчууд төлж байгаа гээд олон сонсууштай, мэдүүштэй мэдээллийг бидэнд өгсөн юм.

Шинэ мэдээ

Америк мөрөөдөл ба Монгол боломж
Америк мөрөөдөл ба Монгол боломж
“Америк мөрөөдөл” гэдэг рүү дэлхийн 7 тэрбум хүний …
Сонгуультай холбоотой 496 гомдлыг цагдаагийнхан шалгаж байна
Сонгуулийн сурталчилгаа үргэлжилж буй энэ өдрүүдэд …
Америк дахь лалын шашинтнуудыг шалгахыг Трамп уриалав
ВАШИНГТОН. /Anadolu/. Терроризмтой тэмцэх хүчин …

Шинэ зарууд