Баян-Өлгий аймгийн Алтай суманд шүлхий гарчээ

Баян-Өлгий аймгийн Алтай сумын “Чихэртэй” багийн “Тошин” гэдэг газарт байх  иргэн А, Ж нарын  долоон мал өвчилсөн байна.

Энэ сарын 2-нд өвчилсөн малаас дээж авч аймгийн Мал эмнэлэгийн тасгийн лабораторид шинжилгээ хийлгэхэд шүлхий өвчний шинж тэмдэг байж болзошгүй тул Улсын мал эмнэлэг, ариун цэврийн төв лабораториас очсон ажлын хэсэг сэжигтэй бүсийн малд үзлэг хийсэн байна. Нийт  175 толгой малаас цусны дээж авч, энэ сарын 9-нд шинжилгээний дүгнэлт гаргахад 16 өрхийн 15 үхэр, 62 хонь, бүгд 77 толгой мал шүлхий өвчнөөр өвчилсөн нь тус тус тогтоогдсон байна.

Ш.Айзаря

МОНЦАМЭ агентлаг