БИШКЕК. /CA-NEWS/. Америкийн “GO Banking Rates” цахим хуудаснаас гаргасан амьдрахад хамгийн хямд өртөгтэй орнуудын жагсаалтад Монгол Улс 103 дугаарт орсон байна. Уг жагсаалт нийтдээ 112 орныг багтаажээ.

КЕМЕРОВО. /TASS/. ОХУ-ын Кемерово муж анх удаа Монголд улаан буудай нийлүүлнэ. Тус мужийн "Топкинский элеватор", "Мариинский элеватор" гэсэн хоёр үйлдвэр хоёр жилийн хугацаанд 50 мянга хүртэл тонн улаан буудай нийлүүлэхээр төлөвлөж байгаа тухай ОХУ-ын Мал эмнэлэг, ургамлын эрүүл ахуй, хорио цээрийн хяналтын албаны /“Россельхознадзор”/ бүс нутгийн удирдах газар мэдээлжээ.

Улсын онцгой комиссын ээлжит хуралдаан өчигдөр болж, өвөлжилтийн нөхцөл байдалтай холбогдуулан Улсын онцгой комиссоос авч хэрэгжүүлж буй арга хэмжээ, цаашид анхаарах асуудлын талаарх мэдээллийг сонслоо.