ОЮУТНУУД ТОМ ОВРЫН 105 АВТОБУС ЦЭВЭРЛЭВ

Олон улсын хүүхдийн эрхийг хамгаалах өдрийг угтан өнөөдөр 200 оюутан 105 том оврын автобус угааж бяцхан дүү нартаа бэлэг барьж байна.
Нийслэлийн Хөдөлмөрийн газар, Тээврийн газартай хамтран нийтийн тээврийн үйлчилгээ эрхэлдэг аж ахуйн нэгжүүдийн том оврын автобусны цэвэрлэгээг өнгөрсөн жилээс зохион байгуулж эхэлсэн. Тэгвэл өнөөдрийн их цэвэрлэгээнд нийслэлийн Хөдөлмөрийн газарт бүртгэлтэй нийт 200 оюутан цагаар Сутайн буянт, Трансбус, Атибус зэрэг 14 аж ахуйн нэгжийн том оврын 105 автобусыг цэвэрлэх юм. Оюутнууд өдрийн 18 000 төгрөгийн хөлс авах юм байна.