“ХУРД” ХАМТЛАГ ХАНДИВ ӨРГӨНӨ
"Хурд” хамтлагаас эмнэлгүүдэд өндөр үнэ бүхий орчин үеийн техник тоног төхөөрөмжийг хандивлахаар болсон байна.
Монгол рок хөгжмийн амьд домог болсон “Хурд” хамтлаг 20 нас хүрсэн.
Тэд энэ ойдоо зориулж олон арга хэмжээг зохион байгуулж, сонсогч фэнүүддээ сонин содон бэлгүүдээ барьсаар байгаа юм. Үүний нэг болох эмнэлгийн техник тоног төхөөрөмжийг худалдан авах санхүүжилтийг өнгөрсөн оны 11 дүгээр сарын 29, 30-нд "UB палас"-ын концертын их танхимд зохион байгуулсан ойн тоглолтынхоо орлого болон алтан пянзныхаа дуудлага худалдаанаас орж ирсэн мөнгөөр бүрдүүлжээ.
Тэд эрүүл мэндийн салбарынханд эмнэлгийн тоног төхөөрөмжөө хүлээлгэн өгөх үйл ажиллагааг энэ сарын 16-нд “Монгол ньюс” мэдээллийн төвд хэвлэлийн хурал хийж олон түмэнд мэдээлэх юм.
