ЭЦГИЙН ХАЙРЫГ УРАН БҮТЭЭЛЭЭР ИЛЭРХИЙЛНЭ

УДЭТ-ын жүжигчин Г.Эрдэнэбилэг, Ц.Цэрэнболд нарын хамтран найруулсан дэлгэцийн анхны бүтээл ирэх сарын 6-нд нээлтээ хийнэ.

Тус киноны дүрүүдэд Ардын жүжигчин С.Сарантуяа, МУГЖ Ч.Алтан-Өлзий,СТА Ц.Цэрэнболд, Б.Шинэбаяр, Б.Мөнхдэлгэр, Л.Эрдэнэ-Очир нарын уран бүтээлч тогложээ. Энэ кинонд охиныхоо жаргал зовлонг хуваалцаж яваа эцэг хүн уужуу ухаан, тэнүүн хайраараа амьдралыг хэрхэн туулж байгаа тухай өгүүлнэ. Уран бүтээлчид энэхүү киногоор аав хүний хайр гэгч ямар үнэ цэнэтэй зүйл гэдгийг харуулахыг зорьсон байна.

Киноны дууг дуучин С.Наран жүжигчин Ц.Цэрэнболд нар хамтран дуулжээ.

Ж.Болор