Хүүхдийн мөнгийг гишүүд, захирлын хүүхдэд олгохгүй гэв

УИХ-ын чуулганы хуралдаан яг одоо төрийн ордонд болж буй. Энэ үеэр Монгол Улсын Ерөнхий сайд Ч.Сайханбилэг хүүхдийн мөнгийг ялгавартай олгох асуудлыг 2015 Төсвийн тодотголын хуулийн төсөлд оруулснаа мэдэгдлээ.

Тэрээр “хүүхдийн мөнгийг зайлшгүй шаардлагатай гэсэн хүүхдэд олгож, хавтгайруулж олгодог байдлыг зогсоох нь зөв гэж мэдэгджээ. Тухайлбал, Компанийн захирал, УИХ-ын гишүүдийн хүүхдэд хүүхдийн мөнгийг олгодог байдлыг зогсоох санал оруулсан гэдгийг онцолсон байна.

Түүнчлэн Монгол Улсын Ерөнхий сайд Ч.Сайханбилэг “одонтой эхчүүдийн фондыг байхгүй болгох нэг ч зүйл төсөлд тусгаагүй. 85 мянган эхчүүд одонгийн мөнгөө авна” гэжээ.

П.Жаргал