Арлингтоны сургалтын төв орон нутгийн телевизээр Монгол Улсыг сурталчлав
Арлингтоны дунд сургуулийн сургалтын төв , Арлингтоны боловсролын телевиз , тус ЭСЯ хамтран “ Монголын соёл , боловсрол “ сэдэвт 2 цагийн телехөтөлбөрт манай улсын тухай баримтат кино , тус Элчин сайдын яамны Элчин зөвлөх Б.Одонжилийн танилцуулсан Монгол Улсын боловсролын тогтолцоо , Монгол –Америкийн боловсролын салбар дахь хамтын ажиллагаа , Америкт суралцаж буй монгол оюутан , сурагчдын мэдлэгийн өндөр түвшин , тэдний хэрэгцээ , шаардлагын тухай мэдээлэл , Арлингтоны дунд сургуульд суралцаж байгаа Д.Сүхбаатар , эцэг эхийн төлөөлөгч С.Балбармаа нарын ярилцлага тус тус багтав.
Хөтөлбөрт оролцсон Америк багш нарын төлөөлөгчид дунд сургуульд суралцаж буй Монгол сурагчдын ерөнхий мэдлэг америк хүүхдүүдийнхтэй харьцуулахад өндөр байгаа , иймд англи хэлний түвшнийг дээшлүүлэхэд илүү анхаарах , цаашид Арлингтоны дунд сургуулийн багш , сурагчдыг Монгол Улсад солилцооны хөтөлбөрөөр айлчлуулах , манай төлөөлөгчдийг Америкт ирүүлэх талаар хамтран ажиллах санал гаргав. Энэхүү арга хэмжээг зохион байгуулахад Арлингтон дахь Монгол сургуулийн хамт олон мөн ихээхэн идэвх , чармайлт гаргажээ.
Монголын Элчин Сайдын Яамны цахим хуудсаас авав.