Флойд Мэйвезер шиг мөнгөтэй байсан бол ч ...
Флойд Мэйвезер бол Америкийн мэргэжлийн боксчин бөгөөд “ялагдашгүй” хэмээх тодотголтой.
Тиймдээ ч их хэмжээний мөнгөтэй болсон хар арьстны нэгэн адил юу хүссэнээ авч, юу хүссэнээ хийдэг нэгэн. Түүнийг шоу цэнгээн дээр амандаа навчин тамхи зуун, нэг гартаа хундагатай зүйл, нөгөө гартаа “ноён долларыг” багсайтал барьж, нүцгэн шахам олон сайхан хүүхнүүдээр хүрээлүүлсэн байгаагаар харах нь жирийн үзэгдэл.
Гэхдээ тэр хичнээн баруун солгойгүй цацсан ч үрж амжихааргүй их мөнгө олдогт л хамаг асуудал байгаа гэнэ. Мэдээж тэр ийм замыг туулсан анхны хар арьст мэргэжлийн боксчин биш. Мэргэжлийн боксод хөл тавьж, гэнэт л их хэмжээгээр мөнгө олж эхэлсэн өнгөт арьст тамирчдын ихэнхи нь эхэндээ оргилуун дарсанд бараг усанд орох нь халаг байж байгаад төд удалгүй дампуурлаа зарлаж, гудамжинд гардаг нь нууц биш. Харин Флойд Мэйверезийн хувьд одоохондоо “нөөц” байгаа бөгөөд үүгээрээ ч олны нүдийг хужирласаар байна.
О.Цолмон