320 сая төгрөгний үнэ бүхий брэнд хувцаснуудтай 2 настай охин

Хятадад нэгэн эх хоёр настай охиныхоо төрсөн өдрөөр хувцас, гоёл авч өгөхөд 160 мянган доллар буюу 320 сая орчим төгрөг зарцуулсан байна. Охины ээжийн өөрийн цахим хуудсан дээрээ тавьсан зургаар бол бяцхан охин Луи Витон, Диор, Барбери, Прада зэрэг дэлхийд нэртэй брэндүүдийг оригинал хувцсаар гангарсан харагдана.

Эдгээр хувцсыг  эх нь түүнд зориулан АНУ, Хонконг болон Өмнөд Солонгос зэрэг улсуудаас худалдан авсан гэнэ. Эдгээрийн үнийг Хятадын үндэсний мөнгөн тэмдэгтэд шилжүүлбэл нэг сая орчим юань болох юм байна. Үүгээр “Porsche Panamera Turbo” маркын цоо шинэ автомашин худалдаж авч болох ажээ. Сонирхуулахад, эх нь охиныхоо нэрэмжит загварын үзүүлбэрийн Шаньси мужийн Тайюань зочид буудлын хүлээн авах танхимыг түрээслэн байж хийсэн гэнэ.

О.Цолмон