Хоёр өнгөт аарцтай бялуу

Хийхэд хялбар, идэхэд жин нэмнэ гэж айлтгүй, жимстэй аарцтай бялууны жорыг танд хүргэж байна. Харахад ч, идэхэд ч үнэхээр урамтай юм аа.

Кексд:
Жигнэмэг – 200 грамм /Юбилейное шиг/
Масло – 100 грамм
Шанзанд:
Аарц – 400 грамм
Цөцгий – 400 грамм
Элсэн чихэр – 150 грамм
Желатин – 20 грамм
Нэрс, үхрийн нүд – 200 грамм

-Жигнэмэгээ жижиглэж хугалаад холигчид хийн бутална
- Дээр нь тасалгааны хэмд хайлуулсан маслогоо хийж сайтар хутгана.
- Бялууны хэлбэрт оруулна. Дээрх хэмжээгээр хийхэд 22 см орчим диаметртэй болно. Хэлбэр гаргагчийн ёроолд наалддаггүй пергамент цаас дэвсэнэ.
- Түүндээ маслогаар багсарсан жигнэмэгээ хийгээд гараараа сайн нягтруулж өгнө.
- Хөргөгчинд хийгээд, энэ хооронд шанзаа бэлдэнэ.
- Желатинаа 150 мл усанд хийгээд 10 минут байлгана.
- Дараа нь зөөлөн гал дээр тавиад 40-50 хэм хүртэл нь халаана.
- Энэ хугацаанд байнга хутгах бөгөөд желатин нь бүрэн ууссаны дараа аваад хөргөнө
- Жимсээ холигчид хийж бутлаад шүүлтүүрээр шүүж хальсыг нь ялгана. Ингэхдээ нэрсний хувьд боломжийн харин үхрийн нүдээ шүүхдээ бага зэрэг ус ашиглаж болно.
- Аарц, цөцгий, элсэн чихрээ цугт нь хийж хутгана.
- Аарцан зуурмагныхаа гуравны нэгийг өөр саванд хийж дээр нь жимсний “зутан”, - - Хөрсөн желатиныг хоёр хэсэгт хуваана
- Жимстэй аарцны бэлдэц дээрээ желатиныхаа талыг хийгээд мөн хутгана.
- Мөн цэвэр аарцан бэлдэц дээрээ желатиныхаа үлдсэн хэсгийг хийж хутгана.
- Хөргөгнөөс кексээ гаргаад яг голд нь таван хоолны халбага цагаан аарцнаасаа хийж өгнө.
- Бялуун дээрээ дусаасан аарцан бэлдэцийнхээ дээр жимсэн бэлдэцнээсээ дахин таван хоолны халбагийг тавьж өгнө
- Энэ маягаар дуустал нь ээлжилж хийнэ. Хоёр өнгийн аарц шингэвтэр тул доош суусаар бялууны дээд талыг бүрэн бүрхэнэ.
- Дээд талыг нь гоёмсог харагдуулахын тулд шүдний чигчлүүрээр төв хэсгээс нь зах хүртэл зураас татаж өгнө. Ингээд хөргөгчиндөө 4-5 цаг царцтал нь байлгана.
- Эцэст нь бялуугаа гэмтээхгүйн тулд хүрээлсэн цаасыг нь эвтэйхэн халаах замаар салгаж авна.