Хуваагдсан гэр бүлийн уулзалт болно

СӨҮЛ. /Chosun/. Өнөөдөр буюу энэ сарын 5-ны өдөр хоёр Солонгосын хилийн зэвсэггүй бүсэд болсон хуваагдсан гэр бүлийн уулзалт зохион байгуулах хоёр талын ажлын хэсэг тохиролцоонд хүрчээ.

Уулзалтыг энэ сарын 20-25-ны өдрүүдэд зохион байгуулахаар болсон байна. Хоёр улсын улаан загалмайн нийгэмлэгийн төлөөлөгчдийн уулзалт 40 минут орчим үргэлжилж тохиролцоонд хүрчээ. Уулзалтын үеэр БНАСАУ-ын төлөөлөгч Пак Юн Илийн хэлснээр, өнөөдрийн уулзалт хоёр Солонгосын харилцааг сэргээх чухал эхлэл боллоо.

Харин БНСУ-ын төлөөлөгч И Дог Хэн хэлсэн үгэндээ, “хоёр солонгосын харилцан итгэлцлийг бэхжүүлэн хамтран ажиллахын төлөө хамтдаа зүтгэцгээе” гэжээ.

А.Цацралт