11 сарын 29, Даваа
°C
USD 2,849.30
USD 2,849.30
EUR 3,196.63
JPY 24.7
GBP 3,803.67
RUB 38.17
CNY 446.12
KRW 2.4
Америк эмчийн тусламжтайгаар Монголд анх удаа 5 өвчтөнд хиймэл хөл хийж өглөө

Америк эмчийн тусламжтайгаар Монголд анх удаа 5 өвчтөнд хиймэл хөл хийж өглөө

Америк эмчийн тусламжтайгаар Монголд анх удаа 5 өвчтөнд хиймэл хөл хийж өглөө

АНУ-ын нарийн мэргэжлийн эмчийн тусламжтайгаар Монголд анх удаа гэмтэл согогтой болон бэртэлттэй 5 өвчтөнд хиймэл хөл хийж өглөө. Энэхүү ажиллагааг Монголын талаас их эмч Х. Эрдэнэбат, Америкийн талаас хиймэл эрхтэний нарийн мэргэжлийн их эмч John Dieli нар хянан удирдаж гүйцэтгэлээ. АНУ-ын Washington DC хот дахь Эд Нефийн сангаас уг төслийг 2016 онд санаачилсан байна.
Энэхүү төслийг цаашид их эмч Х. Эрдэнэбат удирдан үргэлжлүүлэхээр төлөвлөж байна. Энэ удаад АНУ-аас нарийн мэргэжлийн эмч, мэргэжилтэн өөрийн тоног төхөөрөмжөө авчирч, хиймэл хөлнүүдийг өвчтнүүдэд тааруулж, шаардлагатай тохиргоо засваруудыг газар дээр нь хийсэн бөгөөд, Монгол эмч мэргэжилтнүүдэд мөн зааж сургалаа. Ингэж сургаснаар Монголын мэргэжилтнүүд цаашид өөрсдөө бие даан хийх боломжтой болох юм.

АНУ-аас Монгол улсад элчин сайдаар ажиллаж байсан ноён Jonathan Addleton, энэ удаад Улаанбаатар хотод богино хугацаанд ажиллах үеэрээ, Эд Неф сангийн төслийг дэмжиж оролцсон бөгөөд, “ийм төслүүд нь Монгол улс, АНУ-ыг ойртуулахад тус дөхөм болоод зогсохгүй, амьдралын бодит асуудлыг шийдвэрлэхэд хамтран ажиллаж,туслах замаар бодит үр дүнгээ өгнө” гэлээ.

Ноён John Dieli нь хиймэл эрхтэн, гэмтэл согогоор нарийн мэргэшсэн, клиникийн менежер, их эмч бөгөөд АНУ-ын хиймэл эрхтэн үйлдвэрлэлийн тэргүүлэгч “Хангер” компанийг төлөөлөн оролцлоо. Тэрээр “Монголын гэмтэл согог болон нөхөн сэргээлтийн эмч нар, ер нь бүгд бидний төслийг маш сайхан дэмжиж байна. Одоогоор бидний ажил жигд сайн явагдаж байна. Хиймэл хөл гарыг хийж, тааруулах лабораторийг бид байгуулбал энэ төв маш завгүй ажиллах нь тодорхой юм байна. Өвчтөн бүрт гадаад улс руу явж хиймэл хөл гар хийлгээд түүнийгээ өөртөө тохируулуулах үйлчилгээг буцаж очоод авах боломж бараг байхгүй тиймээс өөрийн орондоо ийм төрлийн үйлчилгээг авч чаддаг байх нь өвчтөнүүдэд маш чухал хэрэгтэй” гэж хэлсэн юм.

Dr. Dieli болон Монгол эмч нарийн баг хамтран гурван эрэгтэй, хоёр эмэгтэй өвчтөнд хиймэл хөл хийж хөл дээр нь босгосон бөгөөд, орон нутгаас ирсэн зарим өвчтнүүдийг хүлээн авч, үзлэг хийж зөвлөгөө өгчээ.
Энэхүү төслийн зохицуулагч, орчуулагчаар АНУ-д боловсрол эзэмшсэн залуу мэргэжилтэн Э.Эрдэнэсүрэн ажиллаж, төслөө чадварлаг удирдаж, амжилттай хэрэгжүүлсээр байна.

2016 оны зун АНУ-ын Massachusetts мужийн Andover хотын Philipps Academy-н ахлах сургуулийн сурагчдын ажилласан төслийн хурээнд, Монгол улсын Шинжлэх Ухаан Технологийн Их Сургуулийн оюутан Гангантуяа овогтой Оюндарь 3D хэвлэгчийн оролцоотойгоор хийсэн хиймэл хөл хийлгэж авсан билээ. Энэ нь тус сургуулийн хиймэл эрхтэн хийсэн анхны төсөл байсан бөгөөд ноён Dieli техникийн болон мэргэжлийн зөвлөхөөр оролцож байсан аж.

Тус төсөл Эд Нефийн Сан болон Андовэрийн төгсөгчдийн өгөөмөр дэмжлэгтэйгээр хэрэгжсэн юм. Эд Неф Сангийн тэргүүн, ерөнхийлөгч ноён Эд Неф энэхүү төслийн ажиллагааг бүр 2005 оноос эхэлсэн. Тэр анх Гантөмөр овогтой Энх-Амар хүүг Лос Анжелес хотын Шринерс Хүүхдийн Эмнэлэгт төрөлхийн согогийг засварлах мэс заслийн эмчилгээ хийлгэхэд түсалжээ. Тэр үед хиймэл хөл хийлгээд явсан Энх-Амар хүү одоо том залуу болсон болохоор энэ удаад түүний бие, онцлогт тохируулсан шинэ, чанартай хиймэл хөл хийж өглөө.

Media contact:

• Ms. ErdenesurenErdenebat, Project Coordinator,
+1 (703) 615-7392 (cell), esuerdenebat@gmail.com
• Ms. May Zhou, Executive Director& Media Advisor, The Ed Nef Foundation,
+1 (703) 606-7699 (cell), may.zhou@nef-foundation.org

ШИНЭ ЗАРУУД

Зохиогчийн булан

БИД ЯАГААД БИЕ БИЕДЭЭ ДУРГҮЙ БАЙДАГ ВЭ?
БИД ЯАГААД БИЕ БИЕДЭЭ ДУРГҮЙ БАЙДАГ ВЭ?
09/24/2021
“Монголчууд бид цѳѳхүүлээ атлаа яагаад бие биенээ хайрлан, эв нэгдэлтэй байж болдоггүй юм бол?” хэмээн хааяадаа харуусан боддог. Харь оронд ажиллаж амьдарч байхдаа “буцаад очих эх орон гэдэг сэтгэлийн ямар их ѳмѳг түшиг, амьдралын минь нѳмѳр нѳѳлѳг, ирээдүйн минь итгэл найдвар болох”-ыг ямар ч сурталчилгаагүйгээр чин сэтгэлээсээ ойлгодог. Туурга тусгаар эх орны минь голомтыг сахин аж тѳрж буй та нарыг ч бас сэтгэлдээ хайрлана. Хѳгжлийн цаг хугацааны хуучин харгуйгаар бидэрч буй мэт хэдий боловч, ѳѳрсдѳѳ ухааран засч залруулах олон зүйлүүд байнаа. 1.ХУВИА ХИЧЭЭГЧ (дэлгэрэнгүй…)
ДУУНЫ ГЭРЭЛТ ХӨШӨӨ
ДУУНЫ ГЭРЭЛТ ХӨШӨӨ
Монголчууд дуунд гэрэлт хөшөө босгодог соёлыг дэлхийн соёлын түүхэнд анх авчрав. Монгол ухаан. Монгол нээлт. Төв талбайн өмнөх Наа багшийн “Халуун элгэн нутаг” дууны хөшөөнөөс аваад л орон даяаар лавтай зуугаад дууны хөшөө бий байхаа. Дуу, бөх хоёрыг манайхан шиг дээдэлдэг орон орчлонд үгүй мэт. Аварга цолтой харьсан бөх л бол төрийн тэргүүн. Эсвэл нийслэл хүрээний дарга. Их хуралдайн гишүүн “сарааз маёоор” болдог. Гавьяа байгуулсан дуучин л бол “төрийн нарийн”, “театр чуулгын дарга” болох ёс зөвхөн монголоос эхтэй. Өөр газар би дуулсангүй. Харсангүй. Майкл Жексон чуулгын дарга байсан тухайд
АВТО ЗАМЫН ТҮГЖРЭЛД НИЙТИЙН ТЭЭВРИЙН НѲЛѲѲ
АВТО ЗАМЫН ТҮГЖРЭЛД НИЙТИЙН ТЭЭВРИЙН НѲЛѲѲ
08/17/2021
Бараг 400 000 орчим тээврийн хэрэгсэл холхиж байдаг Улаанбаатар хотод замын түгжрэл асуулт дагуусан асуудал болоод удаж буй. Замаа ѳргѳтгѳх, метро болон дүүжин тээвэр гэх их мѳнгѳ шаардах тѳслүүд ярих хэдий ч одоогийн бодит нѳхцѳл байдлуудаа ѳѳрчлѳн сайжруулах талаар хэн ч ярихгүй юм. Байдлууд ямар байна вэ? *НИЙТИЙН ТЭЭВРИЙН МУУ БАЙДЛУУД: (дэлгэрэнгүй…)

9411-4747, 9905-5561
service@orloo.com
Хан Уул Дүүрэг, "Peace Town" хотхон, 49В

© 2005-2021 Орлоо-Инфо ХХК.