Их хэмжээний цас орсны улмаас Цагаан ордныг хаажээ

ВАШИНГТОН. /ВВС/. АНУ-ын зүүн эргийн хотууд, тухайлбал, нийслэл Вашингтон хотод их хэмжээний цас оржээ. Зарим нутгуудаар 30 см хүртэл орсон байна. Хойд Каролина болон бусад муж улсаар зам мөсдөж, зам тээврийн осол гарсны улмаас наад зах нь найман хүн амиа алджээ. Баасан гарагийн өглөө сургуулиуд болон Засгийн газрын байрууд, тэр дундаа, Цагаан ордныг хаасан байна. Мөн агаарын тээврийн компаниуд 7000 гаруй нислэгээ цуцалжээ. Их хэмжээний цас орох төлөвтэй байгаа бөгөөд энэ нь ням гараг хүртэл үргэлжилнэ гэж цаг агаарын байгууллагууд сануулсан байна.

Есөн муж улс, тухайлбал, Пенсильвани, Нью-Жерсид онц байдал зарлаад байгаа бөгөөд гадуур гарахаас зайлсхийхийг муж улсуудын эрх баригчид иргэддээ зөвлөжээ.

Д.Нямтулга