Цасанд боогдсон нярай хүүхэдтэй гэр бүлийг аварчээ

Энэ амралтын өдрүүдэд Монгол орны ихэнх нутгаар их хэмжээний цас орж, шуурга дэгдэн томоохон зам даваа хаагдаад байгаа билээ. Уг цасны улмаас замд явсан машинтай хүмүүс цасанд боогдон сууж, олон арван айлын мал туугдаж, цасанд дарагдсан мэдээлэл байна.

Тэр ч бүү хэл гэр хашаа хороо нь битүү хунгарт дарагдаж ойролцоох үзэгдэх орчин 15 метрээс цааш харагдахгүй байсан газрууд олон байв.

Тухайлбал, Өнгөрөгч бямба гарагт орсон цасны улмаас Увс аймгийн Малчин суманд хаваржаандаа буусан нэгэн айлын гэр цасанд хучигдсан байна. Тэр гэрт нэг залуу, самган, нэг сартай хүүхэдтэй эмэгтэй байсан бөгөөд тэд хаашаа ч гарч чадахгүй, цасанд боогдсон байжээ. Харин таван залуу Улаангомоос шөнөжин цас малтсаар очиж тэднийг аварч, Улаангомд авчирсан тухайгаа цахим хуудаснаа мэдээлжээ.

Мөн энэхүү их хэмжээний цасны улмаас Увс аймагт малдаа явсан дөрвөн хүн сураггүй байгаа гэх мэдээлэл байгаа юм. Түүнчлэн улсын хэмжээнд нийт 98 иргэн сураггүй болсон гэсэн дуудлага ОБЕГ-т ирсэн байна. Тэдний 94-ийг олсон бөгөөд одоогоор Дундговь, Хэнтий аймгуудын нэг, нэг иргэнийг эрэн хайх ажил үргэлжилж байгаа аж.

П.Жаргал