04 сарын 13, Мягмар
°C
USD 2,849.83
USD 2,849.83
EUR 3,384.74
JPY 26.04
GBP 3,916.52
RUB 36.85
CNY 434.94
KRW 2.53

ЗҮГЭЭР Л САНАЛ…

Цар тахлын энэ үед Монгол Улсын ЗГ сайн ажиллаж, ард иргэд ч ухамсартай сайн байгаа. Цар тахал биднийг ямар байгааг илчлэн харуулж, цаашид ямар байх хэрэгтэйд сургаж байна. Үргэлжлүүлээд, бид хүссэн ч эс хүссэн ч ийм тахал ѳвчнүүдтэй тэмцэж биш, дасан зохицож амьдрах болно. Ѳѳ тэгээд, хорио цээрийн дэглэмд байхдаа бидний амьдрал ахуйтай хамааралтай олон үйлдлүүдийг ажихдаа “Би эдний оронд үүрэг хүлээвэл ингэж хийж болох байсан даа” хэмээн харьцуулан эргэцүүлэх юм.

*ШИЙДВЭР ГАРГАХДАА:

1. Ард олны ТАВ ТУХ
2. Ард олны АЮУЛГҮЙ БАЙДАЛ
3. Ард олны СЭТГЭЛ ХАНАМЖ ямар байхыг урьдчилан тѳсѳѳлж, тооцоолж байж шийдвэр гаргана.

Иргэдийг яаралтай шинжилгээнд хамруулахдаа:
1. Энэ хүйтэнд яавал тэднийг дааруулахгүй байх вэ? гэдэгт
2. Шинжилгээ ѳгѳхдѳѳ эрсдэлд оруулахгүйн тулд хоорондын зайг яаж бариулах вэ? гэдэгт анхаарч бэлтгэвэл
3. Иргэд даарахгүй, аюулгүй орчинд, хурдан хугацаанд шинжилгээгээ ѳгвѳл баяртай байх болно гэсэн үг.

*ХЯНАЛТ ТАВИХДАА:

Улаанбаатарт 400 000 орчим ѳрх айл байгаа гэж тооцвол 10 000 ѳрхѳѳр багцалж 40 блок болгон хуваарилж, үүрэг хүлээсэн Тѳрийн албан хаагчидаа тэнцүүлэн ажиллуулна. УОК бүх хяналтыг зангидаж, мэдээллээр ханган, арга зүйгээр удирдаж ажиллах боломжтой. Тухайн блокт байгаа айл ѳрхүүдэд хорио цээрийн үед тулгарч болох эрсдэлүүдийг тэнд ажиллаж буй албан хаагчид хариуцан шийдвэрлэнэ. Энэ талаар Дарханы удирдлагууд санаачлага гарган сайн ажилласан. Энэ туршлага одоо орон нутгуудад их хэрэг болно. ОУК бүх зүйлийг ѳѳр дээрээ хэт тѳвлѳрүүлээд байгаа нь тэдэнд бэрхшээл үүсгэн, олон жижиг асуудлуудад анхаарч хянаж чадахгүй байгаа нь шүүмжлүүлж муучлуулах шалтаг нь болж байна.

*МЭДЭЭЛЭЛ ТҮГЭЭХДЭЭ:
1.Оршил ихтэй хэт нуршуу ярьцгааж байна
2.Хэт сүржигнэж олон нийтийг айдаст автуулахаар харагдаж байна
3.Мэдээлэл ѳгч байгаа ажилтан, асуулт асууж байгаа сэтгүүлчид ч асуудлаа салгаж ойлгохгүй, давхацуулж нуршаад байна
4.Гаргаж буй шийдлүүд нь гэр хороолол болон эмзэг бүлгийнхэнд хамаарал багатай байгаа нь блок хяналт байхгүйн нотолгоо

Баталгаатай мэдээлэл нь олон нийтийн сэтгэл зүйд эерэгээр нѳлѳѳлж, цаашид хувийн амьдралтайгаа холбоотой зѳв шийдвэр гаргахад туслах учиртай

*ОЛОН НИЙТ:

Бид бүхний эрүүл мэнд, амь насны эрсдэл нэг хүний болчимгүй үйлдлээс шалтгаалж буй болохоор хүн болгон хичээх ёстой. “Би л болж байвал бусад нь хамаагүй” гэсэн аминчхан хувиа хичээсэн үйлдэл болгонд хариуцлага тооцохоос ѳѳр аргагүй. Ихэнхи хүмүүс ЗГ болон УОК ын шийдвэрийг ухамсартайгаар дагаж мѳрдѳж байгаа ч цѳѳн хүмүүс ухамсаргүй бүдүүлэг байсаар байгаа. Тэр хүмүүсийг Тѳр хүмүүжүүлэх биш, бид л ѳѳрсдѳѳ шаардаж засч хүмүүжүүлэх ёстой. Хэн нэгний буруу хортой үйлдлийг шүүмжлээд суух биш хүн бүр ѳѳрийнхѳѳ бас үр хүүхдийнхээ аюулгүй байдлын тѳлѳѳ хэлж шаардах үүрэгтэй. “Нэг үхрийн эвэр доргивол мянган үхрийн эвэр доргино” гэдэг. Яг үнэндээ ийм хүмүүс Тѳрѳѳс бус, дэргэд байгаа хүмүүстээ “муу хэлүүлэх”-ээс айдаг.

*АЙДАСТ БҮҮ АВТ

УОК дэргэдээ эрдэмтэн судлаачдын баг ажиллуулж байгаа нь сайн жишээ. Алив асуудалд шинжлэх ухаанчаар хандаж байхын эхлэл. Мэргэжлийн хүмүүсийн нотолж байгаагаар: Корона вирусын илэрч халдвар тараах магадлал нь 4-7 хоног, 14 ѳѳс дээш хоногт халдвар тархаах магадлал буурч байгаа юм билээ. Амьсгалын замын болон чихрийн шижин ѳвчтэй хүмүүст эрсдэл ихтэй, дархлаа сайтай залуу хүмүүс харьцангүй гайгүй. Гэхдээ тухайн хүний онцлог болон улс орнуудын онцлог ч эерэг сѳргѳѳр нѳлѳѳлж буй. Тэгэхээр бид Улс орныхоо хэмжээнд тѳдийгүй, хувь хүнийхээ хэмжээнд ѳѳрсдийн дархлаагаа бий болгох хэрэгтэй болж байна. Айдас түгшүүрээ дарж, цаашид цар тахалтай зохицож амьдарч сурах хэрэгтэй болох байх. Үүний тулд хүн бүр ухамсартайгаар “хувиа хичээх” хэрэгтэй болж байна даа.

ХҮН БҮР ДОР БҮРНЭЭ ХИЧЭЭХЭД БИД ЭНЭ ЦАР ТАХЛЫН ЭРСДЭЛИЙГ ХАМТДАА ДАВЖ ЧАДНА. БАС ЭВЛЭЛДЭН НЭГДВЭЭС ИЛҮҮ ХҮЧИРХЭГ БОЛНО.

Харнууд овгийн Гомбосүрэнгийн Галбадрах

2020-11-30
Улаанбаатар хот

ШИНЭ ЗАРУУД

Зохиогчийн булан

БҮТЭН ЖИЛ
БҮТЭН ЖИЛ
01/29/2021
…Зѳндѳѳ олон жил ажиллаж амьдран, юм үзэж нүд тайлахдаа ѳѳрийн тѳлѳвшилѳѳ эерэгээр ѳѳрчлѳхѳд дэм болсон харь орноос, эх болсон Монгол нутаг руугаа зорьж ирээд яг нэг жил болж байна. Жавар тачигнасан цэнгэг агаартай энэ ѳглѳѳ Улаанбаатар хотод газардаж билээ. Олон жилийн дараа харь орноос ирээд “тэнгэрийн юм” бодож, “тэнгэрийн юм” ярьдаг гэж найз нѳхѳд анхааруулж байсан. Дасал болсон ахуйгаа мартаж орхисон ахуйтайгаа жишин халаглах үе зѳндѳѳ байсаан, нуулгүй хэлэхэд. Харьд олон жил амьдраад нэг л ѳглѳѳ “Би ер нь яагаад энд байгаад байх ёстой гэж? Нас ахиж буй надад ѳѳрийн эх орон, ѳѳрийн ахуй
ШИНЭ ҮЕИЙНХЭНИЙ ЗАСГИЙН ГАЗАР
ШИНЭ ҮЕИЙНХЭНИЙ ЗАСГИЙН ГАЗАР
01/23/2021
Сүүлийн хоёр хоногийн дотор санаандгүй үйл явдал болж ѳрнѳв. Хүн бүхэн ѳѳр ѳѳрийн ѳнцгѳѳс харж дүгнэж байгаа. Улстѳрийн тоглолт, улстѳрчдийн жүжиглэлийн талаар тѳсѳѳллѳѳс цаашгүй болохоор бодит бус баримтууд дээр дүгнэлт хийх хэцүү. Миний хувьд ѳрнѳсѳн асуудлуудаас хэд хэдэн эерэг тал харж байна. Дѳнгѳж тѳрсѳн эхийг хүүхэдтэй нь хамтад хүйтэнд нимгэн хувцастай нь ХѲСҮТ-д шилжүүлж авч явсан нь олон хүмүүсийн дургүйцлийг тѳрүүлж, маргааш нь залуус УОК-ыг огцрохыг шаардаж жагссан нь хүний эрхийн тѳлѳѳ улстѳржилтгүйгээр тэмцсэн шинэ үзэгдэл байлаа. Гэхдээ үүнийг улстѳрийн зорилгоор ашигласан
“БИ”- гээр ѲВЧЛѲГСѲД
“БИ”- гээр ѲВЧЛѲГСѲД
12/01/2020
Хэзээ ч давтагдашгүй БИ хэмээх бодьгалаас хүн тѳрѳлхтѳн бүрэлддэг. Бие биетэйгээ яг адилхан байх боломжгүй бидний амьдрал бие биенээсээ дэндүү хамааралтай. Бусдад таалагдаж амьдрах, бусдад муу хэлэгдэхгүй бас муу үзэгдэхгүйг хичээх амьдрал ѳѳрийн хэмнэлтэй. Ѳѳрийн биеийг ихэд бодож, ѳрѳѳл бусдаас тодорч амьдрах хүсэл зовлонгийн нэгэн шалтгаан болдог. *НАДАД ТААЛАГДАХГҮЙ БАЙНА Сошиал сүлжээнд ѳѳрийгѳѳ их нѳлѳѳтэй гэж бодож дүгнэдэг хүмүүс цѳѳнгүй бий. Бүх зүйлийг ѳѳрийнхѳѳрѳѳ дүгнэдэг тэд, ѳѳрийг нь дагаж магтаагүй ѳѳрѳѳс нь ѳѳрѳѳр сэтгэн үйлдэж байгаа хэн нэгэнд дургуйцлээ илэрхийлнэ.

9411-4747, 9905-5561
service@orloo.com
Хан Уул Дүүрэг, "Peace Town" хотхон, 49В

© 2005-2021 Орлоо-Инфо ХХК.