11/21/2017, Tue
°C
USD 2,445.66
USD 2,445.66
EUR 2,874.38
JPY 21.83
GBP 3,238.54
RUB 41.21
CNY 368.69
KRW 2.23

ТӨРИЙН АЛБАН ХААГЧДАД 300 МЯНГАН ТӨГРӨГ ОЛГОХ ШИЙДВЭРИЙГ БАТЛАВ

 

УИХ-ын чуулганы пүрэв гарагийн хуралдаанаар “Монгол Улсын 2017 оны төсвийн тухай хуульд өөрчлөлт оруулах тухай хууль баталсантай холбогдуулан авах арга хэмжээний тухай” УИХ-ын тогтоолын төслийн эцсийн хэлэлцүүлгийг хийлээ.

Тус тогтоолын төсөлд төрийн албан хаагчдад нэг удаагийн буцалтгүй тусламж болгож 300 мянган төгрөгийг олгохоор тусгасан. Хэлэлцүүлгийн шатанд УИХ-ын гишүүн С.Эрдэнэ, "Төрийн албан хаагчдын ажлын үр дүнг харгалзаж урамшууллыг олгоно гэж тогтоолд засвар оруулсан байна. Хууль зөрчсөн дээрээ улам хуулиа зөрчөөд байх юм. Ажлын үр дүнг хэлэлцэх нь цаг хугацааны хувьд болоогүй байна. Он дуусаагүй байна. Үүний оронд ахмадууд, хөгжлийн бэрхшээлтэй иргэдийн тэтгэмжийг нэмэх хэрэгтэй" гэсэн асуудлыг хөндсөн.

ЗГХЭГ-ын дарга Г.Занданшатар дээрх асуултад, "Төрийн албан хаагчдын ажлын үр дүнг тооцдог систем байдаг ч төсөвт урамшууллын мөнгийг нь тусгаж өгдөггүй. Тиймээс эл мөнгийг тодотголд тусгаж өгсөн гэсэн үг. Нөгөөтэйгүүр Ерөнхий сайд сахилга хариуцлагыг дээшлүүлэх шийдвэр гаргасан. Иймд нэг талдаа төрийн албан хаагчдад хариуцлага ноогдуулах ч сайн ажилласныг нь урамшуулж байгаа явдал юм" гэсэн хариу тайлбарыг хийж байв.

Ингээд хэлэлцэж буй асуудлаар санал хураалт явуулахад олонх дэмжлээ.

 

Эх сурвалж: www.montsame.mn

ШИНЭ ЗАРУУД

Зохиогчийн булан

Нурам - 18 (тууж)

Гэтэл тэрээр

- Би энэ бүхэн илчлэгдэхгүй өнгөрчих вий гэхээс би айж байна. Түүнээс миний энэ эвдэрхий бие одоо хэнд хэрэгтэй гэж. Цаана чинь бүхэл бүтэн уул шатчихаад байна шүү дээ. Одоо тэнд урсдаг байсан гол, ургадаг байсан мод бүгд байхгүй болсон.

(дэлгэрэнгүй…)
Өчүүхэн /өгүүллэг/


Томоо их дэлгүүрийн гадна шатаар өгсөхдөө “Хүн ирэхийг хүлээх үү, яах вэ” гэж бодол болон явтал нэг бүсгүй хажуугаар нь яарсан аятай точиг, точиг гэсээр өнгөрлөө.

(дэлгэрэнгүй…)
Яагаад би өмнөх шигээ амжилттай байж чадахаа байчихав аа?
Зарим хүмүүс ингэж ярьдаг:“Би урьд нь их амжилттай байсан, мундаг байсан, гайгүй ажил хийдэг байсан, өндөр албан тушаалтай байсан, хичээлдээ сайн байсан, эрч хүчтэй байсан, мөнгө хийж чаддаг байсан, цоглог байсан, байсан, байсан, байсан… харин одоо ийм байхаа больчихсон. Яагаад би өмнөх шигээ амжилттай байж чадахаа байчихав аа?” гэдэг. Та ч гэсэн ингэж ярьж байгаа хүнтэй тааралдаж байсан байх гэж бодож байна. Магадгүй та өөрөө ингэж ярьж байж болох юм. Хэрвээ тийм бол энэ бичлэгийг танд …