Хүүхдээ "заазуурдсан хүн"-д ял оноов

Таван настай хүүгээ онц хэрцийгээр хүчирхийлж, хүйтэн мэсээр биед нь халдсан Г.Довчинсүрэнгийн хэргийг өнөөдөр Баянзүрх дүүргийн шүүхэд хэлэлцэж, 7.6 жилийн хорих ял оноолоо. Тэрбээр өмнө нь шүүхээс таван удаа ял шийтгүүлж, арав гаруй удаа эрүүлжүүлэгдэж байжээ.

Г.Довчинсүрэн нь төрсөн охиноо найман сартай байхад нь зодож, нүдийг нь гэмтээсэн, таван настай хүүгээ зодож танхайрсан, гэр бүлдээ хүчирхийлэл үзүүлсэн гэх хэрэгт буруутгагдсан бөгөөд Баянзүрх дүүргийн прокурорын газраас түүнд 7.9 жилийн ял төлөвлөөд байсан ч шүүхээс хэргийг хянаж үзээд дээрх ялыг оноосон юм.

Я.Баяр